完整藏文原文 · 德格版页 当前仅加载第 55 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
དོག་དང་། གཟུགས་དང་། སྤྱོད་ལམ་དེ་ལྟ་བུར་མཐོང་སྟེ། བཅོམ་ལྡན་འདས་བདག་ཅག་ནི་གང་དག་དཔའ་བར་འགྲོ་བའི་ཏིང་ངེ་འཛིན་རྣར་མི་གྲག་པའི་སེམས་ཅན་དེ་དག་བདུད་ཀྱིས་བྱིན་གྱིས་བརླབས་པའོ། །བཅོམ་ལྡན་འདས་ཐ་ན་གང་དག་དཔའ་བར་འགྲོ་བའི་ཏིང་ངེ་འཛིན་འདི་
D132.055.0279b01.01ཐོས་པའི་སེམས་ཅན་དེ་དག་ཀྱང་སངས་རྒྱས་ཐམས་ཅད་ཀྱིས་ཡོངས་སུ་བཟུང་བ་ལགས་ན་འདོན་པར་བགྱིད་པ་ལྟ་ཅི་སྨོས། ཐོས་ནས་ནན་ཏན་བགྱིད་པ་ལྟ་ཅི་སྨོས། གང་དག་གིས་དཔའ་བར་འགྲོ་བའི་ཏིང་ངེ་འཛིན་འདི་ཐོས་པ་ལྟ་ཅི་སྨོས་སྙམ་བགྱིད་དོ། །བཅོམ་ལྡན་འདས་ཆོས་ཐམས་
D132.055.0279b02.01ཅད་ཀྱི་ཕ་རོལ་དུ་མཆི་བར་འཚལ་བས་དཔའ་བར་འགྲོ་བའི་ཏིང་ངེ་འཛིན་མཉན་པར་བགྱིའོ། །གཟུང་བར་བགྱིའོ། །བཀླག་པར་བགྱིའོ། །ཀུན་ཆུབ་པར་བགྱིའོ། །གཟུགས་དང་། ཁ་དོག་ཐམས་ཅད་སྟོན་པར་འཚལ་བ་དང་། སེམས་ཅན་ཐམས་ཅད་ཀྱི་སྤྱོད་པ་དང་། སྤྱོད་ལམ་
D132.055.0279b03.01ཇི་ལྟ་བ་བཞིན་དུ་སྟོན་པར་འཚལ་བ་དང་། དེ་དག་གི་སེམས་རབ་ཏུ་རྟོགས་པར་འཚལ་བ་དང་། དེ་དག་གི་ནད་ཇི་ལྟ་བ་བཞིན་དུ་སྨན་གྱིས་གསོ་བར་འཚལ་བས་དཔའ་བར་འགྲོ་བའི་ཏིང་ངེ་འཛིན་འདི་ཉིད་མཉན་པར་བགྱིའོ། །བཀླག་པར་བགྱིའོ། །བསྒོམ་པར་བགྱིའོ། །གང་དག་གིས་
D132.055.0279b04.01དཔའ་བར་འགྲོ་བའི་ཏིང་ངེ་འཛིན་འདི་ཐོབ་པའི་སྐྱེས་བུ་དམ་པ་དེ་དག་ནི་སངས་རྒྱས་ཐམས་ཅད་ཀྱི་ཡུལ་དུ་མཆིས་པ་ལགས་སོ། །རང་བྱུང་གི་ཡེ་ཤེས་ལ་དབང་བགྱིད་པ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཉན་ཐོས་ཆེན་པོ་དེ་དག་དང་། ལྷ་དང་། ཀླུ་དང་།
D132.055.0279b05.01གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དེ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་དང་། བྱང་ཆུབ་སེམས་དཔའ་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་དེ་དེ་བཞིན་ནོ། །
D132.055.0279b06.01ཇི་སྐད་སྨྲས་པ་དེ་བཞིན་ཏེ། དཔའ་བར་འགྲོ་བའི་ཏིང་ངེ་འཛིན་འདི་མ་ཐོབ་པའི་ཕྱིར་བྱང་ཆུབ་སེམས་དཔའ་དེ་ལ་ནི་བྱང་ཆུབ་སེམས་དཔའ་ཞེས་ང་མི་སྨྲའོ། །དཔའ་བར་འགྲོ་བའི་ཏིང་ངེ་འཛིན་འདི་མ་ཐོབ་པའི་ཕྱིར་བྱང་ཆུབ་སེམས་དཔའ་དེ་ལ་ནི་མངོན་པར་ཤེས་པ་ཐོབ་པ་ཞེས་ང་མི་སྨྲའོ། །
D132.055.0279b07.01