完整藏文原文 · 德格版页 当前仅加载第 55 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་དེ་དག་དང་། ཉན་ཐོས་ཆེན་པོ་དེ་དག་འདི་སྙམ་དུ་སེམས་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉིད་དུ་རྣམ་པར་རོལ་པའི་བཀོད་པ་འདི་ལྟ་བུ་བསྟན་པར་གྱུར་ཏམ། འོན་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཞན་དག་ཏུ་ཡང་
D132.055.0296a01.01བཅོམ་ལྡན་འདས་ཤཱཀྱ་ཐུབ་པ་སངས་རྒྱས་ཀྱི་ཡུལ་ལ་འཇུག་སྙམ་པ་དང་། དེ་ནས་འཇམ་དཔལ་གཞོན་ནུར་གྱུར་པས་འཁོར་དེ་དག་གི་ཐེ་ཙོམ་གཅད་པའི་ཕྱིར་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་བདག་སངས་རྒྱས་ཀྱི་ཡུལ་དུ་སྤྱད་པ་སྤྱོད་ཅིང་།
D132.055.0296a02.01སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་དྲུག་ཅུ་འདས་ནས་སྟེང་གི་ཕྱོགས་སུ་མཆིས་པ་དང་། འཇིག་རྟེན་གྱི་ཁམས་སྒྲོན་མ་གཅིག་ཅེས་བགྱི་བ་དེ་ན་དེ་བཞིན་གཤེགས་པ་ཞིག་ཆོས་སྟོན་ཏེ། བཅོམ་ལྡན་འདས་བདག་དེ་བཞིན་གཤེགས་པ་དེའི་དྲུང་དུ་
D132.055.0296a03.01མཆིས་ནས་དེ་བཞིན་གཤེགས་པའི་ཞབས་ལ་མགོ་བོས་ཕྱག་འཚལ་ཏེ། འདི་སྐད་ཅེས་གསོལ་ཏོ། །བཅོམ་ལྡན་འདས་ཁྱོད་མཚན་ཅི། ཇི་ལྟར་གཟུང་བར་བགྱི། དེ་བཞིན་གཤེགས་པ་དེས་བདག་ལ་བཀའ་སྩལ་པ། འཇམ་དཔལ་ཁྱོད་སོང་ལ་དེ་བཞིན་གཤེགས་པ་ཤཱཀྱ་ཐུབ་
D132.055.0296a04.01པ་དེ་ཉིད་ལ་ཞུས་ཤིག་དང་། དེ་ཉིད་ཁྱོད་ལ་ལན་འདེབས་པར་མཛད་དེ། བཅོམ་ལྡན་འདས་དེའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་དེ་ནི་བསྐལ་པར་ཡང་བསྔགས་པ་མཐར་ཕྱིན་པར་བྱ་བ་དང་། བདེ་བའི་རྒྱུ་རྣམས་བཤད་མི་ནུས་ཏེ། སངས་རྒྱས་ཀྱི་ཞིང་དེའི་ཡོན་ཏན་བཀོད་པ་
D132.055.0296a05.01ནི་དེ་འདྲའོ། །ཉན་ཐོས་དང་། རང་སངས་རྒྱས་རྣམས་ཀྱི་མིང་ཡང་མི་གྲག་གོ། །བྱང་ཆུབ་སེམས་དཔའ་ཕྱིར་མི་ལྡོག་པའི་ཆོས་ཀྱི་འཁོར་ལོ་སྟོན་པ་ཤིན་ཏུ་ཡོངས་སུ་དག་པའི་དགེ་འདུན་ལགས་ཏེ། བཅོམ་ལྡན་འདས་འཇིག་རྟེན་གྱི་ཁམས་སྒྲོན་མ་གཅིག་པ་ན། ད་ལྟར་དེ་
D132.055.0296a06.01བཞིན་གཤེགས་པ་ཆོས་སྟོན་པ་དེའི་མཚན་དེ་བཞིན་གཤེགས་པས་ལེགས་པར་བཀའ་སྩལ་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་
D132.055.0296a07.01