完整藏文原文 · 德格版页 当前仅加载第 55 函德格 264a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་ཚེ་རབས་ཚེ་རབས་སུ། །རྫུ་འཕྲུལ་མངོན་པར་ཐོབ་པར་འགྱུར། །སོ་སོར་རིག་པའི་སྟོབས་བསྐྱེད་པས། །དབང་ལྡན་ཆོས་ཀྱི་དབྱིངས་སུ་ནི། །རྣམ་པར་འཕྲུལ་པ་དུ་མ་བྱེད། །གཡོ་བ་མེད་པའི་གནས་འཆད་དོ། །བསྡུ་བ་རྣམ་པ་བཞི་པོ་ཡིས། །སེམས་ཅན་བུ་གཅིག་བཞིན་དུ་
D132.055.0264a01.01སྡུད། །དེ་དག་གི་ནི་སྨྲ་བ་དང་། །སྒྲ་དང་སྐད་ཀྱང་ཤེས་པར་འགྱུར། །དེས་ནི་སྒྱུ་མ་འདྲ་བའི་ཆོས། །བྱིན་གྱིས་བརླབས་ནས་རྣམ་པར་འཕྲུལ། །སེམས་ཅན་ཐམས་ཅད་སྐྱེ་བར་གནས། །ནམ་མཁའ་ལྟ་བུར་སྣང་བར་འགྱུར། །རྣམ་ཐོས་བུ་ནི་ཇི་བཞིན་དུ། །ཡོ་བྱད་ཀུན་ལྡན་ཕྱུག་ཐོབ་ནས། །
D132.055.0264a02.01སེམས་ཅན་རྣམས་ཀྱི་འདོད་པ་ཡི། །བསམ་པ་ཐམས་ཅད་རྫོགས་པར་བྱེད། །ཚུལ་ཁྲིམས་འཆལ་དང་ཁྲིམས་ལྡན་ལ། །དེ་ཡི་སེམས་ནི་དེ་ཚེ་མཉམ། །སངས་རྒྱས་རྣམས་ཀྱི་གསང་བ་ཡང་། །གང་ཟག་དམ་པས་ཤེས་པར་འགྱུར། །འོད་ཟེར་དྲ་བ་བྱས་ནས་ཀྱང་། །འཇིག་རྟེན་ཁམས་རྣམས་
D132.055.0264a03.01ཁྱབ་བྱེད་དེ། །ཤེས་རབ་ལྡན་པས་གཏིང་དཔག་དཀའ། །རྒྱ་མཚོ་ཆེན་པོ་ཆུ་ལྡན་བཞིན། །ས་ཆུ་མེ་དང་མཚུངས་པ་དང་། །རླུང་དང་ནམ་མཁའ་འདྲ་བའི་ཡིད། །དེ་ནི་རྟག་པར་སེམས་ཅན་ལ། །སྙིང་བརྩེ་བ་ཡི་ཕྱིར་འཇུག་གོ། །སྲིད་པ་སེལ་བ་དེ་ཡིས་ནི། །མི་སྐྱེ་དམ་པའི་བཟོད་ཐོབ་ནས། །
D132.055.0264a04.01ནོར་བུ་རིན་ཆེན་དག་པ་ལྟར། །དེ་བཞིན་ཉོན་མོངས་མི་གོས་སོ། །སྤུ་ཡི་ཁུང་བུ་གཅིག་ཏུ་ནི། །ཆུ་ཡི་ཕུང་པོ་ཀུན་འཇུག་ཅིང་། །བསྐལ་པ་ཆེན་པོ་རྣམ་པར་རྩེ། །དགེ་བ་ཕུན་སུམ་ཚོགས་པར་བྱེད། །ཡོངས་སུ་བསྔོ་བར་བྱ་བ་ལ། །དེ་ཡི་ཤེས་པ་མི་རྨོངས་ཏེ། །སེམས་ཅན་རྣམས་ཀྱི་སྤྱོད་
D132.055.0264a05.01ཤེས་ནས། །འཕྲུལ་པ་ཆེན་པོ་བྱེད་པར་འགྱུར། །ཆོས་ཀུན་རྟོགས་པར་བྱ་བའི་ཕྱིར། །དེ་ཡི་སེམས་ནི་རྟག་པར་འཇུག །ལུས་ནི་སྦྱངས་ཤིང་རྡུལ་མེད་དེ། །མྱ་ངན་བྲལ་བ་སེར་སྣ་མེད། །སེམས་ཅན་རྣམས་ནི་གང་ལས་སྐྱེ། །དེ་ནི་སྨད་པ་མེད་པས་ཤེས། །སངས་རྒྱས་རྣམས་ཀྱི་
D132.055.0264a06.01སྤྱོད་ཡུལ་ཡང་། །སྨྲ་བའི་མཆོག་གིས་རབ་ཏུ་ཤེས། །དེ་བཞིན་གཤེགས་པས་གང་མཁྱེན་པ། །དེ་ཀུན་ལ་ནི་རྟོག་པར་བྱེད། །སངས་རྒྱས་རྣམས་ཀྱི་གསང་བ་ཀུན། །དེས་ནི་རྗེས་སུ་རྟོགས་པར་འགྱུར། །གང་ཡང་རྩེ་དང་དགའ་བ་དག །དེ་དག་ཐམས་ཅད་དེས་སྟོན་ཏེ། །
D132.055.0264a07.01