完整藏文原文 · 德格版页 当前仅加载第 55 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏེ། འདུག་པ་དེས་བྱང་ཆུབ་སེམས་དཔའ་བློ་གྲོས་བརྟན་པ་ལ་འདི་སྐད་ཅེས་སྨྲས་སོ། །བློ་གྲོས་བརྟན་པ་ཁྱོད་དེ་བཞིན་གཤེགས་པ་ཡེ་ཤེས་རྒྱ་མཚོ་ཆེན་པོའི་སྤྱན་སྔར་འདུག་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་གྱི་ཆོས་རིན་པོ་ཆེ་མཐའ་
D132.055.0277a01.01ཡས་པ་དང་ལྡན་པ་གོ་ཆ་ཆེན་པོ་བགོས་པ་རྣམས་ཀྱི་ནང་དུ་ཕྱིན་ནས། བཅོམ་ལྡན་འདས་བྱང་ཆུབ་སེམས་དཔའ་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ་གང་ལ་ལ་དག་འཁོར་འདིར་འདུས་པ་མཆིས་སམ་ཞེས་དེ་སྐད་ཟེར་བའི་ཁྱོད་ཀྱི་ཞུ་བ་ནི་ཁོ་བོས་བསམས་ན། འདི་ལྟ་སྟེ། དཔེར་ན། འདྲོན་པ་
D132.055.0277a02.01བྱིས་པའི་རང་བཞིན་ཅན་ལ་ལ་ཞིག་རྒྱ་མཚོ་ཆེན་པོར་ཞུགས་ནས། རྒྱ་མཚོ་ཆེན་པོ་འདི་ན་གང་དག་བླངས་ཏེ། འགྲོ་བར་བྱ་བའི་རིན་པོ་ཆེ་དག་ཡོད་དམ་ཞེས་དེ་སྐད་ཟེར་བ་དང་མཚུངས་པ་སྙམ་བྱེད་དོ། །བློ་གྲོས་བརྟན་པ་འཁོར་འདི་ན་ནི་བྱང་ཆུབ་སེམས་དཔའ་གང་དག་དཔའ་བར་འགྲོ་བའི་ཏིང་ངེ་
D132.055.0277a03.01འཛིན་འདི་ཐོབ་པ་བརྒྱ་བྱིན་གྱི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །བྱང་ཆུབ་སེམས་དཔའ་གང་དག་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ་ཚངས་པའི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །བྱང་ཆུབ་སེམས་དཔའ་གང་དག་དཔའ་བར་འགྲོ་བའི་ཏིང་ངེ་
D132.055.0277a04.01འཛིན་འདི་ཐོབ་པའི་ལྷའི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །བྱང་ཆུབ་སེམས་དཔའ་འཁོར་ལོས་སྒྱུར་བའི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །བྱང་ཆུབ་སེམས་དཔའ་དགེ་སློང་གི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །བྱང་ཆུབ་སེམས་
D132.055.0277a05.01དཔའ་དགེ་སློང་མའི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །བྱང་ཆུབ་སེམས་དཔའ་དགེ་བསྙེན་གྱི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །དགེ་བསྙེན་མའི་ཁ་དོག་དང་། གཟུགས་དང་ལྡན་པ་དག་ཀྱང་ཡོད་དོ། །མཚན་གྱིས་ལེགས་པར་བརྒྱན་པ་དག་ཀྱང་
D132.055.0277a06.01ཡོད་དོ། །བྱང་ཆུབ་སེམས་དཔའ་གང་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ་དག་སེམས་ཅན་གདུལ་བའི་ཕྱིར་ལུས་དང་། ཁ་དོག་དམན་པ་དང་ལྡན་པ་དག་ཀྱང་ཡོད་དོ། །བློ་གྲོས་བརྟན་པ་འཁོར་འདི་ན་བྱང་ཆུབ་སེམས་དཔའ་ཉན་ཐོས་ཀྱི་ཁ་དོག་དང་། གཟུགས་དང་། སྤྱོད་ལམ་དང་
D132.055.0277a07.01