完整藏文原文 · 德格版页 当前仅加载第 55 函德格 313b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུངས་ཞེས་གསུངས་པ་ཡིན། །གང་ན་དངོས་པོ་མེད་གྱུར་པ། །དེ་ན་དེ་ཡང་མི་རྟོགས་ཏེ། །གང་ན་བདག་ཏུ་མི་རྟོགས་པ། །གཟུངས་ཉིད་ཡིན་པར་ཤེས་པར་གྱིས། །ཆོས་ཀུན་ཉེ་བར་ཞི་བ་སྟེ། །རང་བཞིན་གྱིས་ནི་མཚན་ཉིད་མེད། །གང་ཞིག་ཡེ་ཤེས་
D132.055.0313b01.01དེར་འཇུག་པ། །དེ་ཡང་གཟུངས་ནི་མྱུར་དུ་འཐོབ། །ཆོས་རྣམས་ཐམས་ཅད་གཡོ་བ་མེད། །དེ་ན་འཇིག་རྟེན་མེད་པ་སྟེ། །གང་ན་འཇིག་རྟེན་ཡོད་མིན་པ། །དེ་ནི་གཟུངས་ཞེས་བྱ་བ་ཡིན། །ཆོས་ཀུན་གྲུབ་པ་མེད་པ་སྟེ། །གང་ན་དངོས་པོ་མེད་པ་དང་། །
D132.055.0313b02.01གང་ན་ཅི་ཡང་གྲུབ་མེད་པ། །དེ་ནི་གཟུངས་ཞེས་བྱ་བ་ཡིན། །ཆོས་རྣམས་ཐམས་ཅད་གཟུང་དུ་མེད། །དེ་ལ་ཐོག་མ་ཡོད་མ་ཡིན། །གང་ལ་ཐོག་མ་མེད་གྱུར་པ། །དེ་ཕྱིར་གཟུངས་སུ་ཤེས་པར་གྱིས། །ཆོས་རྣམས་ཐམས་ཅད་མ་སྐྱེས་ཏེ། །རྟོགས་པ་
D132.055.0313b03.01ལས་ནི་ཀུན་ཏུ་བྱུང་། །གང་ན་རྟོག་པ་མེད་གྱུར་པ། །དེ་ཕྱིར་གཟུངས་སུ་ཤེས་པར་གྱིས། །ཆོས་རྣམས་ཐམས་ཅད་མེད་པར་གནས། །མི་རྟོག་པར་ནི་བསྟན་པ་སྟེ། །འདི་ལ་བསྟན་པ་ཅུང་ཟད་མེད། །དེས་ན་བསྟན་ཅེས་བྱ་བ་ཡིན། །ཆོས་རྣམས་
D132.055.0313b04.01ཐམས་ཅད་མ་འདྲེས་ཏེ། །འདི་ལ་ངོ་བོ་ཉིད་ཀྱང་མེད། །གང་ན་ཆོས་སུ་དམིགས་མེད་པ། །དེ་ནི་དེ་ན་ཐ་དད་མེད། །ཆོས་རྣམས་ཐམས་ཅད་མ་ཆགས་ཏེ། །དེ་ནི་ནམ་མཁའ་མཚུངས་ཤིང་འདྲ། །ཆོས་ཀྱི་རང་བཞིན་དེ་ཡིན་ཏེ། །གཟུངས་ཞེས་པ་ཡང་དེ་ཡིན་
D132.055.0313b05.01ནོ། །ཆོས་རྣམས་ཐམས་ཅད་མཚན་ཉིད་གཅིག །འདི་ན་གཅིག་ཀྱང་མེད་པ་སྟེ། །འདི་ན་རང་བཞིན་ཐ་དད་མེད། །དེ་བས་དེ་དག་མཚན་ཉིད་གཅིག །ཆོས་རྣམས་ཐམས་ཅད་མཚན་ཉིད་མེད། །དེ་ན་དངོས་པོ་མེད་པ་སྟེ། །གང་ན་དངོས་པོ་མེད་གྱུར་པ། །དེ་
D132.055.0313b06.01ཕྱིར་གཟུངས་ཞེས་བྱ་བ་ཡིན། །ཆོས་རྣམས་ཐམས་ཅད་དབེན་པས་ན། །དེ་ན་ངོ་བོ་ཉིད་མེད་དེ། །གང་ན་དངོས་པོ་མི་དམིགས་པ། །དེ་ནི་གཟུངས་སུ་ཤེས་པར་གྱིས། །ཆོས་རྣམས་ཐམས་ཅད་མི་གནས་ཏེ། །ལྡང་བ་བྱེད་པའང་མེད་པ་ཡིན། །གང་ན་
D132.055.0313b07.01