完整藏文原文 · 德格版页 当前仅加载第 55 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དང་། སེམས་ཅན་ཐམས་ཅད་ཀྱི་སྤྱོད་པ་ལ་ཡང་རྣམ་པར་བལྟའོ། །དེ་ནས་བྱང་ཆུབ་སེམས་དཔའ་བློ་གྲོས་བརྟན་པས་བརྒྱ་བྱིན་ལྷུན་པོའི་རྩེ་འཛིན་ལ་འདི་སྐད་ཅེས་སྨྲས་སོ། །ཀྱེ་གྲོགས་པོ་ཁྱོད་གླིང་བཞི་པའི་འཇིག་རྟེན་གྱི་ཁམས་གང་ནས་འདིར་འོངས། རི་རབ་གང་གི་རྩེ་མོ་
D132.055.0273b01.01ལ་གནས། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་བློ་གྲོས་བརྟན་པ་ལ་བརྒྱ་བྱིན་ལྷུན་པོའི་རྩེ་འཛིན་གྱིས་འདི་སྐད་ཅེས་སྨྲས་སོ། །རིགས་ཀྱི་བུ་བྱང་ཆུབ་སེམས་དཔའ་གང་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ་དེ་ལ་ཁྱོད་གང་ན་གནས་ཞེས་གནས་མི་འདྲིའོ། །དེ་ཅིའི་
D132.055.0273b02.01ཕྱིར་ཞེ་ན། དེ་ནི་སངས་རྒྱས་ཀྱི་ཞིང་ཐམས་ཅད་ན་གནས་སོ། །དེ་ནི་གང་དུ་ཡང་མངོན་པར་ཞེན་པས་མི་གནས་སོ། །དེ་ནི་དམིགས་པས་མི་གནས་སོ། །དེ་ནི་ལྟ་བར་གྱུར་པས་མི་གནས་སོ། །དེ་ནས་བྱང་ཆུབ་སེམས་དཔའ་བློ་གྲོས་བརྟན་པས་བརྒྱ་བྱིན་ལྷུན་པོའི་རྩེ་འཛིན་ལ་འདི་སྐད་
D132.055.0273b03.01ཅེས་སྨྲས་སོ། །ཀྱེ་གྲོགས་པོ་ཅི་ཁྱོད་ཀྱིས་དཔའ་བར་འགྲོ་བའི་ཏིང་ངེ་འཛིན་འདི་ཐོབ་བམ། བརྒྱ་བྱིན་ལྷུན་པོའི་རྩེ་འཛིན་གྱིས་སྨྲས་པ། རིགས་ཀྱི་བུ་ཅི་ཏིང་ངེ་འཛིན་འདི་ཐོབ་པའམ། མ་ཐོབ་པས་ཉེ་བར་གནས་སམ། སྨྲས་པ། དེ་ནི་མ་ཡིན་ནོ། །སྨྲས་པ། རིགས་
D132.055.0273b04.01ཀྱི་བུ་དེ་ལྟ་བས་ན་བྱང་ཆུབ་སེམས་དཔའ་གང་ཏིང་ངེ་འཛིན་འདིས་གནས་པ་དེ་ནི་ཆོས་གང་ཡང་མི་འཐོབ་ཅིང་ཐོབ་པ་མེད་དོ། །བྱང་ཆུབ་སེམས་དཔའ་བློ་གྲོས་བརྟན་པས་སྨྲས་པ། ཀྱེ་གྲོགས་པོ་ཁྱོད་ཀྱི་སྤོབས་པ་ལས་ན་ཁྱོད་ནི་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་སོ། །
D132.055.0273b05.01སྨྲས་པ། རིགས་ཀྱི་བུ་ཆོས་ཐམས་ཅད་གནས་མེད་པའི་ཕྱིར་ཁོ་བོས་ནི་དཔའ་བར་འགྲོ་བའི་ཏིང་ངེ་འཛིན་འདི་གང་ལ་གནས་པའི་ཆོས་དེ་མ་མཐོང་ངོ་། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ཏིང་ངེ་འཛིན་འདི་ལ་གནས་པ་ནི་ཆོས་གང་ལ་ཡང་མི་གནས་སོ། །གང་ལ་
D132.055.0273b06.01ཡང་མི་གནས་པ་དེ་ལ་ནི་ལེན་པ་མེད་དོ། །གང་ལ་ལེན་པ་མེད་པ་དེ་ལ་ཆོས་བསྟན་པ་གང་ཡང་མེད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་འདི་སྐད་ཅེས་བཀའ་སྩལ་ཏོ། །བློ་གྲོས་བརྟན་པ་ཁྱོད་ཀྱིས་བརྒྱ་བྱིན་ལྷུན་པོའི་རྩེ་འཛིན་མཐོང་ངམ། གསོལ་
D132.055.0273b07.01