完整藏文原文 · 德格版页 当前仅加载第 55 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་བློ་གྲོས་བརྟན་པ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ཅེས་བྱ་བ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཏིང་ངེ་འཛིན་དེ་ལ་
D132.055.0257a01.01གནས་ན། སངས་རྒྱས་ཀྱི་ཞིང་ཐམས་ཅད་ཀྱི་ཡོན་ཏན་བཀོད་པ་རྣམ་པར་སྤྲུལ་པ་ཡང་སྟོན་ལ་ཤིན་ཏུ་ཡོངས་སུ་མྱ་ངན་ལས་འདའ་བར་ཡང་མི་འགྱུར། གཟུགས་སུ་སྟོན་པ་ཐམས་ཅད་ཀྱང་སྟོན་ལ་གཟུགས་ཀྱི་དེ་བཞིན་ཉིད་ལས་ཆོས་རྣམས་འཁྲུགས་པར་ཡང་མི་བྱེད། སངས་རྒྱས་ཀྱི་
D132.055.0257a02.01ཞིང་ཐམས་ཅད་དུ་ཡང་འགྲོ་ལ་སངས་རྒྱས་ཀྱི་ཞིང་སྣ་ཚོགས་སུ་འདུ་ཤེས་པ་ཡང་མེད། སངས་རྒྱས་ཐམས་ཅད་དང་ཕྲད་པར་ཡང་འགྱུར་ལ་ཆོས་ཀྱི་དབྱིངས་ཐ་དད་པར་ཡང་མི་བྱེད། སྤྱོད་པ་ཐམས་ཅད་དུ་ཡང་སྣང་ལ་དེ་དག་ལ་སྤྱོད་པ་ཡོངས་སུ་དག་པ་ཡང་ཤེས། ལྷ་དང་མི་ཐམས་ཅད་ཀྱི་བདག་
D132.055.0257a03.01པོ་ཡང་ཡོངས་སུ་འཛིན་ལ་དེ་དག་རྒྱགས་ཤིང་བག་མེད་པར་འགྱུར་བའང་མི་སྐྱེད། བདུད་ཀྱི་ཡུལ་ཐམས་ཅད་ཀྱང་སྟོན་ལ་བདུད་ཀྱི་ལས་ལ་གནས་པ་ཡང་མ་ཡིན། ཁམས་གསུམ་ཐམས་ཅད་དུ་ཡང་སྤྱོད་ལ་ཆོས་ཀྱི་དབྱིངས་ཀྱི་རང་བཞིན་ཤེས་པ་ལས་ཀྱང་མི་གཡོ། འཆི་བར་ཡང་མི་འགྱུར།
D132.055.0257a04.01སྐྱེ་བར་ཡང་མི་འགྱུར། འགྲོ་བ་ཐམས་ཅད་དུ་ཡང་སྐྱེ་ལ་འགྲོ་བ་སྣ་ཚོགས་སུ་འདུ་ཤེས་པ་ཡང་མ་ཡིན། ཆོས་ཀྱི་ཚིག་རབ་ཏུ་དབྱེ་བ་ཐམས་ཅད་ཀྱང་སྟོན་ལ་ཡི་གེ་མཉམ་པ་ཉིད་དང་། ཆོས་ཀྱི་ཚུལ་རྟོགས་པ་ལས་ཀྱང་མི་གཡོ། གཅིག་ཏུ་མཉམ་པར་ཡང་བཞག་ལ་སེམས་ཅན་ཡོངས་སུ་སྨིན་
D132.055.0257a05.01པར་བྱེད་པར་སྤྱོད་པར་ཡང་སྣང་ལ་མི་ཟད་པ་དང་མི་སྐྱེ་བ་ལ་བཟོད་པ་དང་ཡང་ལྡན་པ་ཆོས་རྣམས་ཀྱི་སྐྱེ་བ་དང་། འགོག་པ་ཡང་རྣམ་པར་འཇོག །ཐམས་ཅད་དུ་མ་ཞུམ་པའི་ཕྱིར་སེང་གེའི་རྩལ་གྱིས་ཀྱང་འགྲོ་ཞིང་འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་ཐམས་ཅད་ན་ཡང་སྣང་ལ་པད་མ་བཞིན་
D132.055.0257a06.01དུ་མི་ཆགས་པའི་ཕྱིར་རྟག་ཏུ་ཆོས་ཀྱི་ཀུན་དགའ་མཆོག་ལ་དགའ་ཞིང་མོས་པར་ཡང་འགྱུར་རོ། །དེ་ནས་ཉན་ཐོས་ཆེན་པོ་དེ་དག་དང་། བརྒྱ་བྱིན་དང་། ཚངས་པ་དག་དང་། འཇིག་རྟེན་སྐྱོང་བ་དག་དང་། ལྷའི་བུ་དག་དང་། ཐམས་ཅད་དང་ལྡན་པའི་འཁོར་དེ་འདི་སྙམ་དུ་སེམས་ཏེ། བདག་
D132.055.0257a07.01