完整藏文原文 · 德格版页 当前仅加载第 55 函德格 267a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྩིས་སློབ་པར་ཡང་སྣང་ལ་དེ་བཟོ་ཐམས་ཅད་ཀྱང་རྟོགས་པར་ཁོང་དུ་ཆུད་དོ། །ན་བར་ཡང་སྟོན་ལ་དེ་ཉོན་མོངས་པའི་ནད་ཐམས་ཅད་དང་ཡང་བྲལ་ལོ། །རྒ་བར་ཡང་སྟོན་ལ་དེ་དབང་པོ་ཐམས་ཅད་ཉམས་པ་ཡང་མེད་དོ། །འཆི་བ་ཡང་སྟོན་ལ་དེ་སྐྱེ་བ་ཡང་མ་ཡིན། འཆི་
D132.055.0267a01.01བ་ཡང་མ་ཡིན། འཆི་འཕོ་བ་ཡང་མ་ཡིན། འབྱུང་བ་ཡང་མ་ཡིན་ནོ། །བློ་གྲོས་བརྟན་པ་དེ་ལྟར་ན་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་དེ་འདྲ་བའི་བརྩོན་འགྲུས་སྤྱོད་པ་དང་ལྡན་པ་ཡིན་ནོ། །བློ་གྲོས་བརྟན་པ་གཞན་ཡང་དཔའ་བར་འགྲོ་བའི་ཏིང་ངེ་
D132.055.0267a02.01འཛིན་འདི་ལ་གནས་པའི་བྱང་ཆུབ་སེམས་དཔའ་ནི་ཆོས་ཐམས་ཅད་རང་བཞིན་གྱིས་སྙོམས་པར་ཞུགས་པར་ཡང་ཤེས་ལ་ཏིང་ངེ་འཛིན་དང་། བསམ་གཏན་གྱི་སྤྱོད་པ་རྣམ་པར་འབྱེད་པ་ཡང་སྟོན་ཏོ། །དེ་སེམས་ཅན་སེམས་རྣམ་པར་གཡེངས་པ་རྣམས་ཏིང་ངེ་འཛིན་ལ་གཟུད་པའི་ཕྱིར།
D132.055.0267a03.01བདག་བསམ་གཏན་ལ་གནས་པར་ཡང་སྟོན་ལ་ཆོས་ཀྱི་དབྱིངས་ལ་རྣམ་པར་གཡེངས་པའི་ཆོས་གང་ཡང་མི་མཐོང་ངོ་། །ཆོས་ཀྱི་དབྱིངས་གང་དང་མཉམ་པ་ཆོས་ཐམས་ཅད་ཀྱང་དེ་དང་མཉམ་པར་ཡིད་ལ་ངེས་པར་སེམས་ཤིང་གནས་ལ་དེ་ཏིང་ངེ་འཛིན་དང་། སེམས་རྩེ་གཅིག་པ་ལས་ཀྱང་མི་
D132.055.0267a04.01གཡོའོ། །མཉམ་པར་ཡང་གཞོག་ལ་འོང་བ་དང་། འགྲོ་བ་དང་། འདུག་པ་དང་། འགྲེང་བ་དང་། འཆག་པ་དང་། ཉལ་བར་ཡང་བྱེད་དོ། །དེ་སྤྱོད་ལམ་ཐམས་ཅད་ཀྱང་སྟོན་ལ་གཅིག་ཏུ་སྙོམས་པར་ཞུགས་པ་ཡང་ཡིན་ནོ། །དེ་སྨྲ་བར་ཡང་སྣང་ལ་ཏིང་ངེ་འཛིན་གྱི་ཆོས་ཉིད་
D132.055.0267a05.01དེ་ཡང་མི་གཏོང་ངོ་། །བློ་གྲོས་བརྟན་པ་དེ་ལྟར་ན་བྱང་ཆུབ་སེམས་དཔའ་གང་གི་ཚེ་ན་སེམས་ཅན་གཞན་རྣམས་དང་། གང་ཟག་གཞན་དག་ལ་ཕན་གདགས་པའི་ཕྱིར། གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དུ་འགྲོ་
D132.055.0267a06.01ཞིང་འཇུག་པ་དེའི་ཚེ་ཡང་མཉམ་པར་གཞག་པ་ཉིད་ཡིན་ནོ། །གང་གི་ཚེ་ན་སེམས་ཅན་གཞན་རྣམས་དང་། གང་ཟག་གཞན་དག་ལ་སྙིང་བརྩེ་བའི་ཕྱིར་ཟས་ཟ་བ་དེའི་ཚེ་ཡང་མཉམ་པར་བཞག་བཞིན་དུ་ཟས་ཟའོ། །དེ་ཟས་ཟ་བར་ཡང་སྣང་ལ་བྱང་ཆུབ་སེམས་དཔའ་དེའི་ལུས་
D132.055.0267a07.01