完整藏文原文 · 德格版页 当前仅加载第 55 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་དཀའ་བ་ཅི་ཡང་མེད་དོ། །བཙུན་པ་འོད་སྲུང་ཆེན་པོ་གང་དག་བདེན་པ་མ་མཐོང་བ་དེ་དག་ནི་ཚུལ་འདི་ལ་མོས་པར་ཤིན་ཏུ་བྱ་དཀའ་བ་ཡིན་གྱི། བདེན་པ་མཐོང་བ་དེ་དག་གི་ཆོས་ལ་གནས་པའི་རྣམ་པར་འཕྲུལ་པ་དེ་ནི་དེ་ལྟ་མ་ཡིན་ཏེ། དེ་དག་ནི་ངོ་མཚར་མི་ཆེའོ། །དེ་ནས་དེའི་ཚེ་བཅོམ་ལྡན་
D132.055.0307b01.01འདས་སྟེང་གི་བར་སྣང་ལ་ཤིང་ཏ་ལ་བདུན་ཙམ་དུ་འཕགས་ནས་སྐྱིལ་མོ་ཀྲུང་དུ་བཞུགས་ཤིང་སྐུ་ལས་ཀྱང་འོད་གང་གིས་ཕྱོགས་བཅུ་ཐམས་ཅད་དུ་སངས་རྒྱས་ཀྱི་ཞིང་དཔག་ཏུ་མེད་གྲངས་མེད་པ་སྣང་བར་འགྱུར་བ་དེ་ལྟ་བུའི་འོད་བཏང་བ་དང་། ཐམས་ཅད་དང་ལྡན་པའི་འཁོར་དེས་ཕྱོགས་བཅུ་
D132.055.0307b02.01ན་སངས་རྒྱས་བཅོམ་ལྡན་འདས་དཔག་ཏུ་མེད་གྲངས་མེད་པ་དག་དཔའ་བར་འགྲོ་བའི་ཏིང་ངེ་འཛིན་འདི་འཆད་པར་མཐོང་ངོ་། །ཆོས་འཆད་པ་དེ་ཡང་ཆད་པ་མེད་ཅིང་ལྷག་པ་མེད་པར་འདི་ནས་ཐོས་སོ། །སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་སྟེང་གི་བར་སྣང་ལ་ཤིང་ཏ་ལ་བདུན་
D132.055.0307b03.01ཙམ་དུ་འཕགས་ནས་སྐྱིལ་མོ་ཀྲུང་བཅས་ཤིང་བཞུགས་པར་སྣང་ངོ་། །དེ་དག་ཐམས་ཅད་ཀྱིས་ཀྱང་སྐུ་ལས་འོད་བཏང་བར་སྣང་ངོ་། །སངས་རྒྱས་བཅོམ་ལྡན་འདས་དེ་དག་གི་འཁོར་གང་ཡིན་པ་དེས་ཀྱང་དེ་བཞིན་གཤེགས་པ་ཤཱཀྱ་ཐུབ་པ་སྟེང་གི་བར་སྣང་ལ་སྐྱིལ་མོ་ཀྲུང་བཅས་ཏེ་བཞུགས་པར་
D132.055.0307b04.01མཐོང་ངོ་། །དེ་ནས་ཐམས་ཅད་དང་ལྡན་པའི་འཁོར་དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར། མེ་ཏོག་དང་། ཕྲེང་བ་དང་། སྤོས་དང་། བྱུག་པ་དག་ཀྱང་འཐོར་བར་སྣང་ངོ་། །མེ་ཏོག་དེ་དག་ཀྱང་སོང་སྟེ། བཅོམ་ལྡན་
D132.055.0307b05.01འདས་ཀྱི་དབུའི་གཙུག་གི་སྟེང་གི་དྲང་ཐད་ན་མེ་ཏོག་གི་གདུགས་སུ་འདུག་པར་སྣང་ངོ་། །སངས་རྒྱས་ཀྱི་ཞིང་འདི་དག་ཀྱང་བྱང་ཆུབ་སེམས་དཔའ་དེ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་
D132.055.0307b06.01དག་སངས་རྒྱས་བཅོམ་ལྡན་འདས་དེ་དག་ག་ལ་བ་དེར་མེ་ཏོག་དག་འཐོར་རོ། །མེ་ཏོག་དེ་དག་ཐམས་ཅད་ཀྱང་སངས་རྒྱས་བཅོམ་ལྡན་འདས་དེ་དག་གི་དབུའི་གཙུག་གི་སྟེང་གི་དྲང་ཐད་ན་མེ་ཏོག་གི་གདུགས་སུ་འདུག་པར་སྣང་ངོ་། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་དེ་དག་བསྡུས་
D132.055.0307b07.01