完整藏文原文 · 德格版页 当前仅加载第 55 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གི་ཚེ་སངས་རྒྱས་མཐོང་བ་དང་མི་འབྲལ་བ་དེའི་ཚེ་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་ཤིང་ཡོངས་སུ་གྲུབ་པ་ཐོབ་པར་འགྱུར་རོ། །དེས་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་ཤིང་ཡོངས་སུ་གྲུབ་པ་ལ་གནས་ནས་སངས་རྒྱས་ཀྱི་ཞིང་བཀོད་པ་ཕུན་སུམ་ཚོགས་པ་མངོན་
D132.055.0272b01.01པར་སྒྲུབ་བོ། །དེ་སངས་རྒྱས་ཀྱི་ཞིང་བཀོད་པ་ཡོངས་སུ་བཟུང་ནས་སྐྱེ་བ་དང་། རིགས་དང་། རུས་ཕུན་སུམ་ཚོགས་པ་དང་། མངལ་དུ་འཇུག་པ་དང་། མངོན་པར་འབྱུང་བ་ཕུན་སུམ་ཚོགས་པ་ཡོངས་སུ་རྫོགས་པར་བྱེད་དོ། །དེ་སྐྱེ་བ་དང་། རིགས་དང་། རུས་ཕུན་སུམ་ཚོགས་པ་དང་། མངལ་
D132.055.0272b02.01དུ་འཇུག་པ་དང་། མངོན་པར་འབྱུང་བ་ཕུན་སུམ་ཚོགས་པར་གྱུར་ནས་ས་བཅུ་ཡོངས་སུ་རྫོགས་པར་བྱེད་དོ། །དེ་ས་བཅུ་ལ་གནས་ནས་སངས་རྒྱས་ཐམས་ཅད་ཀྱིས་དབང་བསྐུར་བ་འཐོབ་བོ། །དེ་སངས་རྒྱས་ཐམས་ཅད་ཀྱིས་དབང་བསྐུར་བ་ཐོབ་ནས་བྱང་ཆུབ་སེམས་དཔའི་ཏིང་ངེ་འཛིན་ཐམས་
D132.055.0272b03.01ཅད་ཐོབ་པར་འགྱུར་རོ། །དེ་བྱང་ཆུབ་སེམས་དཔའི་ཏིང་ངེ་འཛིན་ཐམས་ཅད་ཐོབ་ནས་ཕྱིས་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་འགྱུར་རོ། །དཔའ་བར་འགྲོ་བའི་ཏིང་ངེ་འཛིན་ཐོབ་པའི་བྱང་ཆུབ་སེམས་དཔའ་དེ་ནི་སེམས་ཅན་རྣམས་ལ་སངས་རྒྱས་ཀྱི་མཛད་པས་ཉེ་བར་གནས་པར་
D132.055.0272b04.01འགྱུར་ཏེ། བྱང་ཆུབ་སེམས་དཔའི་ཆོས་ཉིད་དེ་ཡང་མི་གཏོང་ངོ་། །བློ་གྲོས་བརྟན་པ་དེ་ལྟར་ན་བྱང་ཆུབ་སེམས་དཔའ་གང་ཆོས་དེ་ལྟ་བུ་དག་ལ་བསླབས་པར་གྱུར་པ་དེ་ནི་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་འགྱུར་རོ། །བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་འདི་ལ་
D132.055.0272b05.01གནས་པའི་བྱང་ཆུབ་སེམས་དཔས་ནི་གང་དུ་ཡང་བསླབ་པར་མི་བྱའོ། །དེ་ཅིའི་ཕྱིར་ཞེ་ན། སྔོན་ལེགས་པར་བསླབས་པའི་ཕྱིར་ཏེ། སངས་རྒྱས་ཀྱི་ཆོས་ཐམས་ཅད་དེ་ལ་མངོན་དུ་འགྱུར་རོ། །བློ་གྲོས་བརྟན་པ་འདི་ལྟ་སྟེ། དཔེར་ན་འཕོང་གི་སློབ་དཔོན་ནམ། འཕོང་གི་སློབ་
D132.055.0272b06.01མ་ནི་སྒྲས་མཚོན་པ་ལ་ཕོག་པར་བྱེད་པར་གནས་པས་ཕྱིས་གང་དུ་ཡང་མི་སློབ་བོ། །དེ་ཅིའི་ཕྱིར་ཞེ་ན། སྔོན་ལེགས་པར་བསླབས་པའི་ཕྱིར་ཏེ། ཕོག་པར་བྱ་བ་ཐམས་ཅད་དེ་ལ་མངོན་དུ་འགྱུར་རོ། །བློ་གྲོས་བརྟན་པ་དེ་བཞིན་དུ་དཔའ་བར་འགྲོ་བའི་ཏིང་ངེ་འཛིན་འདི་ལ་
D132.055.0272b07.01