完整藏文原文 · 德格版页 当前仅加载第 55 函德格 301a 版页；藏文 NFD、目录标记与异常页序保留在来源切片中，重复版页行以稳定序号区分。
གཞོན་ནུར་གྱུར་པས་བྱང་ཆུབ་སེམས་དཔའ་སེམས་ཞུམ་པ་ཉིས་བརྒྱ་པོ་དེ་དག་གི་སེམས་རབ་ཏུ་འཛིན་པ་ལ་བརྟེན་ནས། ཀྱེ་མ་འདི་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སྐལ་བ་ཡོད་དོ་ཞེས་དེ་དག་གདུལ་བའི་དབང་གི་ཕྱིར་
D132.055.0301a01.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་མངོན་པར་འཚལ་བ་འདས་པའི་དུས་ན་བསྐལ་པ་རྣམ་པར་སྣང་བ་ཞེས་བགྱི་བ་ཞིག་བྱུང་སྟེ། བཅོམ་ལྡན་འདས་བདག་བསྐལ་པ་རྣམ་པར་སྣང་བ་དེ་ལ་ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས་
D132.055.0301a02.01རྒྱས་ཀྱི་ཐེག་པས་ཡོངས་སུ་མྱ་ངན་ལས་འདས་སོ། །དེ་ནས་ཐམས་ཅད་དང་ལྡན་པའི་འཁོར་དེ་ཐེ་ཙོམ་དུ་གྱུར་ནས། འདི་ཇི་ལྟ་བུ་ཞིག །འདི་ཅི་གང་གི་ཚེ་ཡོངས་སུ་མྱ་ངན་ལས་འདས་པ་ལ་ཉིང་མཚམས་སྦྱོར་བ་མེད་ན། ཇི་ལྟར་ན་འཇམ་དཔལ་གཞོན་ནུར་གྱུར་པ་འདི་ནི་བཅོམ་ལྡན་འདས་
D132.055.0301a03.01བདག་གིས་མངོན་པར་འཚལ་བ། བསྐལ་པ་རྣམ་པར་སྣང་བ་ལ་ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས་རྒྱས་ཀྱི་ཐེག་པས་ཡོངས་སུ་མྱ་ངན་ལས་འདས་སོ་ཞེས་དེ་སྐད་སྨྲ་སྙམ་མོ། །དེ་ནས་སངས་རྒྱས་ཀྱི་མཐུས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་
D132.055.0301a04.01འདི་སྐད་ཅེས་གསོལ་ཏོ། །བཅོམ་ལྡན་འདས་གང་གི་ཚེ་ཡོངས་སུ་མྱ་ངན་ལས་འདས་པ་ལ་ཉིང་མཚམས་སྦྱོར་བ་མ་མཆིས་ན། ཇི་ལྟར་ན་འཇམ་དཔལ་གཞོན་ནུར་གྱུར་པ་འདི་མྱ་ངན་ལས་འདས་ནས་ཉིང་མཚམས་སྦྱོར་བར་བགྱིད། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་
D132.055.0301a05.01བུ་ཁྱོད་ཀྱིས་འཇམ་དཔལ་གཞོན་ནུར་གྱུར་པ་འདི་ཉིད་ལ་དྲིས་ཤིག་དང་། དེ་ཉིད་ཁྱོད་ལ་ལན་ལྡོན་པར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་གང་གི་ཚེ་ཡོངས་སུ་མྱ་ངན་ལས་འདས་པ་ལ་འགྲོ་བ་མེད་ཅིང་
D132.055.0301a06.01ཉིང་མཚམས་སྦྱོར་བ་མེད་ན། འཇམ་དཔལ་ཁྱོད་ཇི་ལྟར་ན་འདི་སྐད་དུ་བཅོམ་ལྡན་འདས་བདག་གིས་མངོན་པར་འཚལ་བ་བསྐལ་པ་རྣམ་པར་སྣང་བ་ལ་ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས་རྒྱས་ཀྱི་ཐེག་པས་ཡོངས་སུ་མྱ་ངན་ལས་འདས་ཞེས་སྨྲ། ཁྱོད་ཀྱིས་
D132.055.0301a07.01