完整藏文原文 · 德格版页 当前仅加载第 55 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་ཞིང་རྗེས་སུ་འབྲང་སྟེ། དེ་བས་ན་དཔའ་བར་འགྲོ་བའི་ཏིང་ངེ་འཛིན་ཅེས་བྱའོ།། །།བམ་པོ་གཉིས་པ། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་ནི་ལོངས་སྤྱོད་བཙལ་ཏེ། སྦྱིན་པ་བགེད་པར་བྱེད་པར་མི་བལྟ་ཡི། བློ་གྲོས་
D132.055.0265b01.01བརྟན་པ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རིན་པོ་ཆེ་གང་ཇི་སྙེད་པ་རྒྱ་མཚོ་ཆེན་པོ་ན་ཡོད་པའམ། ལྷའི་གནས་ན་ཡོད་པའམ། ཀླུའི་གནས་ན་ཡོད་པའམ། ས་ཆེན་པོའི་སྟེང་ན་ཡོད་པའམ། གནོད་སྦྱིན་གྱི་ལག་ན་ཡོད་པའམ། མིའི་འཇིག་རྟེན་ན་ཡོད་པའི་རིན་པོ་ཆེ་ཡང་
D132.055.0265b02.01རུང་། ཟས་དང་། སྐོམ་དང་། གོས་དང་། བཞོན་པ་ཡང་རུང་སྟེ། དེ་དག་ཐམས་ཅད་ལ་དེ་དབང་ཕྱུག་ཏུ་གྱུར་པ་ཡིན། དབང་དུ་གྱུར་པ་ཡིན་ནོ། །གང་ལ་སྦྱིན་པར་འདོད་པ་དེ་ལ་སྦྱིན་པར་བྱེད་དེ། དེ་ཡང་སྔོན་གྱི་བསོད་ནམས་ཀྱིས་ཐོབ་པ་ཡིན་ན། ཡིད་ཀྱིས་རྫུ་འཕྲུལ་སྒྲུབ་པ་ལྟ་ཇི་སྨོས་ཏེ། བློ་
D132.055.0265b03.01གྲོས་བརྟན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་བྱེད་པའི་བྱེ་བྲག་ཏུ་བལྟའོ། །བློ་གྲོས་བརྟན་པ་གཞན་ཡང་དཔའ་བར་འགྲོ་བའི་ཏིང་ངེ་འཛིན་ལ་གནས་པའི་བྱང་ཆུབ་སེམས་དཔའ་ནི་ཚུལ་ཁྲིམས་ལེན་
D132.055.0265b04.01པར་མི་བྱེད་དེ། དེ་ནི་ཚུལ་ཁྲིམས་ཀྱི་ཆོས་ཉིད་ལས་ཀྱང་མི་གཡོ་ལ་སེམས་ཅན་གཞན་གདུལ་བའི་ཕྱིར་ཚུལ་ཁྲིམས་ཀྱང་ལེན་པར་བྱེད། བསླབ་པ་ཡང་ཡོངས་སུ་འཛིན་པར་བྱེད། ཆོ་ག་དང་སྤྱོད་པ་ཡང་སྟོན་ལ་ལྟུང་བ་ལས་བྱུང་བར་ཡང་ཤེས། འཐོལ་བ་དང་། འཆགས་པར་
D132.055.0265b05.01ཡང་བྱེད་ལ་དེ་ཐམས་ཅད་དུ་ལྟུང་བ་མེད་པའི་ཆོས་དང་ཡང་ལྡན་པ་ཡིན། དེ་སེམས་ཅན་ཡོངས་སུ་སྨིན་པར་བྱ་བའི་ཕྱིར་འདོད་པའི་ཁམས་སུ་སྐྱེ་སྟེ། འཁོར་ལོས་སྒྱུར་བའི་རྒྱལ་པོར་གྱུར་ནས། བུད་མེད་ཀྱི་ཚོགས་ཀྱིས་མདུན་དུ་བདར་ཅིང་། བཙུན་མོའི་འཁོར་གྱི་ནང་དུ་གནས་
D132.055.0265b06.01ཏེ། འདོད་པ་ལ་ལོངས་སྤྱོད་པར་ཡང་སྣང་ཞིང་། བུ་ཕོ་དང་། བུ་མོ་དང་། ཆུང་མས་གཟིར་བའི་ཁྱིམ་ན་ཡང་གནས་ལ། དེ་ཡང་འདོད་ཆགས་དང་བྲལ་བ། ཏིང་ངེ་འཛིན་གྱི་ཆོས་ཉིད་ལ་གནས་པ། ཚུལ་ཁྲིམས་ཡོངས་སུ་དག་པ། ལེགས་པར་མཐོང་བས་སྲིད་པ་ལ་
D132.055.0265b07.01