完整藏文原文 · 德格版页 当前仅加载第 55 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་གི་ཐམས་ཅད་མཁྱེན་པའི་སེམས་བསྐྱེད་པ་ནི་བྱང་ཆུབ་སེམས་དཔའ་ཐམས་ཅད་ཀྱི་སེམས་བསྐྱེད་པ་ཡང་དེ་ཡིན་ཏེ། སེམས་དེ་ལ་ནི་མི་མཉམ་པ་མེད་དེ། སེམས་དེ་ནི་སེམས་ཅན་ཐམས་ཅད་མཉམ་པའི་སེམས་སོ། །དེ་བས་ན་སེམས་དེ་ནི་མཉམ་པའོ་སྙམ་ནས། བདག་
D132.055.0287b01.01ཅག་གིས་བྱང་ཆུབ་ཏུ་སེམས་བསྐྱེད་པ་དེ་གཏང་གིས་སྡིག་ཅན་ཁྱོད་བྱང་ཆུབ་ཏུ་སེམས་སྐྱེད་ཅིག་ཅེས་དེ་སྐད་ཀྱི་ཚིག་སྨྲས་སོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པ་ལ་བདུད་ཀྱིས་འདི་སྐད་ཅེས་སྨྲས་སོ། །རིགས་ཀྱི་བུ་བདག་བྱང་ཆུབ་ཏུ་སེམས་བསྐྱེད་
D132.055.0287b02.01ཀྱིས་བཅིངས་པ་འདི་ལས་ཐར་བར་གྱུར་ཅིག་ཅེས་བདུད་སྡིག་ཅན་གྱིས་ཚིག་དེ་སྨྲས་མ་ཐག་ཏུ། དེ་ནས་བདུད་སྡིག་ཅན་བདག་ཐར་པར་ཤེས་པར་གྱུར་ཏོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་དེའི་ཚེ་གང་དུ་བདུད་ཀྱི་གནས་ཐམས་ཅད་སྣང་བར་གྱུར་
D132.055.0287b03.01པ་དང་། བདུད་སྡིག་ཅན་འདི་ལྟ་སྟེ། དཔེར་ན་སྣག་ཚའི་ཕུང་པོ་བཞིན་དུ་བདག་ལ་མོག་མོག་པོར་མཐོང་བར་འགྱུར་བ་དེ་ལྟ་བུའི་འོད་ཀྱང་ལུས་ལས་ཕྱུང་། དེ་ལྟ་བུའི་བདག་གི་ལུས་ཡོངས་སུ་གྲུབ་པ་ཡང་བསྟན་ཏོ། །དེ་ནས་བདུད་ཀྱི་རིས་ཀྱི་ལྷ་དེ་དག་གི་ནང་ནས་ལྷ་མོ་འདོད་
D132.055.0287b04.01ཆགས་ལ་སྤྱོད་ཅིང་ཆགས་པ་ཉིས་བརྒྱས་བྱང་ཆུབ་སེམས་དཔའ་དེའི་ལུས་ཀྱི་གཟུགས་ཕུན་སུམ་ཚོགས་པ་མཐོང་ནས་ཆགས་པར་གྱུར་ཏོ། །ཆགས་ནས་དེ་དག་འདི་སྙམ་དུ་སེམས་ཏེ། གལ་ཏེ་རིགས་ཀྱི་བུ་འདི་དག་བདག་ཅག་དང་དགའ་བར་བྱེད། རྩེ་བར་བྱེད། དགའ་མགུར་སྤྱོད་
D132.055.0287b05.01པར་བྱེད་ན། བདག་ཅག་ནི་འདིའི་སེམས་ཀྱི་དབང་དུ་འགྱུར་རོ་སྙམ་མོ། །དེ་ནས་བྱང་ཆུབ་སེམས་དཔའ་བདུད་ཀྱི་སྤྱོད་པའི་ཡུལ་གྱིས་མི་གོས་པས་ལྷའི་བུ་མོ་ཉིས་བརྒྱ་གདུལ་བའི་དབང་གི་ཕྱིར་བདག་གི་ལུས་ཀྱི་གཟུགས་ཕུན་སུམ་ཚོགས་པ་དང་འདྲ་བའི་ལྷའི་བུ་ཉིས་བརྒྱ་ཡང་
D132.055.0287b06.01མངོན་པར་སྤྲུལ། ཁང་པ་བརྩེགས་པ་བདུད་ཀྱི་གཞལ་མེད་ཁང་གི་དབྱིབས་ལས་ལྷག་པ་ཉིས་བརྒྱ་ཡང་མངོན་པར་སྤྲུལ་པ་དང་། ལྷའི་བུ་མོ་དེ་དག་བདག་ཅག་དེའི་ནང་དུ་ཞུགས་སོ་སྙམ་དུ་ཤེས་པར་གྱུར་ཏེ། རེ་རེ་ཞིང་ཡང་བདག་འདི་དང་ལྷན་ཅིག་ཏུ་རྩེའོ་དགའོ། །དགའ་མགུར་
D132.055.0287b07.01