完整藏文原文 · 德格版页 当前仅加载第 55 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
མུ་ཏིག་གི་ཕྲེང་བ་དཔྱངས་པ། གདུགས་དང་། རྒྱལ་མཚན་དང་། བ་དན་སྒྲེང་བ། བླ་རེ་བྲེས་པ། གསེར་གྱི་དྲིལ་བུ་གཡེར་ཁའི་དྲ་བས་གཡོགས་པ། མེ་ཏོག་སྣ་ཚོགས་བཀྲམ་པ། གསེར་དང་། དངུལ་དང་། མུ་ཏིག་དང་། ནོར་བུས་བརྒྱན་པ། རྣམ་པ་ཐམས་
D132.055.0258a01.01ཅད་ཀྱི་མཆོག་དང་ལྡན་པའི་རྒྱན་གྱི་བཀོད་པས་ལེགས་པར་བརྒྱན་པ། གསེར་ཕྱེ་བཀྲམ་པ། ལྷའི་ཙན་དན་དང་། སྤོས་དང་། ཕྲེང་བ་དང་། ཕྱེ་མ་དང་། བྱུག་པ་དང་། སྤོས་ཐམས་ཅད་ཀྱིས་བསྒོས་པ། མེ་ཏོག་སྣ་ཚོགས་གཏོར་བ། སྙིང་པོ་དམ་པ་དང་ལྡན་པའི་པོག་ཕོར་ནས་བདུག་པ་
D132.055.0258a02.01བཤམས་པར་གྱུར་ཏེ། དེ་ལྟར་དེའི་སྐད་ཅིག་ཐང་ཅིག་ཡུད་ཙམ་ལ་དེ་བཞིན་གཤེགས་པ་ལ་མཆོད་པའི་ལས་བྱ་བའི་ཕྱིར་སེང་གེའི་ཁྲི་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་བཤམས་པར་གྱུར་ཀྱང་འཁོར་དང་ས་ཆེན་པོ་ལ་སྒྲིབ་པར་ཡང་མི་བྱེད། ལྷའི་བུ་གཅིག་གིས་ལྷའི་བུ་ཅིག་ཤོས་ཀྱི་
D132.055.0258a03.01ཁྲི་བཤམས་པ་ཡང་མ་མཐོང་སྟེ། ལྷའི་བུ་རེ་རེ་ཞིང་ཡང་བདག་གིས་བཅོམ་ལྡན་འདས་ཀྱི་སེང་གེའི་ཁྲི་བཤམས་པས་བདག་གི་སེང་གེའི་ཁྲི་ལ་དེ་བཞིན་གཤེགས་པ་བཞུགས་ཏེ། དཔའ་བར་འགྲོ་བའི་ཏིང་ངེ་འཛིན་འདི་འཆད་པར་ཤེས་སོ། །དེ་ནས་བརྒྱ་བྱིན་དང་། ཚངས་པ་དང་།
D132.055.0258a04.01འཇིག་རྟེན་སྐྱོང་བ་དག་དང་། དེ་མ་ཡིན་པའི་ལྷའི་བུ་གཞན་དག་གིས་ཀྱང་བཅོམ་ལྡན་འདས་ཀྱི་སེང་གེའི་ཁྲི་བཤམས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་སེང་གེའི་ཁྲི་འདི་ཉིད་ལ་བཞུགས་ཏེ། དཔའ་བར་འགྲོ་བའི་ཏིང་ངེ་འཛིན་འདི་བཤད་དུ་
D132.055.0258a05.01གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་མཛད་པས། སེང་གེའི་ཁྲི་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་པོ་དེ་ལ་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་མངོན་པར་སྤྲུལ་ནས། སེང་གེའི་ཁྲི་དེ་དག་ཐམས་ཅད་
D132.055.0258a06.01ལ་དེ་བཞིན་གཤེགས་པ་དག་བཞུགས་པར་སྣང་བ་དེ་འདྲ་བའི་རྫུ་འཕྲུལ་མངོན་པར་འདུ་བྱ་བ་མངོན་པར་མཛད་ནས། དེ་ན་ལྷའི་བུ་རེ་རེ་ཞིང་བདག་བདག་གི་སེང་གེའི་ཁྲི་དེ་ཉིད་ལ་དེ་བཞིན་གཤེགས་པ་བཞུགས་པར་མཐོང་གི་ཕན་ཚུན་དུ་གཅིག་གིས་གཅིག་གི་ཁྲི་ནི་མ་མཐོང་སྟེ། དེ་ནི་བརྒྱ་བྱིན་རེ་རེ་
D132.055.0258a07.01