完整藏文原文 · 德格版页 当前仅加载第 55 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་བཞིན་མཐོང་བར་འགྱུར། །ཆོས་རྣམས་ཀུན་གྱི་ལམ་གྱུར་པ། །ཐམས་ཅད་དུ་ནི་གང་འགྲོ་བའི། །དམ་པ་ཐུབ་པས་བཤད་པ་སྟེ། །དེ་དག་འདིས་ནི་རྟོགས་པར་འགྱུར། །དེ་ནས་དེ་ཡི་སྔོན་གྱི་གནས། །ཤེས་པ་ལ་ནི་འཇུག་པར་འགྱུར། །ལྷ་མིག་དྲི་མ་མེད་པ་ཡིས། །
D132.055.0263a01.01འགྲོ་བ་དག་ནི་མཐོང་བར་འགྱུར། །ཟག་པ་དག་ནི་ཟད་བྱས་ཀྱང་། །མཁས་དེ་མྱ་ངན་འདའ་མི་བྱེད། །གཟུགས་ཡོད་པ་དང་གཟུགས་མེད་པའི། །མཚན་ཉིད་གཅིག་པ་མཉམ་པ་ཤེས། །ཇི་ལྟར་སྒྱུ་མའི་མཁན་པོ་དག །སྣ་ཚོགས་རྣམ་པར་རྩེ་བ་ལྟར། །དཔའ་བོ་དེས་ནི་གཟུགས་
D132.055.0263a02.01ཀུན་ཀྱང་། །ཏིང་ངེ་འཛིན་གྱིས་རིམ་གྱིས་སྟོན། །སྒྲ་ཀུན་གྱི་ནི་མཉམ་པ་ཉིད། །བྲག་ཅ་ལྟ་བུ་རྣམ་དག་དང་། །སེམས་ཅན་ཀུན་གྱི་སྐད་རྣམས་ཀྱང་། །སྐད་ཅིག་ཙམ་གྱིས་དེས་ཤེས་སོ། །གཟུངས་དང་ཡེ་ཤེས་ལྡན་པས་ན། །སྐད་ཀྱི་བྱེད་ལ་མྱུར་དུ་འཇུག །སྒྲ་དབྱངས་ཀྱི་ནི་ཐོག་མའི་
D132.055.0263a03.01མཐའ། །ཇི་ལྟ་བཞིན་དུ་རྟོགས་པར་འགྱུར། །རྡུལ་མེད་དྲན་དང་བློ་གྲོས་ཀྱིས། །ཐུབ་པ་གཤེགས་པར་མྱུར་དུ་འཇུག །ལེགས་བཤད་པས་ནི་སེམས་ཅན་ལ། །སྡིག་པ་མེད་པ་ཡིད་དགའ་བྱེད། །སེམས་ཅན་རྣམས་ལ་ཅི་རིགས་པར། །དགྲ་བཅོམ་པ་ནི་ཆོས་འཆད་དེ། །མི་ཡི་དུས་
D132.055.0263a04.01དང་དུས་མ་ཡིན། །བློས་ནི་རྣམ་པར་རྟོག་པར་བྱེད། །ཇི་ལྟར་དབང་པོ་རྣམས་འབྱུང་བ། །དེ་ལྟ་ཉིད་དུ་ཕྱི་ཕྱིར་ཞིང་། །ཆོ་ག་བཞིན་དུ་ཤེས་གྱུར་ནས། །བརྟན་པ་དམ་པ་དོན་ཡོད་སྟོན། །ཡང་དག་མཐའ་ནི་ཕྲ་བ་ཉིད། །ནད་དང་བྲལ་བས་རྟོགས་པར་འགྱུར། །སེམས་ཅན་བསྡུ་དང་ཚར་གཅད་
D132.055.0263a05.01ལ། །དུས་རྣམས་ཀུན་ཏུ་མཁས་པར་འགྱུར། །རྟོག་དང་རྣམ་པར་རྟོག་ཀུན་བཅོམ། །ཀུན་ཏུ་རྟོག་པས་མ་བསྒྲིབས་པ། །ཕ་རོལ་ཕྱིན་པའི་ཕ་རོལ་ཐོབ། །སྤྱོད་ལམ་ལ་ནི་མི་རྟོག་གོ། །ཆོས་དབྱིངས་འདྲེས་པ་མེད་པ་ཡང་། །ཡེ་ཤེས་ཀྱིས་ནི་རྟོགས་པར་འགྱུར། །སངས་རྒྱས་གང་དག་
D132.055.0263a06.01ཕྱོགས་བཞུགས་པ། །སྐད་ཅིག་ཏུ་ཡང་ཀུན་ཏུ་སྣང་། །དེ་བཞིན་གཤེགས་པ་ཐམས་ཅད་ཀྱི། །ཆོས་བསྟན་གང་དག་ཅི་ཡོད་པ། །དེ་ཀུན་ཤེས་རབ་ལྡན་པས་ལེན། །རྨོངས་པ་དག་ཏུ་འགྱུར་བ་མེད། །མིག་ཡོར་ལྟ་བུའི་ལུས་རྣམས་ཀྱིས། །ཞིང་ཀུན་དུ་ཡང་སྣང་བར་འགྱུར། །
D132.055.0263a07.01