完整藏文原文 · 德格版页 当前仅加载第 55 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་ལམ་ཡང་དག་པར་བླངས་ཏེ་གནས་པར་བགྱིའོ། །མྱ་ངན་ལས་འདའ་བར་འཚལ་བས་ཆོས་ལ་སྟོང་པར་མོས་པར་བགྱིའོ། །བཅོམ་ལྡན་འདས་དེ་ལྟར་བསོད་ནམས་འཚལ་བ་དང་། ཤེས་རབ་འཚལ་བ་དང་། མཐོ་རིས་འཚལ་བ་དང་། ལོངས་སྤྱོད་འཚལ་བ་དང་། གཟུགས་
D132.055.0304b01.01འཚལ་བ་དང་། སྤོབས་པ་འཚལ་བ་དང་། གཟུངས་འཚལ་བ་དང་། ཡེ་ཤེས་འཚལ་བ་དང་། བདེ་བ་འཚལ་བ་དང་། སེམས་ཅན་གྱི་དོན་འཚལ་བ་དང་། སྒྲ་སྙན་པ་འཚལ་བ་དང་། ཡོན་ཏན་འཚལ་བ་དང་། ཆོས་འཚལ་བ་དང་། ཞི་གནས་འཚལ་བ་དང་། ལྷག་མཐོང་འཚལ་བ་
D132.055.0304b02.01དང་། ཚངས་པའི་འཇིག་རྟེན་འཚལ་བ་དང་། ལྷ་དང་མིའི་ཕུན་སུམ་ཚོགས་པ་འཚལ་བ་དང་། མྱ་ངན་ལས་འདའ་བར་འཚལ་བ་དང་། བཅོམ་ལྡན་འདས་དོན་ཐམས་ཅད་རྟོགས་པར་འཚལ་བའི་རིགས་ཀྱི་བུ་དང་། རིགས་ཀྱི་བུ་མོ་དཔའ་བར་འགྲོ་བའི་ཏིང་ངེ་འཛིན་འདི་ཉིད་མཉན་པར་བགྱི།
D132.055.0304b03.01བླང་བར་བགྱི། གཟུང་བར་བགྱི། བཀླག་པར་བགྱི། བཤད་པར་བགྱི། བསྒོམ་པར་བགྱིའོ། །ཡང་བཅོམ་ལྡན་འདས་དཔའ་བར་འགྲོ་བའི་ཏིང་ངེ་འཛིན་འདི་ལ་ཇི་ལྟར་ནན་ཏན་བགྱི། བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་གང་གི་ཚེ་ན་བྱང་ཆུབ་སེམས་དཔའ་
D132.055.0304b04.01ཆོས་ཐམས་ཅད་མ་ཞུགས་པར་མཐོང་བ་དེའི་ཚེ། དཔའ་བར་འགྲོ་བའི་ཏིང་ངེ་འཛིན་འདི་ལ་ཞུགས་པ་ཡིན་ནོ། །རྒྱལ་བའི་བློ་གྲོས་གང་གི་ཚེ་ན་བྱང་ཆུབ་སེམས་དཔའ་ཆོས་ཐམས་ཅད་ཐོགས་པ་མེད་པ་དང་། སྐད་ཅིག་པ་དང་། ཡ་མ་བརླ་དང་། རྗེས་སུ་ཆགས་པ་དང་། ཁོང་ཁྲོ་བ་དང་
D132.055.0304b05.01བྲལ་བར་མཐོང་བ་དེའི་ཚེ། དཔའ་བར་འགྲོ་བའི་ཏིང་ངེ་འཛིན་འདི་ལ་ཞུགས་པ་ཡིན་ནོ། །རྒྱལ་བའི་བློ་གྲོས་འོན་ཀྱང་དཔའ་བར་འགྲོ་བའི་ཏིང་ངེ་འཛིན་འདི་ལ་ནི་ནན་ཏན་གཅིག་ཏུ་མ་ཟད་ཀྱི་རྒྱལ་བའི་བློ་གྲོས་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བྱེད་པའི་རྒྱུ་ནི་སེམས་ཅན་ཐམས་ཅད་ཀྱི་
D132.055.0304b06.01སེམས་དང་སྤྱོད་པའི་རྒྱུ་བ་ཇི་སྙེད་པ་དེ་སྙེད་ཡོད་དོ། །དཔའ་བར་འགྲོ་བའི་ཏིང་ངེ་འཛིན་འདི་ལ་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་འཇུག་པ་ཇི་སྙེད་པ་དེ་སྙེད་ཀྱི་ནན་ཏན་འཇུག་པ་ཡོད་དོ། །དཔའ་བར་འགྲོ་བའི་ཏིང་ངེ་འཛིན་འདི་ལ་ནི་སེམས་ཅན་ཐམས་ཅད་ཀྱི་དབང་པོའི་རྒྱུ་བ་ཇི་སྙེད་
D132.055.0304b07.01