完整藏文原文 · 德格版页 当前仅加载第 55 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བློ་གྲོས་བརྟན་པ་ཡོད་དོ། །གསོལ་པ། དེ་དག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་བརྟན་པ་བྱང་ཆུབ་སེམས་དཔའ་སེང་གེའི་སྒྲ་བསྒྲགས་འདི་དང་། ཁྱིམ་བདག་དགའ་འདོད་ཀྱི་བུ་འདི་ནི་བྱང་ཆུབ་ཀྱི་སེམས་མ་བསྐྱེད་པར་ལུང་བསྟན་ཏོ། །
D132.055.0291b01.01དེ་མ་ཡིན་པའི་འཇིག་རྟེན་གྱི་ཁམས་གཞན་དག་ན་ཡང་བྱང་ཆུབ་སེམས་དཔའ་གང་བྱང་ཆུབ་ཏུ་སེམས་མ་བསྐྱེད་པར་ལུང་བསྟན་པས་ལུང་བསྟན་པ་ཚད་མེད་པ་དག་ཡོད་དོ། །བློ་གྲོས་བརྟན་པ་བྱང་ཆུབ་སེམས་དཔའ་ཞི་བ་ལྡན་འདི་དང་། འཇམ་དཔལ་གཞོན་ནུར་གྱུར་པ་འདི་དང་།
D132.055.0291b02.01དེ་མ་ཡིན་པའི་འཇིག་རྟེན་གྱི་ཁམས་གཞན་དག་ན་ཡང་བྱང་ཆུབ་སེམས་དཔའ་གང་དག་སེམས་བསྐྱེད་མ་ཐག་ཏུ་ཕྱིར་མི་ལྡོག་པར་ལུང་བསྟན་པས་ལུང་བསྟན་པ་ཚད་མེད་པ་དག་ཡོད་དོ། །བློ་གྲོས་བརྟན་པ་བྱང་ཆུབ་སེམས་དཔའ་ཡེ་ཤེས་དཔའ་བོ་འདི་དང་། བྱང་ཆུབ་སེམས་དཔའ་ཁྱད་
D132.055.0291b03.01པར་བློ་གྲོས་འདི་དང་། དེ་མ་ཡིན་པའི་འཇིག་རྟེན་གྱི་ཁམས་གཞན་དག་ན་ཡང་བྱང་ཆུབ་སེམས་དཔའ་གང་གསང་སྟེ་ལུང་བསྟན་པས་ལུང་བསྟན་པ་ཚད་མེད་པ་དག་ཡོད་དོ། །བློ་གྲོས་བརྟན་པ་ང་དང་བྱང་ཆུབ་སེམས་དཔའ་བྱམས་པ་འདི་དང་། གང་བསྐལ་པ་བཟང་པོ་འདི་ལ་
D132.055.0291b04.01བྱང་ཆུབ་སེམས་དཔའ་འབྱུང་བ་དེ་དག་ཐམས་ཅད་བཟོད་པ་ཐོབ་སྟེ། མངོན་སུམ་དུ་ལུང་བསྟན་པས་ལུང་བསྟན་པ་ཡིན་ནོ། །བྱང་ཆུབ་སེམས་དཔའ་བློ་གྲོས་བརྟན་པས་གསོལ་པ། བཅོམ་ལྡན་འདས་འདི་ལྟར་བྱང་ཆུབ་སེམས་དཔའ་རྣམས་ཀྱི་སྤྱོད་པ་བསམ་གྱིས་མི་ཁྱབ་པ་
D132.055.0291b05.01ནས་ལུང་བསྟན་པའི་བར་དུ་བསམ་གྱིས་མི་ཁྱབ་པ་ངོ་མཚར་ཏོ། །དེ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་ཡང་མ་ལགས་ན། སེམས་ཅན་གཞན་གྱི་ལྟ་ཅི་སྨོས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་བརྟན་པ་དེ་དེ་བཞིན་ནོ། །ཇི་སྐད་སྨྲས་པ་བཞིན་
D132.055.0291b06.01ཏེ། བློ་གྲོས་བརྟན་པ་བྱང་ཆུབ་སེམས་དཔའ་རྣམས་ཀྱི་སྤྱོད་པ་ཐམས་ཅད་རྟུལ་བ་ནི་བསམ་གྱིས་མི་ཁྱབ་བོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་བདུད་ཀྱི་རིས་ཀྱི་ལྷའི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨིན་པར་བྱས་པ་
D132.055.0291b07.01