完整藏文原文 · 德格版页 当前仅加载第 55 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟབས་པའི་སླད་དུ་བླངས་ཏེ་མཆི་ནི་མི་ནུས་སོ། །བཅོམ་ལྡན་འདས་མི་གང་དག་སྣོད་དང་ལྡན་པ་ནི་བདག་ཀྱང་ཅི་ཡོག་ཏུ་འཚལ་ལ། སྣོད་ཀྱང་ཡོངས་སུ་བཀང་ནས་བླངས་ཏེ་མཆིས་པས་སེམས་ཅན་གཞན་དག་གི་ཡང་ཉེ་བར་འཚོ་བ་ལགས་སོ། །བཅོམ་ལྡན་འདས་གཞན་ཡང་སྦྲང་རྩི་དང་། མར་
D132.055.0303b01.01དང་། འབྲུ་མར་གྱི་སྦྱིན་གཏོང་གི་མཆོད་སྦྱིན་ཞེས་བགྱི་བ་དེ་ནི་དེ་བཞིན་གཤེགས་པས་གསུངས་པའི་ཆོས་འདུལ་བའི་ཚིག་{བླ་དགས་,བླ་དྭགས་}སོ། །སྣོད་ཆག་པའི་མིས་ཅི་ཡོག་པར་འཚལ་ཏེ་མཆི་བར་བས་ཀྱི་བླངས་ཏེ་མཆི་མི་ནུས་སོ་ཞེས་བགྱི་བ་དེ་ནི་ཉན་ཐོས་དང་རང་སངས་རྒྱས་རྣམས་ཀྱི་ཚིག་{བླ་དགས་,བླ་དྭགས་}སོ། །
D132.055.0303b02.01བཅོམ་ལྡན་འདས་སྣོད་དང་ལྡན་པའི་མི་ཞེས་བགྱི་བ་དེ་ནི་བདག་ལ་ཕན་པ་དང་། གཞན་ལ་ཕན་པའི་སླད་དུ་ཞུགས་པ་བྱང་ཆུབ་སེམས་དཔའ་རྣམས་ཀྱི་ཚིག་{བླ་དགས་,བླ་དྭགས་}སོ། །དེ་ནས་བྱང་ཆུབ་སེམས་དཔའ་སེམས་ཞུམ་པ་རང་གི་རང་བཞིན་ལ་སླར་འཇུག་འདོད་པར་གྱུར་པ་ཉིས་བརྒྱ་པོ་དེ་དག་གིས་ལྷའི་
D132.055.0303b03.01བུ་དག་གི་བཤད་པ་འདི་དང་། འཇམ་དཔལ་གཞོན་ནུར་གྱུར་པའི་བསོད་ནམས་བསམ་གྱིས་མི་ཁྱབ་པ་ཐོས་ནས། ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཡང་སེམས་བསྐྱེད་པ་དེ་བྱང་ཆུབ་དང་འབྲེལ་བར་གྱུར་ཏོ། །འདི་སྐད་ཀྱི་ཚིག་ཀྱང་སྨྲས་
D132.055.0303b04.01སོ། །བཅོམ་ལྡན་འདས་བདག་ཅག་ནི་སྲོག་ཡོངས་སུ་གཏོང་བར་ཡང་སྤྲོའི་སེམས་ཅན་ཡོངས་སུ་གཏོང་བ་ནི་མ་ལགས་སོ། །བཅོམ་ལྡན་འདས་བདག་ཅག་ནི་དཔའ་བར་འགྲོ་བའི་ཏིང་ངེ་འཛིན་འདི་ཐོས་པའི་སྟོབས་བསྐྱེད་པའི་དགེ་བའི་རྩ་བས་བྱང་ཆུབ་སེམས་དཔའི་སྟོབས་བཅུ་ཐོབ་པར་གྱུར་ཅིག །
D132.055.0303b05.01བཅུ་གང་ཞེ་ན། འདི་ལྟ་སྟེ། བྱང་ཆུབ་ཀྱི་སེམས་ལྷག་པའི་བསམ་པའི་སྟོབས་དང་། སངས་རྒྱས་ཀྱི་ཆོས་ལ་དད་པའི་སྟོབས་དང་། མང་དུ་ཐོས་པ་མི་བརྗེད་པའི་སྟོབས་དང་། འཁོར་བས་ཡོངས་སུ་མི་སྐྱོ་བའི་སྟོབས་དང་། སེམས་ཅན་རྣམས་ལ་སྙིང་རྗེ་ཆེན་པོ་བརྟན་པའི་སྟོབས་དང་།
D132.055.0303b06.01གཏོང་བ་སྤེལ་བའི་སེམས་ཀྱི་སྟོབས་དང་། ཚུལ་ཁྲིམས་ཡང་དག་པར་བསླབས་པ་མི་ཉམས་པའི་སྟོབས་དང་། བཟོད་ཅིང་དང་དུ་ལེན་པའི་སྟོབས་དང་། བདུད་འདུལ་བའི་ཤེས་རབ་ཀྱི་སྟོབས་དང་། ཆོས་ཟབ་མོ་ལ་མོས་པའི་སྟོབས་ཏེ། བཅོམ་ལྡན་འདས་བདག་ཅག་གིས་བྱང་
D132.055.0303b07.01