完整藏文原文 · 德格版页 当前仅加载第 55 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའ་བློ་གྲོས་བརྟན་པས་བདུད་སྡིག་ཅན་ལ་འདི་སྐད་ཅེས་སྨྲས་སོ། །དེ་བཞིན་གཤེགས་པས་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །སྨྲས་པ། རིགས་ཀྱི་བུ་བདག་གིས་ལྷག་པའི་བསམ་པས་ནི་བླ་ན་མེད་པ་ཡང་དག་པར་རྫོགས་
D132.055.0289a01.01པའི་བྱང་ཆུབ་ཏུ་སེམས་མ་བསྐྱེད་ན་ཇི་ལྟར་ན་དེ་བཞིན་གཤེགས་པས་བདག་ལ་ལུང་སྟོན་པར་མཛད། རིགས་ཀྱི་བུ་དེ་བཞིན་གཤེགས་པས་ཀྱང་སེམས་ལས་ནི་ལས། ལས་ལས་ནི་རྣམ་པར་སྨིན་པར་འགྱུར་རོ་ཞེས་བཀའ་སྩལ་ཏེ། རིགས་ཀྱི་བུ་དེ་ལྟར་བདག་མི་སྨོན་ན། ཇི་ལྟར་ན་
D132.055.0289a02.01དེ་བཞིན་གཤེགས་པ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་མཛད། དེ་ནས་བཅོམ་ལྡན་འདས་ཀྱིས་འཁོར་ཐམས་ཅད་ཀྱི་ཐེ་ཙོམ་གཅད་པའི་ཕྱིར་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་བཞི་པོ་འདི་དག་ནི་བྱང་ཆུབ་
D132.055.0289a03.01སེམས་དཔའ་རྣམས་ཀྱི་ལུང་བསྟན་པའོ། །བཞི་གང་ཞེ་ན། འདི་ལྟ་སྟེ། བློ་གྲོས་བརྟན་པ་བྱང་ཆུབ་ཏུ་སེམས་མ་བསྐྱེད་པར་ལུང་བསྟན་པ་ཡང་ཡོད་དོ། །སེམས་བསྐྱེད་མ་ཐག་ཏུ་ལུང་བསྟན་པ་ཡང་ཡོད་དོ། །གསང་སྟེ་ལུང་བསྟན་པ་ཡང་ཡོད་དོ། །བཟོད་པ་ཐོབ་ནས་མངོན་
D132.055.0289a04.01སུམ་དུ་ལུང་བསྟན་པ་ཡང་ཡོད་དེ། བློ་གྲོས་བརྟན་པ་ལུང་བསྟན་པ་བཞི་པོ་ནི་དེ་དག་ཡིན་ཏེ། དེ་དག་ནི་དེ་བཞིན་གཤེགས་པས་རབ་ཏུ་མཁྱེན་གྱི་དེ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་མ་ཡིན་ནོ། །བློ་གྲོས་བརྟན་པ་དེ་ལ་བྱང་ཆུབ་ཏུ་སེམས་མ་བསྐྱེད་པར་ལུང་བསྟན་
D132.055.0289a05.01པ་གང་ཞེ་ན། བློ་གྲོས་བརྟན་པ་འདི་ལ་གང་ཟག་ལ་ལ་ཞིག་ཡང་ན་སེམས་ཅན་དམྱལ་བའམ། ཡང་ན་དུད་འགྲོའི་སྐྱེ་གནས་སམ། ཡང་ན་གཤིན་རྗེའི་འཇིག་རྟེན་ནམ། ཡང་ན་ལྷའམ། ཡང་ན་མིའི་ནང་དུ་འགྲོ་བ་ལྔའི་འཁོར་བར་སྐྱེས་པར་གྱུར་ལ། གང་ཟག་དེ་ཡང་། དབང་པོ་
D132.055.0289a06.01རྣོ་བ་རྒྱ་ཆེན་པོ་ལ་མོས་པ་ཡིན་ན། དེ་ལ་དེ་བཞིན་གཤེགས་པས་རབ་ཏུ་མཁྱེན་ཏེ། སྐྱེས་བུ་གང་ཟག་འདི་ནི་བསྐལ་པ་འདི་སྙེད། བསྐལ་པ་བརྒྱ་ཕྲག་འདི་སྙེད། བསྐལ་པ་སྟོང་ཕྲག་འདི་སྙེད། བསྐལ་པ་བརྒྱ་སྟོང་ཕྲག་འདི་སྙེད། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་
D132.055.0289a07.01