完整藏文原文 · 德格版页 当前仅加载第 55 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་གྱི་ཆོས་ཉིད་དང་། སངས་རྒྱས་ཀྱི་ཡུལ་གྱི་ཆོས་ཉིད་དེ་ནི་གཉིས་སུ་མེད་དེ་གཉིས་སུ་དབྱེར་མེད་དོ། །དེ་བས་ན་སྡིག་ཅན་བདག་ཅག་ནི་ཆོས་ཉིད་ལས་མི་འདའོ། །བདུད་ཀྱི་ཡུལ་ཡང་ཆོས་གང་ཡང་རྣམ་པར་རིག་པར་མི་བྱེད། སངས་རྒྱས་ཀྱི་ཡུལ་ཡང་ཆོས་
D132.055.0293a01.01གང་ཡང་རྣམ་པར་རིག་པར་མི་བྱེད་དེ། དེ་ལྟར་ན་བདུད་ཀྱི་ཡུལ་དང་། སངས་རྒྱས་ཀྱི་ཡུལ་དེ་ནི་རྣམ་པར་རིག་པར་བྱེད་པ་མ་ཡིན་ནོ། །སྡིག་ཅན་དེ་བས་ན་ཆོས་ཐམས་ཅད་ནི་ཡུལ་རྣམ་པར་རིག་པར་བྱེད་པ་མ་ཡིན་ཏེ། སྡིག་ཅན་དེ་བས་ན་གང་གི་གཡོག་ཀྱང་མ་ཡིན། གཡོག་
D132.055.0293a02.01མ་ཡིན་པ་ཡང་མ་ཡིན་ནོ། །དེ་ནས་བདུད་སྡིག་ཅན་སྡུག་བསྔལ་ཞིང་ཡིད་མི་བདེ་ལ། མི་དགའ་བར་གྱུར་ནས་འགྲོ་འདོད་པ་དང་། བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་ཁྱོད་གང་དུ་འགྲོ། སྨྲས་པ།
D132.055.0293a03.01རིགས་ཀྱི་བུ་བདག་ནི་གནས་སུ་མཆིའོ། །སྨྲས་པ། དེ་བས་ན་སྡིག་ཅན་ཁྱོད་འཁོར་འདི་ནས་ཀྱང་མ་གཡོ་ལ། བདག་གི་གནས་སུ་ཡང་འདུག་པར་གྱིས་ཤིག །དེ་ནས་བདུད་སྡིག་ཅན་བདག་ཉིད་རང་གི་གནས་སུ་ཕྱིན་པ་སྙམ་དུ་ཤེས་སོ། །དེ་ལ་བྱང་ཆུབ་སེམས་དཔའ་བདུད་
D132.055.0293a04.01ཀྱི་སྤྱོད་པའི་ཡུལ་གྱིས་མི་གོས་པས་འདི་སྐད་ཅེས་སྨྲས་སོ། །སྡིག་ཅན་ཁྱོད་ཀྱིས་ཅི་མཐོང་། བདུད་ཀྱིས་སྨྲས་པ། བདག་ཉིད་རང་གི་གནས་སུ་ཕྱིན་པར་མཐོང་སྟེ། རིགས་ཀྱི་བུ་ཀུན་དགའི་ར་བ་ཉམས་དགའ་བ་འདི་དག་དང་། ནགས་ཚལ་ཉམས་དགའ་བ་འདི་དག་དང་
D132.055.0293a05.01རྫིང་བུ་ཉམས་དགའ་བ་འདི་དག་དང་། ཆུ་བོ་ཉམས་དགའ་བ་འདི་དག་ནི་བདུད་ཀྱི་གནས་སོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་ཁྱོད་ཀྱིས་གནས་འདི་དེ་བཞིན་གཤེགས་པ་ལ་
D132.055.0293a06.01སྤྱད་པའི་ཕྱིར་ཕུལ་ཅིག །སྨྲས་པ། ཕུལ་ལོ། །དེས་བདག་གི་གནས་ན་དེ་བཞིན་གཤེགས་པ་འཁོར་དང་བཅས་པ་བཞུགས་ཤིང་དཔའ་བར་འགྲོ་བའི་ཏིང་ངེ་འཛིན་འདི་འཆད་པར་མཛད། སྟོན་པར་མཛད་པ་མཐོང་ངོ་། །དེ་ནས་བཅོམ་ལྡན་འདས་ལ་ཚེ་དང་ལྡན་པ་
D132.055.0293a07.01