完整藏文原文 · 德格版页 当前仅加载第 55 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་ཡབ་དེ་བཞིན་དུ་ཉན་ཐོས་ཀྱི་ངེས་པར་གྱུར་པ་ལ་ཞུགས་པ་ནི་སངས་རྒྱས་ཀྱི་ཆོས་རྣམས་ཀྱི་བསྔགས་པ་བརྗོད་བསྔགས་པ་བསྟན་པ་ལ་འདོད་པའི་སེམས་ཇི་ཙམ་མང་དུ་བསྐྱེད་ཀྱང་དེས་སངས་རྒྱས་ཀྱི་ཆོས་དང་ཡོན་ཏན་རྣམས་མི་ཤེས་མི་མཐོང་མི་མྱོང་ངོ་། །ཀྱེ་ཡབ་དེ་བས་ན་གཟུགས་འདོད་པས་
D132.055.0275b01.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱི་སྟེ། དེའི་གཟུགས་ཀྱི་ལུས་ཁ་དོག་ཡོངས་སུ་གྲུབ་པ་འདི་ལྟ་བུར་འགྱུར་རོ། །ལྷའི་བུ་སྦེད་པས་བསྟན་པ་འདི་བཤད་པའི་ཚེ་ལྷའི་བུ་ཁྲི་ཉིས་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་
D132.055.0275b02.01བྱང་ཆུབ་སེམས་དཔའ་བློ་གྲོས་བརྟན་པས་ལྷའི་བུ་སྦེད་པ་ལ་འདི་སྐད་ཅེས་སྨྲས་སོ། །ལྷའི་བུ་ཁྱོད་ཀྱིས་དགེ་བའི་རྩ་བ་ཇི་ཙམ་གྱིས་བུད་མེད་ཀྱི་ལུས་ལས་བསྒྱུར། སྨྲས་པ། རིགས་ཀྱི་བུ་ཐེག་པ་ཆེན་པོ་ལ་གནས་པས་ནམ་བུད་མེད་དམ། སྐྱེས་པར་གནས་ཀྱང་ཉེས་པར་མི་འགྱུར་རོ། །
D132.055.0275b03.01དེ་ཅིའི་ཕྱིར་ཞེ་ན། ཐམས་ཅད་མཁྱེན་པའི་སེམས་ནི་ཁམས་གསུམ་དང་ལྷན་ཅིག་མི་གནས་པའི་ཕྱིར་ཏེ། བུད་མེད་དང་སྐྱེས་པ་ནི་སེམས་ཀྱིས་རབ་ཏུ་ཕྱེ་བ་ཡིན་ནོ། །ཡང་རིགས་ཀྱི་བུ་ཁྱོད་ཀྱིས་དགེ་བའི་རྩ་བ་ཇི་ཙམ་གྱིས་བུད་མེད་ཀྱི་ལུས་ལས་བསྒྱུར་ཅེས་གང་དེ་སྐད་སྨྲས་པ་ནི་ཇི་
D132.055.0275b04.01ཙམ་དུ་ཁྱིམ་ཐབ་ལ་གཡོ་མེད་ཅིང་ཕངས་པར་སེམས་པས་རིམ་གྲོ་བྱས་པས་སོ། །སྨྲས་པ། ཁྱོད་ཀྱིས་ཇི་ལྟར་ཁྱིམ་ཐབ་ལ་རིམ་གྲོ་བྱས། སྨྲས་པ། སྟོན་པ་ཙམ་དུ་ཕངས་པར་བསམས་པས་སོ། །སྨྲས་པ། ཇི་ལྟར་ཁྱོད་ཀྱིས་གཡོ་མེད་པར་བྱས། སྨྲས་པ། ལུས་ཀྱི་ལས་
D132.055.0275b05.01ཇི་ལྟ་བ་དང་། ངག་གི་ལས་ཇི་ལྟ་བ་དེ་བཞིན་དུ་ཡིད་ཀྱི་ལས་བགྱིས་ཏེ། རིགས་ཀྱི་བུ་དེ་ནི་བུད་མེད་ཀྱི་གཡོ་མེད་པའོ། །སྨྲས་པ། ཁྱོད་ཀྱིས་བུད་མེད་ཀྱི་ལུས་ལས་ཇི་ལྟར་བསྒྱུར། སྨྲས་པ། ཇི་ལྟར་བསྒྲུབས་པ་བཞིན་དུའོ། །སྨྲས་པ། ཁྱོད་ཀྱིས་ཇི་ལྟར་བསྒྲུབས། སྨྲས་པ། ཇི་ལྟར་བསྒྱུར་བ་
D132.055.0275b06.01བཞིན་དུའོ། །སྨྲས་པ། ལྷའི་བུ་བཤད་པ་དེའི་དོན་གང་ཡིན། སྨྲས་པ། རིགས་ཀྱི་བུ་ཆོས་ཐམས་ཅད་ནི་ཆོས་ཀྱི་དབྱིངས་སུ་རོ་གཅིག་པས་ན། རིགས་ཀྱི་བུ་ཆོས་ཐམས་ཅད་ནི་མི་འགྲུབ་མི་ལྡོག་གོ། །ཡང་རིགས་ཀྱི་བུ་ཇི་སྲིད་དུ་བདག་སྨོན་པར་གྱུར་པ་དེ་སྲིད་དུ་བདག་ལ་བུད་མེད་ཀྱི་
D132.055.0275b07.01