完整藏文原文 · 德格版页 当前仅加载第 55 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྐད་ཅེས་གསོལ་ཏོ། །མ་འོངས་པའི་དུས་ཀྱི་སེམས་ཅན་རྣམས་ཀྱི་དོན་གྱི་སླད་དུ་ཅི་ནས་ཀྱང་མ་འོངས་པའི་དུས་ན་ཕྱི་མའི་དུས་ཕྱི་མའི་ཚེ་ལ་ཆོས་ཀྱི་རྣམ་གྲངས་འདི་སླར་ཡང་སྤྱོད་པར་འགྱུར་བར་བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ། དེ་
D132.055.0316a01.01ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པའི་གསོལ་བ་བཏབ་པ་མཁྱེན་ནས་ཆོས་ཀྱི་རྣམ་གྲངས་འདི་བྱིན་གྱིས་བརླབས་སོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་ཀྱི་རྣམ་གྲངས་འདི་བྱིན་གྱིས་བརླབས་པ་དང་།
D132.055.0316a02.01ཆོས་ལ་བཟོད་པས་འདུལ་བ་དག་བཟོད་པ་ཐོབ་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་བློ་གྲོས་བརྟན་པ་དང་། བྱང་ཆུབ་སེམས་
D132.055.0316a03.01དཔའ་བྱམས་པ་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་དང་། ཉན་ཐོས་ཆེན་པོ་དེ་དག་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ།
D132.055.0316a04.01བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དཔའ་བར་འགྲོ་བའི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཤཱཀྱ་པྲ་བྷ་དང་། ཞུ་ཆེན་གྱི་ལོཙྪ་བ་བན་དེ་རཏྣ་རཀྵི་ཏས་བསྒྱུར་ཅིང་
D132.055.0316a05.01ཞུས་ཏེ་གཏན་ལ་ཕབ་པ། སྐད་གསར་ཆད་ཀྱིས་ཀྱང་བཅོས་ལགས་སོ།། །།
D132.055.0316a06.01