完整藏文原文 · 德格版页 当前仅加载第 55 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཉིད་ལས་མ་འདས་ཏེ། དེའི་ཕྱིར་འདི་དག་ནི་མཉམ་མོ། །ཚངས་པ་དེ་ལྟ་བས་ན་དེ་ལྟར་དེ་བཞིན་གཤེགས་པས་ཆོས་ཐམས་ཅད་མཉམ་པར་མངོན་པར་རྫོགས་པར་སངས་རྒྱས་ཏེ། དེའི་ཕྱིར་དེ་བཞིན་གཤེགས་པ་ཆོས་ཐམས་ཅད་ཀྱི་མཉམ་པ་ཉིད་ལ་གནས་པ་ཞེས་བྱའོ། །
D132.055.0260a01.01དེ་ནས་བཅོམ་ལྡན་འདས་ལ་ཚངས་པ་མཉམ་པ་ཉིད་ལ་གནས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ནི་དེ་ལྟར་ཆོས་ཐམས་ཅད་ཀྱི་མཉམ་པ་ཉིད་མངོན་པར་རྫོགས་པར་སངས་རྒྱས་ལ། གཟུགས་ཀྱི་སྐུ་ཡོངས་སུ་གྲུབ་པ་ཡང་སེམས་ཅན་རྣམས་ལ་སྟོན་པ་
D132.055.0260a02.01ངོ་མཚར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཚངས་པ་དེ་ནི་སྔོན་དཔའ་བར་འགྲོ་བའི་ཏིང་ངེ་འཛིན་སྦྱངས་པའི་ཁྱད་པར་ཡིན་ཏེ། དེའི་ཕྱིར་དེ་བཞིན་གཤེགས་པ་དེ་ལྟར་ཆོས་ཐམས་ཅད་ཀྱི་མཉམ་པ་ཉིད་མངོན་པར་རྫོགས་པར་སངས་རྒྱས་ནས། གཟུགས་ཀྱི་སྐུ་ཡོངས་སུ་
D132.055.0260a03.01གྲུབ་པ་ཡང་སེམས་ཅན་རྣམས་ལ་སྟོན་ཏོ། །དེ་བཞིན་གཤེགས་པ་ལ་བལྟ་བ་བསྟན་པ་འདི་བཤད་པ་ན། ཚངས་པ་མཉམ་པ་ཉིད་ལ་གནས་པས་ཆོས་ལ་རྗེས་སུ་འཐུན་པའི་བཟོད་པ་ཐོབ་བོ། །ལྷའི་བུ་ཁྲིས་ཀྱང་ཆོས་ལ་རྗེས་སུ་འཐུན་པའི་བཟོད་པ་ཐོབ་པར་གྱུར་ཏོ། །དེ་ནས་བཅོམ་ལྡན་
D132.055.0260a04.01འདས་ཀྱིས་དེ་འདྲ་བའི་རྫུ་འཕྲུལ་བསྡུས་ནས། དེ་བཞིན་གཤེགས་པའི་སྐུ་དེ་དག་ཐམས་ཅད་མི་སྣང་བར་བྱས་པ་དང་། འཁོར་དེ་དག་ཐམས་ཅད་ཀྱིས་དེ་བཞིན་གཤེགས་པ་གཅིག་པུ་མཐོང་ངོ་། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་
D132.055.0260a05.01པ། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ནི་བྱང་ཆུབ་སེམས་དཔའ་ས་དང་པོ་ལ་གནས་པས་མི་འཐོབ། ས་གཉིས་པ་ལ་གནས་པས་མ་ཡིན། ས་གསུམ་པ་ལ་གནས་པས་མ་ཡིན། ས་བཞི་པ་ལ་གནས་པས་མ་ཡིན། ས་ལྔ་པ་ལ་གནས་པས་མ་ཡིན། ས་
D132.055.0260a06.01དྲུག་པ་ལ་གནས་པས་མ་ཡིན། ས་བདུན་པ་ལ་གནས་པས་མ་ཡིན། ས་བརྒྱད་པ་ལ་གནས་པས་མ་ཡིན། བྱང་ཆུབ་སེམས་དཔའ་ས་དགུ་པ་ལ་གནས་པས་མི་འཐོབ་ཀྱི། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ནི་བྱང་ཆུབ་སེམས་དཔའ་ས་བཅུ་པ་ལ་གནས་པས་
D132.055.0260a07.01