完整藏文原文 · 德格版页 当前仅加载第 55 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟ་བ་དང་། མི་འགོག་པའི་ཆོས་ཉིད་ཇི་ལྟ་བ་དེ་བཞིན་དུ་དེ་བཞིན་གཤེགས་པ་སྐྱེས་ཤིང་མངོན་པར་རྫོགས་པར་སངས་རྒྱས་ཏེ། རིགས་ཀྱི་བུ་བདག་ནི་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་པ་དང་། ཡོངས་སུ་མྱ་ངན་ལས་འདས་པ་ཐ་དད་པར་མི་འདོད་དོ། །སྨྲས་
D132.055.0281b01.01པ། ཅིའི་ཕྱིར། སྨྲས་པ། རིགས་ཀྱི་བུ་དེ་བཞིན་གཤེགས་པས་ནི་ཆོས་ཐམས་ཅད་ཤིན་ཏུ་ཡོངས་སུ་མྱ་ངན་ལས་འདས་པར་མངོན་པར་རྫོགས་པར་སངས་རྒྱས་སོ། །སྨྲས་པ། ལྷའི་བུ་ཆོས་གང་ཤིན་ཏུ་ཡོངས་སུ་མྱ་ངན་ལས་འདས་པ་དེ་མངོན་པར་རྫོགས་པར་སངས་རྒྱས་པར་
D132.055.0281b02.01བྱ་ནུས་སམ། སྨྲས་པ། རིགས་ཀྱི་བུ་ཇི་ལྟར་ཡོངས་སུ་མྱ་ངན་ལས་འདས་པ་དེ་བཞིན་དུ་དེས་མངོན་པར་རྫོགས་པར་སངས་རྒྱས་མོད་ཀྱི་མྱ་ངན་ལས་འདས་པའི་དེ་བཞིན་ཉིད་དེ་ལས་ཀྱང་མི་འདའོ། །རིགས་ཀྱི་བུ་དེ་བཞིན་གཤེགས་པས་ནི་སྐྱེ་བས་ཀྱང་བྱང་ཆུབ་མངོན་པར་རྫོགས་
D132.055.0281b03.01པར་སངས་རྒྱས་པ་མ་ཡིན། འགག་པས་ཀྱང་མ་ཡིན། ཆོས་གང་ལ་ཡང་གནས་པས་ཀྱང་བྱང་ཆུབ་མངོན་པར་རྫོགས་པར་སངས་རྒྱས་པ་མ་ཡིན་ཏེ། རིགས་ཀྱི་བུ་གང་ན་མི་སྐྱེ་བ་མི་འགག་པ། མི་གནས་པ་དེ་ནི་ཡོངས་སུ་མྱ་ངན་ལས་འདས་པའོ། །སྨྲས་པ། ལྷའི་བུ་
D132.055.0281b04.01ཁྱོད་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་ཏེ་དེ་ལྟར་འཆད་དམ། སྨྲས་པ། རིགས་ཀྱི་བུ་བདག་ནི་ཆོས་གང་ལ་ཡང་གནས་ཏེ་འཆད་པ་མེད་དོ། །སྨྲས་པ། ལྷའི་བུ་ཁྱོད་ཇི་ལྟར་གནས་མེད་པ་ལ་གནས་ཏེ་འཆད་པར་བྱེད། སྨྲས་པ། རིགས་ཀྱི་བུ་དེ་ཇི་སྙམ་དུ་སེམས།
D132.055.0281b05.01གང་དེ་བཞིན་གཤེགས་པས་སྤྲུལ་པ་སྤྲུལ་པས་འཆད་པ་དེ་གང་དུ་གནས་ཏེ་འཆད། སྨྲས་པ། དེ་བཞིན་གཤེགས་པས་སྤྲུལ་པ་དེ་ནི་དེ་བཞིན་གཤེགས་པའི་བྱིན་གྱི་བརླབས་ཀྱིས་འཆད་དོ། སྨྲས་པ། རིགས་ཀྱི་བུ་ཡང་དེ་བཞིན་གཤེགས་པས་བྱིན་གྱིས་བརླབ་པ་གང་
D132.055.0281b06.01ཞིག་བྱིན་གྱིས་བརླབས་ཏེ། སྤྲུལ་པ་ལ་བྱིན་གྱིས་རློབ་པར་མཛད། ཅི་བདག་བྱིན་གྱིས་བརླབས་པའམ། སྨྲས་པ། དེ་མ་ཡིན་ནོ། །སྨྲས་པ། གཞན་བྱིན་གྱིས་བརླབས་པའམ། །སྨྲས་པ། དེ་མ་ཡིན་ནོ། །སྨྲས་པ། ཆོས་བསྟན་པ་བྱིན་གྱིས་བརླབས་པའམ། སྨྲས་པ།
D132.055.0281b07.01