完整藏文原文 · 德格版页 当前仅加载第 55 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ལོ། །དེ་ནས་དེའི་ཚེ་བཅོམ་ལྡན་འདས་ཀྱིས་སྨིན་མཚམས་ཀྱི་མཛོད་སྤུ་ནས་བདུད་སྡིག་ཅན་ཞགས་པ་ལྔའི་བཅིང་བས་བཅིངས་ལ། བཅིངས་པ་དེ་གཅོད་པའམ། དེ་ལས་ཐར་བར་བྱེད་མི་ནུས་པར་གང་ཐམས་ཅད་དང་ལྡན་པའི་འཁོར་གྱིས་མཐོང་བར་འགྱུར་བ་དེ་ལྟ་བུའི་འོད་ཕྱུང་ནས།
D132.055.0284b01.01བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་ཁྱོད་ཀྱིས་བདུད་སྡིག་ཅན་ཞགས་པ་ལྔའི་བཅིང་བས་བཅིངས་པ་མཐོང་ངམ། གསོལ་པ། བཅོམ་ལྡན་འདས་མཐོང་ངོ་། །བདེ་བར་གཤེགས་པ་མཐོང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་ནི་དཔའ་བར་འགྲོ་
D132.055.0284b02.01བའི་ཏིང་ངེ་འཛིན་འདིའི་ཁྱུ་མཆོག་ཏུ་གྱུར་པ་ཡིན་ནོ། །ཤཱ་རིའི་བུ་སངས་རྒྱས་ཀྱི་ཞིང་གང་དག་ན་དཔའ་བར་འགྲོ་བའི་ཏིང་ངེ་འཛིན་འདི་འཆད་དམ། སྟོན་པའི་སངས་རྒྱས་ཀྱི་ཞིང་དེ་དག་ན་བདུད་དམ། བདུད་ཀྱི་རིས་ཀྱི་ལྷ་གང་དག་ཡིད་རབ་ཏུ་ཞེ་སྡང་ཞིང་ཆོས་ལ་བར་ཆད་བྱ་བའི་ཕྱིར་ཉེ་བར་
D132.055.0284b03.01གནས་པ་དེ་དག་ཐམས་ཅད་དཔའ་བར་འགྲོ་བའི་ཏིང་ངེ་འཛིན་གྱི་གཟི་བརྗིད་དང་། སངས་རྒྱས་བཅོམ་ལྡན་འདས་དེ་དག་གི་བྱིན་གྱི་བརླབས་ཀྱིས་བདག་ཞགས་པ་ལྔའི་བཅིང་བས་བཅིངས་པར་ཤེས་པར་འགྱུར་རོ། །ཤཱ་རིའི་བུ་ད་ལྟར་ཡང་རུང་ང་ཡོངས་སུ་མྱ་ངན་ལས་འདས་པའི་ཚེ་
D132.055.0284b04.01ཡང་རུང་སྟེ། དཔའ་བར་འགྲོ་བའི་ཏིང་ངེ་འཛིན་འདི་གང་ན་འཆད་དམ། སྟོན་ཏམ། ཡི་གེར་འདྲིའམ། གླེགས་བམ་དུ་བྱེད་པར་འགྱུར་བ་དེར་བདུད་སྡིག་ཅན་ནམ། བདུད་ཀྱི་རིས་ཀྱི་ལྷའམ། དེ་མ་ཡིན་པ་གཞན་ཡང་ཡིད་ཀྱི་རྟོག་པ་རབ་ཏུ་ཞེ་སྡང་བ་ཇི་སྙེད་པ་དེ་དག་ཐམས་ཅད་དཔའ་
D132.055.0284b05.01བར་འགྲོ་བའི་ཏིང་ངེ་འཛིན་གྱི་གཟི་བརྗིད་དང་། སངས་རྒྱས་བཅོམ་ལྡན་འདས་དེ་དག་གི་བྱིན་གྱི་རླབས་ཀྱིས་བདག་ཞགས་པ་ལྔའི་བཅིང་བས་བཅིངས་པར་ཤེས་པར་འགྱུར་རོ། །དེ་ནས་འཁོར་དེར་འདུས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་
D132.055.0284b06.01ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་ཐམས་ཅད་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་ནི་དཔའ་བར་འགྲོ་བའི་ཏིང་ངེ་འཛིན་འདི་ལ་ཐེ་ཙོམ་མི་འཚལ་ལོ། །ནེམ་ནུར་མ་མཆིས་སོ། །བར་
D132.055.0284b07.01