完整藏文原文 · 德格版页 当前仅加载第 55 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པར་ཐར་པའི་སྒོ་གསུམ་ལ་གནས་པ་ཡང་ཡིན་ལ། ངེས་པར་གྱུར་པ་ལ་ཡང་མི་འཇུག་པ་དང་། བདེན་པ་བཞི་ཡོངས་སུ་ཤེས་པ་ཡང་ཡིན་ལ། འབྲས་བུ་ཐོབ་པར་ཡང་མི་བྱེད་པ་དང་། རྣམ་པར་ཐར་པ་བརྒྱད་ཀྱི་བསམ་གཏན་ལ་
D132.055.0298b01.01བསམ་གཏན་པ་ཡང་ཡིན་ལ། བྱང་ཆུབ་སེམས་དཔའི་སྤྱོད་པ་ཡང་མི་གཏོང་བ་དང་། རིག་པ་གསུམ་དང་ལྡན་པ་ཡང་ཡིན་ལ། ཁམས་གསུམ་ན་ཡང་སྤྱོད་པ་དང་། ཉན་ཐོས་ཀྱི་ཁ་དོག་དང་། རྟགས་དང་། དབྱིབས་སུ་གནས་པ་ཡང་ཡིན་ལ། སྒྲའི་རྗེས་སུ་སོང་ཞིང་ཕ་རོལ་ལས་
D132.055.0298b02.01ཐོས་པ་ཚོལ་བར་ཡང་མི་བྱེད་པ་དང་། རང་སངས་རྒྱས་ཀྱི་ཁ་དོག་དང་། རྟགས་དང་། དབྱིབས་སུ་གནས་པ་ཡང་ཡིན་ལ། སྤོབས་པ་ཐོགས་པ་མེད་པས་ཆོས་ཀྱང་སྟོན་པ་དང་། གཅིག་པུ་མཉམ་པར་གཞག་པ་ཡང་ཡིན་ལ། སེམས་ཅན་ཐམས་ཅད་སྨིན་པར་བྱ་བའི་སྤྱོད་པ་རྣམས་
D132.055.0298b03.01ན་ཡང་སྣང་བ་དང་། ལམ་ལས་ཀྱང་མ་འདས་ལ། ལམ་ངན་པ་ན་ཡང་སྣང་བ་དང་། ཤིན་ཏུ་ཀུན་ཏུ་ཆགས་པར་ཡང་སྣང་ལ། ཉོན་མོངས་པ་ཐམས་ཅད་དང་བྲལ་བས་འདོད་ཆགས་དང་བྲལ་བར་ཡང་གྱུར་པ་དང་། ཤིན་ཏུ་ཡོངས་སུ་མྱ་ངན་ལས་འདས་པ་ཡང་ཡིན་ལ། འཁོར་བའི་
D132.055.0298b04.01སྤྱོད་པ་འཁྲུགས་པར་མི་བྱེད། གཏོང་བར་ཡང་མི་བྱེད་པ་སྟེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན་སྦྱིན་པའི་གནས་ཞེས་བྱའོ། །དེ་ནས་བྱང་ཆུབ་སེམས་དཔའ་བློ་གྲོས་བརྟན་པས་གནས་བརྟན་རབ་འབྱོར་ལ་འདི་སྐད་ཅེས་སྨྲས་སོ། །གནས་བརྟན་རབ་འབྱོར་ནི་བཅོམ་ལྡན་འདས་ཀྱིས་
D132.055.0298b05.01སྦྱིན་པའི་གནས་ཀྱི་ནང་ན་མཆོག་ཏུ་བཀའ་སྩལ་ན། འཇམ་དཔལ་གཞོན་ནུར་གྱུར་པས་གང་ཆོས་བཅུ་པོ་འདི་དག་བཤད་པའི་ཆོས་དེ་དག་གི་ནང་ན་གནས་བརྟན་རབ་འབྱོར་སྣང་ངམ། དེ་སྐད་ཅེས་སྨྲས་པ་དང་། གནས་བརྟན་རབ་འབྱོར་གྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་འདི་
D132.055.0298b06.01སྐད་ཅེས་སྨྲས་སོ། །རིགས་ཀྱི་བུ་དེ་ལས་ཆོས་གཅིག་ཀྱང་ཁོ་བོ་ལ་མེད་ན་བཅུ་ལྟ་ཅི་སྨོས། སྨྲས་པ། འོ་ན་ད་ཇི་ལྟར་ན་གནས་བརྟན་རབ་འབྱོར་སྦྱིན་པའི་གནས་ཀྱི་ནང་ན་མཆོག་ཅེས་བྱ། རབ་འབྱོར་གྱིས་སྨྲས་པ། རིགས་ཀྱི་བུ་ཁོ་བོ་ནི་བྱང་ཆུབ་སེམས་དཔའ་དང་བསྐྲུན་ཏམ།
D132.055.0298b07.01