完整藏文原文 · 德格版页 当前仅加载第 55 函德格 265a 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་མ་ཡིན། དོན་གཅིག་ལས་བྱུང་བར་མི་བལྟའོ། །དེ་ཅིའི་ཕྱིར་ཞེ་ན། བློ་གྲོས་བརྟན་པ་ཏིང་ངེ་འཛིན་ཐམས་ཅད་དང་། སྙོམས་པར་འཇུག་པ་ཐམས་ཅད་དང་། རྣམ་པར་ཐར་པ་ཐམས་ཅད་དང་། རྫུ་འཕྲུལ་དང་། མངོན་པར་ཤེས་པ་དང་། སོ་སོ་ཡང་དག་པར་རིག་
D132.055.0265a01.01པའི་ཤེས་པ་དེ་དག་ཐམས་ཅད་ནི་དཔའ་བར་འགྲོ་བའི་ཏིང་ངེ་འཛིན་གྱི་ནང་དུ་འདུས་ཤིང་ཆུད་པར་བལྟའོ། །བློ་གྲོས་བརྟན་པ་འདི་ལྟ་སྟེ། དཔེར་ན་ཆུ་མིག་དང་། མཚེའུ་དང་། རྫིང་དང་། ལྟེང་ཀ་དང་། ཆུ་བྲན་དང་། འབབ་ཆུ་དང་། འབབ་ཆུ་ཆེན་པོ་གང་ཇི་སྙེད་པ་དེ་དག་ནི་རྒྱ་མཚོ་ཆེན་པོར་
D132.055.0265a02.01འདུས་པར་བལྟའོ། །བློ་གྲོས་བརྟན་པ་དེ་བཞིན་དུ་བྱང་ཆུབ་སེམས་དཔའི་ཏིང་ངེ་འཛིན་དང་། སྙོམས་པར་འཇུག་པ་དང་། རྣམ་པར་ཐར་པ་གང་ཇི་སྙེད་པ་དག་དང་། རྫུ་འཕྲུལ་ཐམས་ཅད་དང་། མངོན་པར་ཤེས་པ་དང་། སོ་སོ་ཡང་དག་པར་རིག་པའི་ཤེས་པ་དེ་དག་ཐམས་ཅད་ནི་
D132.055.0265a03.01དཔའ་བར་འགྲོ་བའི་ཏིང་ངེ་འཛིན་གྱི་ནང་དུ་འདུས་པར་བལྟའོ། །བློ་གྲོས་བརྟན་པ་འདི་ལྟ་སྟེ། དཔེར་ན་རྒྱལ་པོའི་དཔུང་གི་ཚོགས་ཡན་ལག་བཞི་པ་ཐམས་ཅད་ནི་དཔའ་བོ་གཡུལ་དུ་འཇུག་པའི་ལག་ཏུ་སོང་ཞིང་དབང་དུ་གྱུར་པ་ཡིན་ཏེ། དཔའ་བོ་གཡུལ་དུ་འཇུག་པ་གང་དང་གང་དུ་
D132.055.0265a04.01འགྲོ་བ་དེ་དང་དེར་དཔུང་གི་ཚོགས་ཡན་ལག་བཞི་པ་ཡང་འགྲོའོ། །བློ་གྲོས་བརྟན་པ་དེ་བཞིན་དུ་ཏིང་ངེ་འཛིན་གྱི་སྒོའམ། སྙོམས་པར་འཇུག་པའི་སྒོའམ། ཆོས་ལ་གནས་པའི་སྒོའམ། རྣམ་པར་ཐར་པའི་སྒོའམ། གཟུངས་ཀྱི་སྒོའམ། མངོན་པར་ཤེས་པ་དང་། རིག་པ་དང་།
D132.055.0265a05.01རྣམ་པར་གྲོལ་བའི་སྒོ་གང་ཇི་སྙེད་པ་ཆོས་ལ་གནས་པའི་སྒོ་དེ་དག་ཐམས་ཅད་ནི་དཔའ་བར་འགྲོ་བའི་ཏིང་ངེ་འཛིན་གྱི་ལག་ཏུ་སོང་བ་ཡིན། དབང་དུ་གྱུར་པ་ཡིན། མངོན་དུ་གྱུར་པ་ཡིན་ཏེ། བློ་གྲོས་བརྟན་པ་བྱང་ཆུབ་སེམས་དཔའི་དཔའ་བར་འགྲོ་བའི་ཏིང་ངེ་འཛིན་གང་དང་གང་དུ་འགྲོ་བ་དེ་དང་
D132.055.0265a06.01དེ་ཉིད་དུ་ཆོས་ལ་གནས་པའི་སྒོ་ཐམས་ཅད་འགྲོའོ། །བློ་གྲོས་བརྟན་པ་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་གར་འགྲོ་བ་དེར་རིན་པོ་ཆེ་སྣ་བདུན་ཡང་འགྲོའོ། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་བའི་ཏིང་ངེ་འཛིན་གར་འགྲོ་བ་དེར་བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་ཀྱང་
D132.055.0265a07.01