完整藏文原文 · 德格版页 当前仅加载第 55 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་ངེ་འཛིན་འདི་ལ་གནས་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་གླིང་བཞི་པའི་འཇིག་རྟེན་གྱི་ཁམས་བྱེ་བ་བརྒྱ་དང་། ཉི་མ་དང་། ཟླ་བ་བྱེ་བ་བརྒྱ་དང་། རྒྱལ་ཆེན་བཞིའི་ལྷའི་རིས་བྱེ་བ་བརྒྱ་དང་། སུམ་ཅུ་རྩ་གསུམ་གྱི་ལྷ་བྱེ་བ་བརྒྱ་དང་། འཐབ་བྲལ་གྱི་ལྷ་བྱེ་བ་
D132.055.0294b01.01བརྒྱ་དང་། དགའ་ལྡན་གྱི་ལྷ་བྱེ་བ་བརྒྱ་དང་། འཕྲུལ་དགའ་བྱེ་བ་བརྒྱ་དང་། གཞན་འཕྲུལ་དབང་བྱེད་བྱེ་བ་བརྒྱ་དང་། བདུད་ཀྱི་གནས་བྱེ་བ་བརྒྱ་དང་། ཚངས་པའི་གནས་བྱེ་བ་བརྒྱ་ནས། དེ་བཞིན་དུ་འོག་མིན་གྱི་བར་དུ་བྱེ་བ་ཕྲག་བརྒྱ་བརྒྱ་དང་། རིའི་རྒྱལ་པོ་རི་རབ་བྱེ་བ་ཕྲག་བརྒྱ་དང་། རྒྱ་
D132.055.0294b02.01མཚོ་ཆེན་པོ་བྱེ་བ་ཕྲག་བརྒྱ་དང་། དེ་རྣམས་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། བློ་གྲོས་བརྟན་པ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དཔའ་བར་འགྲོ་བའི་ཏིང་ངེ་འཛིན་ལ་གནས་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་
D132.055.0294b03.01འཛམ་བུའི་གླིང་ལ་ལར་ནི་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད། འཛམ་བུའི་གླིང་ལ་ལར་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད། འཛམ་བུའི་གླིང་ལ་ལར་ནི་བཟོད་པའི་ཕ་རོལ་ཏུ་ཕྱིན་པ་ལ་སྤྱོད། འཛམ་བུའི་གླིང་ལ་ལར་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱོད། འཛམ་བུའི་
D132.055.0294b04.01གླིང་ལ་ལར་ནི་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད། འཛམ་བུའི་གླིང་ལ་ལར་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དོ། །འཛམ་བུའི་གླིང་ལ་ལར་ནི་མངོན་པར་ཤེས་པ་ལྔ་དང་ལྡན་པར་སྣང་། འཛམ་བུའི་གླིང་ལ་ལར་ནི་ཁྱིམ་ན་གནས་པར་སྣང་། འཛམ་བུའི་གླིང་ལ་ལར་ནི་རབ་ཏུ་
D132.055.0294b05.01བྱུང་བར་སྣང་། འཛམ་བུའི་གླིང་ལ་ལར་ནི་དགའ་ལྡན་གྱི་གནས་ན་གནས་པར་སྣང་། འཛམ་བུའི་གླིང་ལ་ལར་ནི་ཁྱིམ་བདག་ཚོང་དཔོན་དུ་ཤེས། འཛམ་བུའི་གླིང་ལ་ལར་ནི་དེད་དཔོན་དུ་ཤེས། འཛམ་བུའི་གླིང་ལ་ལར་ནི་ཁམས་ཀྱི་རྒྱལ་པོར་ཤེས། འཛམ་བུའི་གླིང་ལ་ལར་ནི་
D132.055.0294b06.01བློན་པོར་ཤེས། འཛམ་བུའི་གླིང་ལ་ལར་ནི་འཁོར་ལོས་སྒྱུར་བའི་རྒྱལ་པོར་ཤེས། འཛམ་བུའི་གླིང་ལ་ལར་ནི་སྟོབས་ཀྱིས་འཁོར་ལོས་སྒྱུར་བའི་རྒྱལ་པོར་ཤེས། འཛམ་བུའི་གླིང་ལ་ལར་ནི་སའི་རྒྱལ་པོར་ཤེས། འཛམ་བུའི་གླིང་ལ་ལར་ནི་ལྷའི་དབང་པོ་བརྒྱ་བྱིན་དུ་ཤེས།
D132.055.0294b07.01