完整藏文原文 · 德格版页 当前仅加载第 55 函德格 299b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་བཅོམ་ལྡན་འདས་དཔག་ཏུ་མེད་པ། གྲངས་མེད་པས་བཤད་པ་ཀུན་འཛིན་ཀྱང་དེ་ལ་ཚིག་གཅིག་ཀྱང་སྔོན་མ་ཐོས་པའི་རྣར་གྲགས་པར་མི་འགྱུར་གྱི་གང་ཅི་ཐོས་ཀྱང་དེ་ཐམས་ཅད་མངོན་ཐོས་པ་ཉིད་ཐོས་པ་ཡིན་གྱི། མ་ཐོས་པ་ལས་ཐོས་པ་མ་ཡིན་པ་དང་། མི་བརྗེད་པའི་ཆོས་ཅན་དུ་གྱུར་པའི་
D132.055.0299b01.01ཕྱིར་ཇི་ལྟར་ཐོས་པ་ཀུན་འཛིན་པ་དང་། སེམས་ཅན་མེད་པའི་ཕྱིར་སེམས་ཅན་ལ་དེ་ལྟར་ཆོས་འཆད་ཅིང་བདག་གམ། སེམས་ཅན་ནམ། ཆོས་ལ་ཀུན་ཏུ་རྟོག་པ་རྣམ་པ་སྣ་ཚོགས་པའི་འདུ་ཤེས་སུ་ཡང་མི་བྱེད་པ་ཡིན་ཏེ། བློ་གྲོས་བརྟན་པ་དེ་ཙམ་གྱིས་ན་མང་དུ་ཐོས་པ་ཞེས་བྱའོ། །དེ་ནས་
D132.055.0299b02.01ལྷའི་བུ་ཟླ་བ་དྲི་མ་མེད་པའི་སྙིང་པོ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ། འདུག་པ་དེས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །གནས་བརྟན་ཀུན་དགའ་བོ་ནི་མང་དུ་ཐོས་པ་རྣམས་ཀྱི་མཆོག་གོ་ཞེས་བཅོམ་ལྡན་འདས་ཀྱིས་བཀའ་སྩལ་ན། ཅི་གནས་བརྟན་ཀུན་དགའ་བོ་
D132.055.0299b03.01ཇི་ལྟར་ན་འཇམ་དཔལ་གཞོན་ནུར་གྱུར་པས་བཤད་པའི་མང་དུ་ཐོས་པ་དེ་འདྲ་བ་དང་ལྡན་ནམ། ཀུན་དགའ་བོས་སྨྲས་པ། ལྷའི་བུ་དེ་ནི་མི་ལྡན་ཏེ། ཁོ་བོ་ནི་ཇི་ལྟར་འཇམ་དཔལ་གཞོན་ནུར་གྱུར་པས་བཤད་པ་དེ་འདྲ་བའི་མང་དུ་ཐོས་པ་དང་ལྡན་པ་མ་ཡིན་ནོ། །སྨྲས་པ། འོ་ན་ཇི་ལྟར་ན་
D132.055.0299b04.01གནས་བརྟན་ཀུན་དགའ་བོ་མང་དུ་ཐོས་པ་རྣམས་ཀྱི་མཆོག་གོ་ཞེས་བཅོམ་ལྡན་འདས་ཀྱིས་བཀའ་སྩལ་སྨྲས་པ། ལྷའི་བུ་བཅོམ་ལྡན་འདས་ཀྱི་ཉན་ཐོས་ཕ་རོལ་གྱི་སྒྲའི་རྗེས་སུ་སོང་ཞིང་ཕ་རོལ་གྱི་སྒྲ་ལ་མོས་པས་རྣམ་པར་གྲོལ་བ་ལ་གཏོད་པ་གང་སུ་དག་ཡོད་པ་དེ་དག་ཚད་མར་བྱས་ནས།
D132.055.0299b05.01ཁོ་བོ་མང་དུ་ཐོས་པ་རྣམས་ཀྱི་མཆོག་གོ་ཞེས་བཅོམ་ལྡན་འདས་ཀྱིས་བཀའ་སྩལ་གྱི། ལྷའི་བུ་ཁོ་བོ་ནི་བྱང་ཆུབ་སེམས་དཔའ་ཡེ་ཤེས་ཀྱི་རྒྱ་མཚོ་ཐོགས་པ་མེད་ཅིང་ཚད་མེད་ལ་ཤེས་རབ་དང་སྤོབས་པ་ཟད་མི་ཤེས་པ་དག་གི་ནང་ན་མང་དུ་ཐོས་པའི་མཆོག་གོ་ཞེས་བཀའ་མ་སྩལ་ཏོ། །ལྷའི་བུ་འདི་ལྟ་
D132.055.0299b06.01སྟེ་དཔེར་ན་འཛམ་བུའི་གླིང་གི་མི་དག་ནི་ཉི་མ་དང་ཟླ་བའི་འོད་ཀྱིས་ན་སྣང་བ་རྣམས་ཀྱི་ལས་དག་ཀྱང་བྱེད་གཟུགས་རྣམས་ཀྱང་མཐོང་ངོ་། །ལྷའི་བུ་དེ་བཞིན་དུ་ཤེས་རབ་ཀྱི་སྣང་བ་འདི་ནི་དེ་བཞིན་གཤེགས་པའི་ཡིན་ཏེ། དེའི་ཕྱིར་ཁོ་བོ་བཅོམ་ལྡན་འདས་ཀྱིས་ཆོས་ཇི་ལྟར་གསུངས་པ་བཞིན་དུ་འཛིན་
D132.055.0299b07.01