完整藏文原文 · 德格版页 当前仅加载第 55 函德格 315a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དེ་ལྟར་ཤེས་གྱུར་ན། །ཇི་ཙམ་ཅུང་ཟད་དམིགས་མེད་པ། །ཐམས་ཅད་དུ་ནི་གཟུངས་ཞེས་བཤད། །དམིགས་པ་མང་པོ་མི་མཐོང་བར། །མི་གནས་པར་ནི་འཆད་བྱེད་དེ། །ཆོས་རྣམས་ཐམས་ཅད་དངོས་པོ་མེད། །མཚན་མ་མེད་ཅིང་
D132.055.0315a01.01མཚན་ཉིད་མེད། །གཟུངས་འདོད་གང་ཞིག་འགྲོ་བྱེད་པ། །ཆོས་རྣམས་དེ་ལྟར་ཤེས་གྱུར་ཅིང་། །ཆགས་པ་མེད་པར་རབ་འཆད་ན། །གཟུངས་ནི་བཞག་པར་གྱུར་པ་ཡིན། །འཇམ་དཔལ་སྔོན་བྱུང་བ་འདས་པའི་དུས་ན། དེ་བཞིན་གཤེགས་པ་
D132.055.0315a02.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་། མི་རྣམས་ཀྱི་སྟོན་པ། སངས་རྒྱས་བཅོམ་ལྡན་
D132.055.0315a03.01འདས་ཆོས་ཏ་ལ་ལའི་སྒྲོན་མ་ཞེས་བྱ་བ་ཞིག་བྱུང་བར་གྱུར་ཏོ། །དེའི་སངས་རྒྱས་ཀྱི་ཞིང་ནི་རྡུལ་དང་བྲལ་བ་ཞེས་བྱ་བར་གྱུར་ཏེ། མཉམ་པ། ཉམས་དགའ་བ། མཛེས་པ། བལྟ་ན་སྡུག་པ། དག་པ། འབྱོར་པ། རྒྱས་པ། མི་དང་སྐྱེ་བོ་མང་
D132.055.0315a04.01པོས་གང་བར་གྱུར་ཏོ། །འཇམ་དཔལ་འཇིག་རྟེན་གྱི་ཁམས་དེ་ནི་བཻ་དཱུརྱ་ལས་གྲུབ་ཅིང་གསེར་སྐུད་མིག་{མངས་,མང་}རིས་སུ་བྲེས་ཏེ། མིག་{མངས་,མང་}རིས་ཐམས་ཅད་ན་ཡང་རིན་པོ་ཆེའི་ཤིང་ལྗོན་པ་མེ་ཏོག་དང་འབྲས་བུར་ལྡན་པར་གྱུར་ཏོ། །ས་ཆེན་པོ་དེ་
D132.055.0315a05.01ཡང་ཀ་ཙ་ལིན་དི་ཀ་ལྟར་རེག་ན་བདེ་བར་གྱུར་ཏོ། །འཇམ་དཔལ་སངས་རྒྱས་ཀྱི་ཞིང་དེ་ན་དུད་འགྲོ་དང་། {ཡི་དགས་,ཡི་དྭགས་}དང་། ལྷ་མ་ཡིན་ཐམས་ཅད་མེད་པར་གྱུར་ཏོ། །འཇམ་དཔལ་སངས་རྒྱས་ཀྱི་ཞིང་དེ་ན་སེམས་ཅན་གང་དག་སྐྱེས་པ་དེ་དག་ཀྱང་དགེ་བ་
D132.055.0315a06.01བཅུའི་ལས་ཀྱི་ལམ་དང་ལྡན་པར་གྱུར་ཏོ། །སངས་རྒྱས་ཀྱི་ཞིང་དེ་ཡང་ཤིན་ཏུ་ཡོངས་སུ་དག་པར་གྱུར་ཏེ། རྣམ་པ་ཐམས་ཅད་ཕུན་སུམ་ཚོགས་ཤིང་རྣམ་པ་ཐམས་ཅད་ཡོངས་སུ་རྫོགས་སོ། །གྲོང་ཁྱེར་དེ་ནི་འབྱུང་བ་མེད་ཅེས་བྱ་བར་གྱུར་ཏོ། །འཇམ་དཔལ་
D132.055.0315a07.01