完整藏文原文 · 德格版页 当前仅加载第 55 函德格 311b 版页；藏文 NFD、目录标记与异常页序保留在来源切片中，重复版页行以稳定序号区分。
པས་བསྐལ་པ་བྱེ་བ་དུ་མར་ཡང་དག་པར་བསྒྲུབས་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་པར་འགྱུར་བ་དང་། དམ་པའི་ཆོས་ནུབ་ནས་སླར་ཡང་དེ་དག་ཆོས་ཀྱི་སྒྲོན་མ་འབར་བར་བགྱིད་པ་དང་། དམ་པའི་ཆོས་ཡོངས་སུ་འཛིན་པའི་སླད་དུ་འཇུག་པར་འགྱུར་བ་དང་། ཆོས་
D132.055.0311b01.01ཐམས་ཅད་ཀྱི་ཡང་དག་པའི་མཐའ་དང་། དེ་བཞིན་ཉིད་མཐོང་བ་དང་། ལྷག་པའི་ང་རྒྱལ་ཅན་རྣམས་ཚར་གཅད་པར་འགྱུར་བ་དང་། མུ་སྟེགས་ཅན་གཞན་སྤྱོད་པ་ཅན་དང་། ཀུན་ཏུ་རྒྱུ་དག་ཚར་གཅོད་ཅིང་འཇོམས་པར་འགྱུར་བ་དང་། འདི་ལྟ་སྟེ། ཆོས་ཐམས་ཅད་མི་དམིགས་པའི་
D132.055.0311b02.01འཁོར་ལོ་དང་། མ་གཡོས་པའི་འཁོར་ལོ་དང་། མི་གནས་པའི་འཁོར་ལོ་དང་། མ་འདྲེས་པའི་འཁོར་ལོ་དང་། མ་བརྙས་པའི་འཁོར་ལོ་དང་། སྟོང་པ་ཉིད་ཀྱི་འཁོར་ལོ་དང་། མཚན་མ་མེད་པའི་འཁོར་ལོ་དང་། སྨོན་པ་མེད་པའི་འཁོར་ལོ་དང་། མཚན་ཉིད་མེད་པའི་འཁོར་ལོ་
D132.055.0311b03.01དང་། ཆོས་ཐམས་ཅད་ཀྱི་འཁོར་ལོ་དང་། ཚིག་དང་ཡི་གེའི་དོན་ཡང་དག་པར་བསྟན་པའི་འཁོར་ལོ་དང་། མངོན་པར་འདུ་མི་བྱེད་པའི་འཁོར་ལོ་དང་། བརྗོད་དུ་མེད་པའི་འཁོར་ལོ་དང་། ཕྱེ་སྟེ་བརྟགས་པ་མ་ཡིན་པའི་འཁོར་ལོ་དང་། ཆོས་ཐམས་ཅད་མཉམ་པ་ཉིད་ཀྱི་འཁོར་ལོ་དང་།
D132.055.0311b04.01དོན་མཉམ་པར་བསྟན་པའི་འཁོར་ལོ་དང་། ཆོས་རྣམས་སྨོས་པའི་འཁོར་ལོ་དང་། སྒྲིབ་པ་མེད་པའི་འཁོར་ལོ་དང་། ཆོས་ཐམས་ཅད་ལ་མི་ཆགས་པའི་འཁོར་ལོ་དག་གི་ཆོས་ཀྱི་འཁོར་ལོ་བསྐོར་བའི་རྗེས་སུ་སྐོར་བར་འགྱུར་ལ། འཁོར་ལོ་དེ་བསྐོར་མ་ཐག་ཏུ་ལྷ་དང་མིར་བཅས་པའི་
D132.055.0311b05.01འཇིག་རྟེན་འཇིགས་ཤིང་དངངས་པར་འགྱུར་བ་དང་། བཅོམ་ལྡན་འདས་གང་མངོན་པའི་ང་རྒྱལ་ཅན་ཐམས་ཅད་དང་། མུ་སྟེགས་ཅན་གཞན་སྤྱོད་པ་ཅན་དང་། ཀུན་ཏུ་རྒྱུ་ཕས་ཀྱི་རྒོལ་བ་ཐམས་ཅད་ཀྱིས་མ་ལགས་པའི་དོན་ལས་སྐྱེས་པའི་ཚིག་རྒྱ་ཆེར་བཤད་དུ་གསོལ། དེ་ནི་ལྷ་དང་
D132.055.0311b06.01མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི་སྣང་བར་འགྱུར་རོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ཁྱོད་དེ་བཞིན་གཤེགས་པ་ལ་དོན་དེ་ཞུ་བར་སེམས་པ་ལེགས་སོ་ལེགས་སོ། །
D132.055.0311b07.01