完整藏文原文 · 德格版页 当前仅加载第 55 函德格 293b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་གཙུག་ལག་ཁང་ན་དེ་བཞིན་གཤེགས་པ་བཞུགས་ཤིང་དཔའ་བར་འགྲོ་བའི་ཏིང་ངེ་འཛིན་འདི་འཆད་པར་མཛད། སྟོན་པར་མཛད་པ་དང་། གང་གི་བཤོས་གསོལ་ཏེ། དཔའ་བར་འགྲོ་བའི་ཏིང་ངེ་འཛིན་
D132.055.0293b01.01འདི་འཆད་པར་མཛད་པའི་སྦྱིན་པ་པོ་སྦྱིན་བདག་གཙུག་ལག་ཁང་གི་བདག་པོའི་བསོད་ནམས་ཇི་ཙམ་དུ་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་བཞིན་གཤེགས་པས་བཤོས་གང་གསོལ་ཏེ་བྱང་ཆུབ་ཐོབ་པ་དང་། བཤོས་གང་གསོལ་ཏེ་ཆོས་
D132.055.0293b02.01ཀྱི་འཁོར་ལོ་བསྐོར་བ་དང་། བཤོས་གང་གསོལ་ཏེ་དཔའ་བར་འགྲོ་བའི་ཏིང་ངེ་འཛིན་འདི་བཤད་པའི་བཤོས་དེ་དག་ལ་ཐ་དད་པ་ཅུང་ཟད་ཀྱང་མེད་དོ། །ཀུན་དགའ་བོ་སའི་ཕྱོགས་གང་དུ་བྱང་ཆུབ་ཐོབ་པའི་སའི་ཕྱོགས་རྡོ་རྗེ་ལྟ་བུ་དེ་ནི་འདས་པ་དང་། མ་བྱོན་པ་དང་། ད་ལྟར་གྱི་བཅོམ་
D132.055.0293b03.01ལྡན་འདས་ཀྱིས་ཡོངས་སུ་སྤྱད་པ་ཡིན་ཏེ། ཀུན་དགའ་བོ་བྱང་ཆུབ་ཀྱི་སྙིང་པོ་དེ་ཇི་ལྟ་བ་དེ་བཞིན་དུ་སའི་ཕྱོགས་གང་དུ་དཔའ་བར་འགྲོ་བའི་ཏིང་ངེ་འཛིན་འདི་བསྟན་པའམ། བཤད་པའམ། ཡི་གེར་བྲིས་པའམ། ལུང་ཕོག་པ་ལ་ཡང་བལྟ་བར་བྱ་སྟེ། ཀུན་དགའ་བོ་དེ་བཞིན་
D132.055.0293b04.01གཤེགས་པ་བཤོས་གང་གསོལ་ཏེ་ཆོས་ཀྱི་འཁོར་ལོ་བསྐོར་བ་དང་། ཆོས་སྨྲ་བས་སྦྱིན་པ་པོ་སྦྱིན་བདག་གང་གི་ཟན་ཟོས་ཏེ། དཔའ་བར་འགྲོ་བའི་ཏིང་ངེ་འཛིན་འདི་འཆད་དམ། སྟོན་ཏམ། ལུང་འབོག་པར་བྱེད་དམ། ཀློག་པར་བྱེད་པ་ཟས་དེ་དག་ལ་ཐ་དད་པ་ཅུང་ཟད་ཀྱང་
D132.055.0293b05.01མེད་དོ། །ཀུན་དགའ་བོ་དེ་བཞིན་གཤེགས་པ་གཙུག་ལག་ཁང་གང་ན་བཞུགས་ཤིང་ཆོ་འཕྲུལ་ཆེན་པོ་{བཅྭ་,བཅོ་}བརྒྱད་ཀྱིས་སེམས་ཅན་གདུལ་བར་མཛད་པ་དང་། གཙུག་ལག་ཁང་ངམ། གནས་ཁང་ངམ། འཆག་སའི་ས་ཕྱོགས་གང་དང་གང་དུ་དཔའ་བར་འགྲོ་བའི་ཏིང་ངེ་
D132.055.0293b06.01འཛིན་འདི་འཆད་དམ། སྟོན་ཏམ། ཀློག་གམ། ཡི་གེར་འདྲིའམ་རྗོད་ན། ཀུན་དགའ་བོ་གཙུག་ལག་ཁང་དེ་དག་ལ་ཐ་དད་པ་ཅུང་ཟད་ཀྱང་མེད་དོ། །དེ་ནས་ཚེ་དང་ལྡན་པ་ཀུན་དགའ་བོས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་ཁྱོད་ཀྱིས་གནས་ཁང་
D132.055.0293b07.01