完整藏文原文 · 德格版页 当前仅加载第 55 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་མ་ཡིན་ནོ། །སྨྲས་པ། དེ་བཞིན་གཤེགས་པ་གང་དུ་གནས་ཏེ་བྱིན་གྱིས་རློབ། སྨྲས་པ། ལྷའི་བུ་དེ་བཞིན་གཤེགས་པ་ནི་གནས་མེད་པ་ལ་གནས་ཏེ་སྤྲུལ་པ་སྤྲུལ་པར་མཛད་དོ། །སྨྲས་པ། རིགས་ཀྱི་བུ་ཇི་ལྟར་དེ་བཞིན་གཤེགས་པ་གནས་མེད་པ་ལ་གནས་ཏེ་
D132.055.0282a01.01སྤྲུལ་པ་སྤྲུལ་པར་མཛད་པ་བཞིན་དུ་སྤྲུལ་པ་དེ་དག་ཀྱང་གནས་མེད་པ་ལ་གནས་བཞིན་དུ་འཆད་དོ། །རིགས་ཀྱི་བུ་དེ་བཞིན་དུ་ཆོས་ཐམས་ཅད་ནི་གནས་མེད་པ་ལ་གནས་པ་ཡིན་ཏེ། བདག་ཀྱང་གནས་མེད་པ་ལ་གནས་ནས་ཏིང་ངེ་འཛིན་འདི་འཆད་དོ། །སྨྲས་པ། ལྷའི་བུ་གནས་མེད་པ་
D132.055.0282a02.01ལ་གནས་ན་ཁྱོད་ཇི་ལྟར་ན་སྤོབས་པར་འགྱུར། སྨྲས་པ། ཇི་ལྟར་གནས་མེད་པ་དེ་བཞིན་དུ་སྤོབས་སོ། །སྨྲས་པ། ལྷའི་བུ་ཇི་ལྟར་ན་བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་ཡིན། སྨྲས་པ། རིགས་ཀྱི་བུ་གང་གི་ཚེ་བྱང་ཆུབ་སེམས་དཔའ་བདག་ཏུ་འདུ་ཤེས་པས་མི་
D132.055.0282a03.01འཆད། གང་ཟག་ཏུ་འདུ་ཤེས་པ་དང་། སེམས་ཅན་དུ་འདུ་ཤེས་པ་དང་། ཆོས་སུ་འདུ་ཤེས་པས་མི་འཆད་པ་དེ་ལྟ་བུ་ནི་རིགས་ཀྱི་བུ་བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་ཡིན་ཏེ། ཆོས་འཆད་པ་ན་ཇི་ལྟར་ཡི་གེ་མི་ཟད་ཅིང་ཟད་པར་མི་འགྱུར་བ་དེ་བཞིན་དུ་ཆོས་མི་ཟད་ཅིང་
D132.055.0282a04.01ཟད་པར་མི་འགྱུར་ལ། ཡི་གེ་རྣམ་པ་སྣ་ཚོགས་སུ་ཡང་མི་འཆད། ཆོས་རྣམ་པ་སྣ་ཚོགས་སུ་ཡང་མི་འཆད་དེ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་ཡིན་ནོ། །རིགས་ཀྱི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་ཀྱི་སྒྱུ་མའི་
D132.055.0282a05.01ཆོས་ཉིད་ཀྱང་མི་འདོར། འདོད་ཆགས་དང་བྲལ་བའི་ཆོས་ཉིད་ཀྱང་མི་འདོར། བྲག་ཅའི་སྒྲ་ལྟ་བུའི་ཆོས་ཉིད་ཀྱང་མི་འདོར་ན། རིགས་ཀྱི་བུ་དེ་ལྟ་བུ་ནི་བྱང་ཆུབ་སེམས་དཔའི་སྤོབས་པ་ཕུན་སུམ་ཚོགས་པ་ཡིན་ནོ། །ཇི་ལྟར་ཡི་གེ་དེ་དག་ཡུལ་ན་མི་གནས། ཕྱོགས་ན་མི་གནས། ནང་
D132.055.0282a06.01ན་མ་ཡིན། ཕྱི་རོལ་ན་མ་ཡིན། གཉིས་ཀ་མེད་པར་ཡང་མ་ཡིན་ཞིང་གང་ན་ཡང་མི་གནས་ཏེ། ཚོགས་པ་ལས་བྱུང་བ་དེ་བཞིན་དུ་རིགས་ཀྱི་བུ་ཆོས་ཐམས་ཅད་ཀྱང་ཡུལ་ན་མི་གནས། ཕྱོགས་ན་མི་གནས། ནང་ན་མ་ཡིན། ཕྱི་རོལ་ན་མ་ཡིན། གཉི་ག་མེད་པར་ཡང་མ་ཡིན།
D132.055.0282a07.01