完整藏文原文 · 德格版页 当前仅加载第 55 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་སྙེད་ཀྱི་ནན་ཏན་འཇུག་པ་ཡོད་དོ། །སེམས་ཅན་ཐམས་ཅད་ཀྱི་མིང་དང་གཟུགས་ཇི་སྙེད་པ་བྱང་ཆུབ་སེམས་དཔའ་དེས་དེ་སྙེད་ཀྱི་མིང་དང་གཟུགས་བསྟན་པར་བྱའོ། །རྒྱལ་བའི་བློ་གྲོས་གང་དེ་ལྟར་སྟོན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བྱེད་པའོ། །སངས་
D132.055.0305a01.01རྒྱས་ཐམས་ཅད་ཀྱི་མིང་དང་གཟུགས་དང་། མཚན་མཐོང་བ་ཇི་སྙེད་པ་བྱང་ཆུབ་སེམས་དཔའ་དེས་མིང་དང་གཟུགས་དང་། མཚན་མཐོང་བ་དེ་སྙེད་བསྟན་པར་བྱ་སྟེ། རྒྱལ་བའི་བློ་གྲོས་གང་དེ་ལྟར་སྟོན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བྱེད་པའོ། །སངས་རྒྱས་ཐམས་ཅད་
D132.055.0305a02.01ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཇི་སྙེད་མཐོང་བ་བྱང་ཆུབ་སེམས་དཔའ་དེས་སངས་རྒྱས་ཀྱི་ཞིང་གི་ཡོན་ཏན་བཀོད་པ་མཐོང་བ་དེ་སྙེད་བསྟན་པར་བྱའོ། །རྒྱལ་བའི་བློ་གྲོས་གང་དེ་ལྟར་སྟོན་པ་དེ་ནི་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བྱེད་པ་ཡིན་ནོ། །དེ་ནས་བཅོམ་ལྡན་
D132.055.0305a03.01འདས་ལ་བྱང་ཆུབ་སེམས་དཔའ་རྒྱལ་བའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དཔའ་བར་འགྲོ་བའི་ཏིང་ངེ་འཛིན་འདི་ལ་ནན་ཏན་བགྱི་བ་དེ་ནི་ཤིན་ཏུ་བསྒྲུབ་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་བའི་བློ་གྲོས་དེའི་ཕྱིར་བྱང་ཆུབ་སེམས་
D132.055.0305a04.01དཔའ་གང་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་པ་ནི་ཉུང་གི་གང་ཏིང་ངེ་འཛིན་ངན་པ་གཞན་ལ་སྤྱོད་པ་དག་ནི་མང་ངོ་། །རྒྱལ་བའི་བློ་གྲོས་ཀྱིས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་བྱམས་པ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་གཅིག་
D132.055.0305a05.01གིས་ཐོགས་པ་ལགས་ཏེ། དེ་བཞིན་གཤེགས་པའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ན། བཅོམ་ལྡན་འདས་བྱང་ཆུབ་སེམས་དཔའ་བྱམས་པ་འདིས་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པ་ལགས་སམ། བཅོམ་ལྡན་
D132.055.0305a06.01འདས་ཀྱིས་བཀའ་སྩལ་པ། རྒྱལ་བའི་བློ་གྲོས་བྱང་ཆུབ་སེམས་དཔའ་ས་བཅུ་ལ་གནས་པ། སྐྱེ་བ་གཅིག་གིས་ཐོགས་པ། དབང་བསྐུར་བ་ཐོབ་པ་ཇི་སྙེད་པ་དེ་དག་ཐམས་ཅད་ཀྱིས་དཔའ་བར་འགྲོ་བའི་ཏིང་ངེ་འཛིན་འདི་ཐོབ་བོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་
D132.055.0305a07.01