完整藏文原文 · 德格版页 当前仅加载第 55 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔའ་བར་འགྲོ་བའི་ཏིང་ངེ་འཛིན་འཆད་ན་ཁྱོད་མི་ཉན་
D132.055.0286a01.01ཏམ། དེ་ན་སེམས་ཅན་དཔག་ཏུ་མེད་པ་དག་བྱང་ཆུབ་ཀྱི་ཕྱིར་གོ་ཆ་གྱོན་པར་བྱེད་དེ། དེ་དག་ཁྱོད་ཀྱི་ཡུལ་ལས་འདའ་བར་འགྱུར་རོ། །གཞན་ཡང་སེམས་ཅན་ཤིན་ཏུ་དཔག་ཏུ་མེད་པ་དག་ཁྱོད་ཀྱི་ཡུལ་ལས་འདའ་བར་འགྱུར་རོ། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་
D132.055.0286a02.01བདུད་ཀྱི་སྤྱོད་པའི་ཡུལ་གྱིས་མི་གོས་པ་ལ་བདུད་སྡིག་ཅན་གྱིས་འདི་སྐད་ཅེས་སྨྲས་སོ། །རིགས་ཀྱི་བུ་བདག་ནི་དཔའ་བར་འགྲོ་བའི་ཏིང་ངེ་འཛིན་ཉན་ན་མཆི་བར་ནི་མི་ནུས་སོ། །དེ་ཅིའི་སླད་དུ་ཞེ་ན། བདག་ནི་ཞགས་པའི་བཅིང་བ་ལྔས་བཅིངས་ཏེ། ལག་པ་གཉིས་དང་། རྐང་པ་
D132.055.0286a03.01གཉིས་དང་། མགུལ་བར་བཅིངས་པས་དེར་མཆི་མི་ནུས་སོ། །སྨྲས་པ། སྡིག་ཅན་ཁྱོད་སུས་བཅིངས། སྨྲས་པ། ཏིང་ངེ་འཛིན་འདི་ལ་བར་ཆད་བགྱིད་དུ་མཆི་ཞིང་སེམས་ཅན་གང་དག་འདི་ལ་མོས་པ་དེ་དབྲལ་བར་བགྱིའོ་སྙམ་དུ་བསམས་པ་དང་། དེའི་ཚེ་ཞགས་པའི་བཅིང་
D132.055.0286a04.01བ་ལྔས་བཅིངས་པར་འཚལ་བར་གྱུར་ཏོ། །གང་གི་ཚེ་ན་བདག་དེ་བཞིན་གཤེགས་པ་ནི་མཉེས་པར་དཀའ་བ་བྱང་ཆུབ་སེམས་དཔའ་ཐེག་པ་ཆེན་པོ་ལ་ཡང་དག་པར་ཞུགས་པ་ཡང་མཉེས་པར་དཀའ་བ་ལགས་ཀྱིས་དེར་མི་མཆི་བར་འདི་ཉིད་དུ་བདག་གི་གནས་ན་གནས་སོ་སྙམ་དུ་
D132.055.0286a05.01བསམས་ན་དེའི་ཚེ་བདག་གྲོལ་བར་གྱུར་པར་འཚལ་ཏོ། །བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་སྨྲས་པ། སྡིག་ཅན་དེ་ལྟ་བས་ན་བྱིས་པ་སོ་སོའི་སྐྱེ་བོ་ཐམས་ཅད་ནི་རང་གི་ཡོངས་སུ་རྟོག་པའི་ཕྱིན་ཅི་ལོག་གིས་བཅིངས་སོ། །འདུ་ཤེས་འཛིན་པས་
D132.055.0286a06.01བཅིངས་སོ། །གཡོ་བ་དང་། རློམ་སེམས་དང་། སྤྲོས་པས་བཅིངས་སོ། །མཐོང་བ་དང་། ཐོས་པ་དང་། བྱེ་བྲག་ཕྱེད་པ་དང་། རྣམ་པར་ཤེས་པའི་རྣམ་པར་རྟོག་པས་བཅིངས་པ་ཡིན་ཏེ། སྡིག་ཅན་འདི་ལ་ཆོས་གང་ཡང་བཅིངས་པ་ཡང་མེད། གྲོལ་བ་ཡང་མེད་དོ། །དེ་ཅིའི་
D132.055.0286a07.01