完整藏文原文 · 德格版页 当前仅加载第 42 函德格 75b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བས་ན་ཚུལ་ཀུན་འཇུག་ལ་མཁས་པའི་སྤྱོད་པ་བསྟན་པར་གྱིས། །ཚངས་པ་ལུང་བསྟན་པའི་ལེའུ་སྟེ་ཉི་ཤུ་པའོ།། །།དེ་ནས་འོད་གསལ་གྱི་ལྷ་བྱེ་བ་ཕྲག་ལྔ་བཅུ་རྩ་བརྒྱད་ཀྱིས་ལྷ་མ་ཡིན་རྣམས་ནས་ཚངས་པའི་བར་གྱི་ལྷ་དེ་དག་གི་མཆོད་པ་
D60.042.0075b01.01ཡང་མཐོང་། །ལུང་བསྟན་པ་ཡང་ཐོས་ནས་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང་ཡིད་བདེ་བ་སྐྱེས་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བགོས་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་
D60.042.0075b02.01སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔས་ཚུལ་ལ་འཇུག་པའི་སླད་དུ་གང་ལ་བསླབས་ནས་ཆོས་ཐམས་ཅད་སྣང་བར་འགྱུར་བའི་ཏིང་ངེ་འཛིན་ཆོས་ཐམས་ཅད་སྣང་བ་ཞེས་བགྱི་བ་མཆིས་ཏེ། དེས་ཆོས་
D60.042.0075b03.01ཐམས་ཅད་ཀྱི་ཚུལ་ལ་འཇུག་པ་རྟོགས་པར་བགྱིད་དོ། །དེ་རྟོགས་པས་བསམ་གྱིས་མི་ཁྱབ་པའི་སྤོབས་པ་དང་། ཐོགས་པ་མ་མཆིས་པའི་སྤོབས་པ་དང་། བྱིན་གྱིས་བརླབས་པའི་སྤོབས་པ་དང་། སྣ་ཚོགས་ཀྱི་སྤོབས་པ་དང་། འཇམ་པའི་སྤོབས་པ་དང་། དགེ་བའི་སྤོབས་
D60.042.0075b04.01པ་དང་། རིགས་པའི་སྤོབས་པ་དང་། གྲོལ་བའི་སྤོབས་པ་དང་། ཉེ་བར་གྱུར་བའི་སྤོབས་པ་དང་། ཟབ་པའི་སྤོབས་པ་དང་། ཕྲ་བའི་སྤོབས་པ་དང་། ཐུན་མོང་མ་ཡིན་པའི་སྤོབས་པ་ཅན་དུ་འགྱུར་ཏེ། སངས་རྒྱས་ཀྱི་སྤོབས་པ་ཡང་ཐོབ་པར་འགྱུར་རོ། །ཆོས་ཐམས་ཅད་
D60.042.0075b05.01སྣང་བ་ཞེས་བགྱི་བའི་ཏིང་ངེ་འཛིན་དེ་གང་ཞེ་ན། བཅོམ་ལྡན་འདས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་ཚུལ་ལ་འཇུག་པའི་སླད་དུ་རྣམ་པར་རྟོག་པ་དང་། རྣམ་པར་དཔྱོད་པ་ཐམས་ཅད་ཡིད་ལ་མི་བགྱིད་དེ། དེ་འདི་སྙམ་དུ་ཆོས་ཐམས་ཅད་
D60.042.0075b06.01ནི་རྣམ་པར་རྟོག་པ་མེད་དེ་རྣམ་པར་རྟོག་པ་ཡོངས་སུ་ཆད་པའོ། །གང་རྣམ་པར་མི་རྟོག་པ་དེ་ནི་ཐམས་ཅད་དུ་སོང་བ་སྟེ། ཆོས་གང་ཡང་རྣམ་པར་རྟོག་པར་ནུས་པ་མ་མཆིས་ཏེ། དེ་ཅིའི་སླད་དུ་ཞེ་ན། རང་བཞིན་མ་མཆིས་པའི་སླད་དུ་སྟེ། ཆོས་གང་ལ་རང་བཞིན་མ་མཆིས་པ་
D60.042.0075b07.01