完整藏文原文 · 德格版页 当前仅加载第 55 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མང་པོ་ཐམས་ཅད་སོ་སོ་ན་དགེ་སློང་གི་དགེ་འདུན་དང་བཅས་པར་སྣང་བ་དེ་ལྟ་བུའི་མཚན་མ་བསྟན་ནས། སྨྲས་པ། བློ་གྲོས་བརྟན་པ་ཅི་མཐོང་། སྨྲས་པ། ལྷའི་བུ་ཁོ་བོས་ནི་ཐམས་ཅད་དང་ལྡན་པའི་འཁོར་འདི་དེ་བཞིན་གཤེགས་པའི་ཁ་དོག་དང་། གཟུགས་དང་།
D132.055.0279a01.01དབྱིབས་དང་། སྤྱོད་ལམ་དང་། མཚན་བཀོད་པས་བརྒྱན་པ་དང་། ཞབས་འབྲིང་བ་དགེ་སློང་གི་དགེ་འདུན་གྱིས་ཡོངས་སུ་བསྐོར་བ་ཅི་འདྲ་བ་དེ་འདྲ་བར་སོ་སོ་ན་དགེ་སློང་གི་དགེ་འདུན་དང་བཅས་པར་མཐོང་ངོ་། །སྨྲས་པ། བློ་གྲོས་བརྟན་པ་འདི་ནི་དཔའ་བར་འགྲོ་བའི་ཏིང་ངེ་འཛིན་གྱི་ཁྱུ་
D132.055.0279a02.01མཆོག་ཏུ་གྱུར་པ་སྟེ། བློ་གྲོས་བརྟན་པ་བྱང་ཆུབ་སེམས་དཔའ་ཏིང་ངེ་འཛིན་དེ་དང་ལྡན་པ་ནི་འདོད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡུངས་འབྲུ་གཅིག་ཏུ་བྱིན་གྱིས་རློབ་བོ། །ཡང་ན་ཡུངས་འབྲུ་གཅིག་གི་ནང་དུ་ཆུད་པར་ཀུན་དུ་སྟོན་ཅིང་གླིང་བཞི་པའི་འཇིག་རྟེན་གྱི་
D132.055.0279a03.01ཁམས་ཐམས་ཅད་ཀྱང་སྣང་བར་འགྱུར། ཉི་མ་དང་ཟླ་བ་ཐམས་ཅད་ཀྱང་སྣང་བར་གྱུར་ཏེ། སེམས་ཅན་དག་ལ་གནོད་པར་ཡང་མི་འགྱུར་རོ། །བློ་གྲོས་བརྟན་པ་དེ་ལྟར་ན་ཏིང་ངེ་འཛིན་འདི་ནི་བསམ་གྱིས་མི་ཁྱབ་བོ།། །།བམ་པོ་གསུམ་པ། དེ་ནས་ཉན་ཐོས་ཆེན་
D132.055.0279a04.01པོ་དེ་དག་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་དང་། བྱང་ཆུབ་སེམས་དཔའ་དེ་
D132.055.0279a05.01དག་གིས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས་གང་དག་གིས་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པའམ། ཐོབ་པར་གྱུར་པའི་བྱང་ཆུབ་སེམས་དཔའ་དེ་དག་ནི་བསམ་གྱིས་མི་ཁྱབ་པར་བལྟ་བ་ལགས་སོ། །བཅོམ་ལྡན་འདས་སེམས་ཅན་དེ་དག་ནི་དེ་བཞིན་གཤེགས་
D132.055.0279a06.01པའི་འགྲོས་སུ་མཆི་བ་ལགས་སོ། །མངོན་པར་ཤེས་པའི་ཡེ་ཤེས་དང་། རིག་པ་དང་ལྡན་པ་ལགས་ཏེ། བཅོམ་ལྡན་འདས་དེ་ལྟར་བདག་ཅག་སྟན་གཅིག་ལ་མཆིས་པ་ལས་འདི་འདྲ་བའི་ཁ་དོག་དང་། གཟུགས་སུ་གདའ་བར་གྱུར་ནས། བདག་ཅག་གཅིག་ལ་གཅིག་ཁ་
D132.055.0279a07.01