完整藏文原文 · 德格版页 当前仅加载第 55 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
ཤཱ་རིའི་བུ་ཐོས་མོད་ཀྱི་འོང་བ་དང་བདག་བཅིང་བ་དེ་ལས་ཐར་བར་བྱེད་མི་ནུས་སོ། །གསོལ་པ། བཅོམ་ལྡན་འདས་གང་དེ་བཞིན་གཤེགས་པས་དཔའ་བར་འགྲོ་བའི་ཏིང་ངེ་འཛིན་འདིའི་མིང་བྱིན་གྱིས་བརླབས་ན་ཐོས་པར་གྱུར་པ་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་
D132.055.0285b01.01ཏོ། །བཀའ་སྩལ་པ། ཤཱ་རིའི་བུ་ཆོག་གིས་ཁྱོད་དེ་སྐད་མ་ཟེར་ཅིག །ཤཱ་རིའི་བུ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་མེས་ཡོངས་སུ་གང་བ་ཡང་འབོགས་ཏེ། དཔའ་བར་འགྲོ་བའི་ཏིང་ངེ་འཛིན་འདིའི་མིང་ཉན་དུ་འགྲོ་བར་བྱའོ། །དེ་ཅིའི་ཕྱིར་ཞེ་ན། ཤཱ་རིའི་བུ་དཔའ་བར་འགྲོ་
D132.055.0285b02.01བའི་ཏིང་ངེ་འཛིན་འདི་ནི་ཐོས་ནས་ཀྱང་གཅེས་སྤྲས་བྱེད་པ་ཡིན་གྱི། བསམ་གཏན་བཞི་ལ་གནས་ཤིང་ཚངས་པའི་འཇིག་རྟེན་དུ་སྐྱེ་བ་ནི་དེ་ལྟ་མ་ཡིན་ནོ། །ཞེས་ངས་བཤད་དོ། །ཤཱ་རིའི་བུ་བདུད་སྡིག་ཅན་གྱིས་དཔའ་བར་འགྲོ་བའི་ཏིང་ངེ་འཛིན་འདིའི་མིང་ཐོས་པ་དེ་ཉིད་དེའི་བདུད་ཀྱི་ལས་
D132.055.0285b03.01ཐམས་ཅད་རབ་ཏུ་ཞི་བར་འགྱུར་བའི་རྒྱུར་འགྱུར་རོ། །གང་ཡང་བཅིང་བས་བཅིངས་བཞིན་དུ་ཐོས་པ་དེ་ཉིད་དེའི་ལྟ་བར་གྱུར་པའི་འཆིང་བ་བཅུ་གཉིས་ལས་རབ་ཏུ་ཐར་བར་འགྱུར་བའི་རྒྱུར་འགྱུར་རོ། །ཤཱ་རིའི་བུ་དེ་བས་ན་ལྟ་བར་གྱུར་པའི་བདུད་ཀྱི་ཞགས་པས་བཅིངས་པར་གནས་པས་ཀྱང་
D132.055.0285b04.01དཔའ་བར་འགྲོ་བའི་ཏིང་ངེ་འཛིན་འདི་མཉན་པར་བྱ་ན་དགའ་བ་དང་། དད་པ་དང་། མཆོག་ཏུ་དགའ་བ་ཐོབ་པས་མཉན་པ་ལྟ་ཅི་སྨོས། དེ་ནས་འཁོར་དེར་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པ་ཞེས་བྱ་བ་ཞིག་འདུས་པར་གྱུར་ཏེ་འདུག་གོ། །དེ་ནས་བཅོམ་ལྡན་
D132.055.0285b05.01འདས་ལ་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བདུད་སྡིག་ཅན་འཁོར་འདིར་མཆི་བར་མཛད་དུ་གསོལ། བཅོམ་ལྡན་འདས་བདག་གིས་དེ་ལ་བདུད་ཀྱི་སྤྱོད་པའི་ཡུལ་ཐམས་ཅད་བསྟན་པར་བགྱིའོ། །དཔའ་བར་
D132.055.0285b06.01འགྲོ་བའི་ཏིང་ངེ་འཛིན་འདི་ལ་ཡང་འཇུག་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ད་དེའི་དུས་ལ་བབ་པར་སེམས་ནའོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པ་འཁོར་དེར་མི་སྣང་བར་གྱུར་ནས། བདུད་ཀྱི་གནས་སུ་འདུག་པར་
D132.055.0285b07.01