完整藏文原文 · 德格版页 当前仅加载第 55 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཆེན་པོ་འབྲལ་བ་ཞེས་བྱ་བ་དེས་བསྐུས་པའི་རྔ་ཆེན་པོ་གཡུལ་གྱི་ངོགས་སུ་བརྡུངས་ན། རྔའི་སྒྲ་དེ་ཐོས་མ་ཐག་ཏུ་སེམས་ཅན་རྣམས་ཟུག་རྔུ་རྣམས་ལྟུང་བར་འགྱུར། དུག་ཐམས་ཅད་ཀྱང་མི་དུག་པར་འགྱུར་རོ། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་བའི་ཏིང་ངེ་འཛིན་
D132.055.0270a01.01འདི་ལ་གནས་པའི་བྱང་ཆུབ་སེམས་དཔའི་མིང་ཐོས་མ་ཐག་ཏུ་སེམས་ཅན་རྣམས་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཉོན་མོངས་པའི་ཟུག་རྔུ་རྣམས་ལྟུང་བར་འགྱུར། ལྟ་བར་གྱུར་པའི་དུག་ཐམས་ཅད་ཀྱང་མི་དུག་པར་འགྱུར་རོ། །བློ་གྲོས་བརྟན་པ་འདི་ལྟ་སྟེ། དཔེར་ན་སྨན་གྱི་ཤིང་
D132.055.0270a02.01ལྗོན་པ་ནི་རྩ་བ་ནས་བྱུང་ཡང་སེམས་ཅན་རྣམས་ཀྱི་ནད་སེལ་བར་བྱེད་དོ། །སྡོང་པོའམ། ཡལ་གའམ། འདབ་མའམ། མེ་ཏོག་གམ། འབྲས་བུའམ། ཤུན་པའམ། གསོག་གམ། སྙིང་པོ་ལས་བླངས་ཀྱང་སེམས་ཅན་རྣམས་ཀྱི་ནད་སེལ་བར་བྱེད་དོ། །བསྒྲེང་ངམ། འགྱེལ་
D132.055.0270a03.01ཏམ། དུམ་བུ་དུམ་བུར་བཅད་པ་ལས་བླངས་ཀྱང་སེམས་ཅན་རྣམས་ཀྱི་ནད་སེལ་བར་བྱེད་དོ། །བློ་གྲོས་བརྟན་པ་དེ་ལྟར་ན་སྨན་གྱི་ཤིང་ལྗོན་པ་ནི་སེམས་ཅན་རྣམས་ཀྱི་ནད་ཞི་བར་བྱ་བའི་འཚོ་བར་ནམ་ཡང་མི་འགྱུར་བ་མ་ཡིན་ནོ། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་བའི་ཏིང་ངེ་འཛིན་
D132.055.0270a04.01འདི་ལ་གནས་པའི་བྱང་ཆུབ་སེམས་དཔའ་ཡང་སེམས་ཅན་རྣམས་ཀྱི་ཉོན་མོངས་པའི་ནད་ཞི་བར་བྱ་བའི་འཚོ་བར་ནམ་ཡང་མི་འགྱུར་བ་མ་ཡིན་ཏེ། གང་དག་དེ་ལ་ཕན་པ་དང་། གནོད་པར་བྱེད་པ་དེ་དག་གི་ཉེ་བར་འཚོ་བར་ཡང་འགྱུར། གང་དེ་ལ་བཀུར་སྟི་བྱེད་པ་དང་། བཀུར་སྟི་མི་བྱེད་པ་
D132.055.0270a05.01དེ་དག་ཉེ་བར་འཚོ་བར་ཡང་འགྱུར་རོ། །དེ་ཤི་ཞིང་ཤི་བའི་དུས་བྱས་པར་གྱུར་པའི་ཤ་ལ་གང་དག་ཟ་བ་དུད་འགྲོའི་སྐྱེ་གནས་སུ་སོང་བ་རྐང་གཉིས་པ་དང་། རྐང་བཞི་པ་དང་། {རི་དགས་,རི་དྭགས་}དང་། བྱའི་ཚོགས་དེ་དག་ཀྱང་བྱང་ཆུབ་སེམས་དཔའ་དེའི་སྔོན་གྱི་སྨོན་ལམ་དང་། ཚུལ་ཁྲིམས་ཀྱི་སྟོབས་
D132.055.0270a06.01བསྐྱེད་པས་དེའི་འཆི་བའི་དུས་བྱས་ཏེ། ཤི་འཕོས་མ་ཐག་ཏུ་བདེ་འགྲོ་མཐོ་རིས་ཀྱི་འཇིག་རྟེན་ལྷའི་ནང་དུ་སྐྱེ་བར་འགྱུར་ཏེ། དེ་དག་ངན་སོང་དང་། ནད་རྣམས་དང་བྲལ་བར་འགྱུར་རོ། །བློ་གྲོས་བརྟན་པ་དེ་ལྟར་ན་སྨན་གྱི་ཤིང་ལྗོན་པ་ཞེས་བྱ་བ་དེ་ནི་དཔའ་བར་འགྲོ་བའི་ཏིང་ངེ་འཛིན་ལ་གནས་
D132.055.0270a07.01