完整藏文原文 · 德格版页 当前仅加载第 55 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །ཀཽ་ཤི་ཀ་གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྡོ་རྗེ་སྣང་བའི་ནོར་བུ་རིན་པོ་ཆེས་ཡོངས་སུ་གང་དུ་ཟིན་ཀྱང་སྣང་བ་ཐམས་ཅད་བསྡུས་པ་ཞེས་བྱ་བའི་ནོར་བུ་རིན་པོ་ཆེ་ཡོད་དེ། དེས་རྡོ་རྗེ་སྣང་བའི་ནོར་བུ་རིན་པོ་ཆེ་ཐམས་ཅད་མོག་མོག་པོར་བྱེད་དོ། །
D132.055.0275a01.01ཀཽ་ཤི་ཀ་བརྒྱ་བྱིན་འདིའི་མགུལ་དུ་སྣང་བ་ཐམས་ཅད་བསྡུས་པ་ཞེས་བྱ་བའི་ནོར་བུ་རིན་པོ་ཆེ་ཆེན་པོ་ཐོགས་པ་མཐོང་ངམ། བཅོམ་ལྡན་འདས་གང་གི་ཚེ་བདག་གིས་བརྟགས་པ་དེའི་ཚེ་ན་མིག་ཟི་ཟི་པོར་གྱུར་ལགས་ཏེ། དེའི་འོད་ནི་དེ་ལྟ་བུ་ལགས་སོ། །བཀའ་སྩལ་པ། ཀཽ་ཤི་ཀ་བྱང་ཆུབ་
D132.055.0275a02.01སེམས་དཔའ་གང་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པར་གྱུར་པ་དེ། གང་གི་ཚེ་ན་ལྷའི་དབང་པོ་བརྒྱ་བྱིན་དུ་གྱུར་པ་དེའི་ཚེ། དེའི་མགུལ་དུ་ནོར་བུ་རིན་པོ་ཆེ་དེ་ལྟ་བུ་ཐོགས་པར་འགྱུར་རོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་
D132.055.0275a03.01འདས་གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་བསྐྱེད་པའི་སེམས་ཅན་དེ་དག་ནི་གཟུགས་ཀྱི་ལུས་ཡོངས་སུ་གྲུབ་པ་འདི་ལྟ་བུ་ལས་ཡོངས་སུ་ཉམས་སོ། །བཅོམ་ལྡན་འདས་སེམས་ཅན་དེ་དག་ནི་དཔའ་བར་འགྲོ་བའི་ཏིང་ངེ་འཛིན་འདི་ལས་ཡོངས་སུ་ཉམས་སོ། །
D132.055.0275a04.01དེ་ནས་ལྷའི་དབང་པོ་བརྒྱ་བྱིན་གྱིས་བཤད་པ་དེ་ལྷའི་བུ་སྦེད་པས་ཐོས་ནས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀྱེ་ཡབ་ཉན་ཐོས་ཀྱི་ངེས་པར་གྱུར་པ་ལ་ཞུགས་པའི་སེམས་ཅན་བརྒྱ་ཕྲག་མང་པོ་དག་སངས་རྒྱས་ཀྱི་ཆོས་ལ་འདོད་པའི་སེམས་བསྐྱེད་ཀྱང་ཅི་ཞིག་བྱར་ཡོད་དེ།
D132.055.0275a05.01དེ་དག་ནི་འཁོར་བའི་རྒྱུན་གྱི་མཚམས་བཅད་པའོ། །ཀྱེ་ཡབ་གང་དག་གིས་བྱང་ཆུབ་ཏུ་སེམས་བསྐྱེད་པ་དང་། གང་དག་བྱང་ཆུབ་ཏུ་སེམས་བསྐྱེད་པ་དང་། གང་དག་བྱང་ཆུབ་ཏུ་སེམས་བསྐྱེད་པར་འགྱུར་བ་དེ་དག་གིས་ནི་སངས་རྒྱས་ཀྱི་ཆོས་འདི་དག་ལ་འདོད་པའི་སེམས་བསྐྱེད་པར་བྱ་སྟེ།
D132.055.0275a06.01དེ་དག་ནི་གཟུགས་ཀྱི་ལུས་ཡོངས་སུ་གྲུབ་པ་འདི་ལྟ་བུ་ཐོབ་པར་འགྱུར་རོ། །ཀྱེ་ཡབ་འདི་ལྟ་སྟེ། དཔེར་ན་ཉི་མ་དང་ཟླ་བའི་བསྔགས་པ་ཇི་ཙམ་མང་དུ་བརྗོད་ཅིང་བསྔགས་པ་བཤད་པ་ལ་མི་དམུས་ལོང་གིས་འདོད་པའི་སེམས་བསྐྱེད་ཀྱང་དེས་དེ་དག་མི་མཐོང་སྟེ། མྱོང་བར་མི་འགྱུར་རོ། །
D132.055.0275a07.01