完整藏文原文 · 德格版页 当前仅加载第 55 函德格 282b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ཏེ། ཡི་གེ་གང་དག་གིས་དེ་དག་བཤད་པ་དེ་དག་ཀྱང་དེ་ལྟར་ཡི་གེ་མི་ཟད་པ་མངོན་སུམ་དུ་གྱུར་པས་འཆད་པས་ན་དེའི་ཕྱིར་སྤོབས་པ་ཕུན་སུམ་ཚོགས་པ་ཞེས་བྱའོ། །སྨྲས་པ། ལྷའི་བུ་ཁྱོད་ཇི་ལྟར་འཆད་པ་དེ་བཞིན་དུ་
D132.055.0282b01.01སྤོབས་སམ། སྨྲས་པ། རིགས་ཀྱི་བུ་བདག་དེ་བཞིན་དུ་སྤོབས་ཏེ། བྲག་ཅའི་སྒྲ་བྱུང་བའི་རང་བཞིན་ཇི་ལྟ་བ་དག་གི་ལམ་གྱི་སྒྲས་བཤད་པ་ཐམས་ཅད་ཀྱང་དེ་བཞིན་དུ་རྟོགས་པར་བྱའོ། །སྨྲས་པ། ལྷའི་བུ་རྟོགས་པ་ཞེས་བྱ་བ་ཅི། སྨྲས་པ། རིགས་ཀྱི་བུ་རྟོགས་པ་ཞེས་བྱ་བ་དེ་ནི་
D132.055.0282b02.01ནམ་མཁའ་རྟོགས་པའི་ཚིག་{བླ་དགས་,བླ་དྭགས་}སོ། །རིགས་ཀྱི་བུ་འདི་ལྟ་སྟེ་དཔེར་ན་ནམ་མཁའ་ནི་དཔེ་མེད་པ་ཡིན་ནོ། །རིགས་ཀྱི་བུ་དེ་བཞིན་དུ་ཆོས་ཐམས་ཅད་ཀྱང་དཔེ་མེད་པས་ན་དེའི་ཕྱིར་རྟོགས་པ་ཞེས་བྱའོ། །གང་དུ་དེ་འགྲོ་བའི་ཆོས་དེ་དག་གི་དཔེ་ཡང་བྱ་བར་སླ་བ་མ་ཡིན་པས་ན་དེའི་
D132.055.0282b03.01ཕྱིར་རྟོགས་པ་ཞེས་བྱའོ། །ཡེ་ཤེས་དེ་ནི་དཔེ་མེད་པ། འདྲ་བ་མེད་པ། དངོས་པོ་ཐམས་ཅད་བྲལ་བ་དེ་རྟོགས་པར་བྱེད་པས་ན་དེའི་ཕྱིར་རྟོགས་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་ལྷའི་བུ་སངས་རྒྱས་བློ་གྲོས་མངོན་སུམ་ལ་ལེགས་སོ་ཞེས་བྱ་བ་བྱིན་ནས། ལྷའི་བུ་ལེགས་
D132.055.0282b04.01སོ་ལེགས་སོ། །ཁྱོད་ཀྱི་ཚིག་འདི་ནི་ལེགས་པར་སྨྲས་པའོ། །གལ་ཏེ་བཤད་པར་བྱ་ན་དེ་ལྟར་བཤད་དོ། །བྱང་ཆུབ་སེམས་དཔས་བཤད་པ་དེ་ཐོས་ནས། སྐྲག་པར་མི་བྱ། དངང་བར་མི་བྱ། དངང་བར་འགྱུར་བར་མི་བྱའོ། །དེ་ཅིའི་ཕྱིར་ཞེ་ན། རྟོགས་པར་བྱ་བ་དེ་མ་རྟོགས་
D132.055.0282b05.01པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་ནུས་པའི་ཕྱིར་རོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་བརྟན་པས་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷའི་བུ་སངས་རྒྱས་བློ་གྲོས་མངོན་སུམ་འདི་སངས་རྒྱས་
D132.055.0282b06.01ཀྱི་ཞིང་གང་ནས་མི་མཇེད་ཀྱི་འཇིག་རྟེན་གྱི་ཁམས་འདིར་མཆིས། ལྷའི་བུ་སངས་རྒྱས་བློ་གྲོས་མངོན་སུམ་གྱིས་སྨྲས་པ། རིགས་ཀྱི་བུ་ཅི་ཞིག་བྱ། སྨྲས་པ། ལྷའི་བུ་གང་ན་སྐྱེས་བུ་དམ་པ་འདི་ལྟ་བུ་དག་གི་གཙུག་ལག་ཁང་ངམ། གནས་ཁང་ངམ། གནས་སམ། འཆག་
D132.055.0282b07.01