完整藏文原文 · 德格版页 当前仅加载第 55 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་སུམ་ལ་བཀའ་སྩལ་པ། ལྷའི་བུ་ཁྱོད་ཀྱིས་དཔའ་བར་འགྲོ་བའི་ཏིང་ངེ་འཛིན་འདི་སྦྱངས་པའི་བྱེ་བྲག་གི་ཕྱོགས་འགའ་ཞིག་སྟོན་ཅིག །དེ་ནས་བྱང་ཆུབ་སེམས་དཔའ་བློ་གྲོས་བརྟན་པ་ལ་ལྷའི་བུ་སངས་རྒྱས་བློ་གྲོས་མངོན་སུམ་གྱིས་འདི་སྐད་ཅེས་སྨྲས་སོ། །བློ་
D132.055.0278a01.01གྲོས་བརྟན་པ་ཁྱོད་དཔའ་བར་འགྲོ་བའི་ཏིང་ངེ་འཛིན་འདིའི་ཕྱོགས་ཙམ་གྱི་ཁྱུ་མཆོག་ཏུ་གྱུར་པ་ལྟ་བར་འདོད་དམ། སྨྲས་པ། ལྷའི་བུ་ལྟ་བར་འདོད་དོ། །དེ་ནས་ལྷའི་བུ་སངས་རྒྱས་བློ་གྲོས་མངོན་སུམ་གྱིས་དཔའ་བར་འགྲོ་བའི་ཏིང་ངེ་འཛིན་འདི་ཐོབ་པའི་ཕྱིར་དེའི་ཚེ་ཐམས་ཅད་དང་ལྡན་པའི་འཁོར་
D132.055.0278a02.01འདི་འཁོར་ལོས་སྒྱུར་བའི་རྒྱལ་པོའི་ཁ་དོག་དང་། གཟུགས་སུ་གནས་པ་དང་། མཚན་གྱིས་ལེགས་པར་བརྒྱན་པ་དང་། འཁོར་དང་བཅས་པ་དཔུང་གི་མཐུ་དང་ལྡན་པ་དང་། རིན་པོ་ཆེ་སྣ་བདུན་དང་ལྡན་པར་འདུ་ཤེས་པ་དེ་འདྲ་བའི་རྫུ་འཕྲུལ་མངོན་པར་འདུ་བྱེད་པའི་ལྟས་བསྟན་ནས།
D132.055.0278a03.01སྨྲས་པ། བློ་གྲོས་བརྟན་པ་ཅི་མཐོང་། སྨྲས་པ། ལྷའི་བུ་ཁོ་བོས་ནི་ཐམས་ཅད་དང་ལྡན་པའི་འཁོར་འདི་འཁོར་ལོས་སྒྱུར་བའི་ཁ་དོག་དང་། དབྱིབས་དང་། གཟུགས་སུ་གནས་པ་དང་། མཚན་གྱིས་ལེགས་པར་བརྒྱན་པ་དང་། འཁོར་དང་བཅས་པ་དཔུང་གི་མཐུ་དང་ལྡན་པ་
D132.055.0278a04.01དང་། རིན་པོ་ཆེ་སྣ་བདུན་དང་ལྡན་པར་མཐོང་ངོ་། །དེ་ནས་ལྷའི་བུ་སངས་རྒྱས་བློ་གྲོས་མངོན་སུམ་གྱིས་ཐམས་ཅད་དང་ལྡན་པའི་འཁོར་ལྷའི་དབང་པོ་བརྒྱ་བྱིན་གྱི་ཁ་དོག་དང་། དབྱིབས་དང་། གཟུགས་སུ་གནས་པ་དང་། སུམ་ཅུ་རྩ་གསུམ་གནས་ཀྱི་ཁང་པ་ན་གནས་ཤིང་
D132.055.0278a05.01ལྷའི་བུ་མོ་བརྒྱ་སྟོང་གིས་ཡོངས་སུ་བསྐོར་ཏེ། སིལ་སྙན་དང་། ཕེག་རྡོབ་པ་དང་། རོལ་མོའི་སྒྲ་དབྱངས་བྱེད་པར་འདུ་ཤེས་པ་དེ་འདྲ་བའི་རྫུ་འཕྲུལ་མངོན་པར་འདུ་བྱེད་པར་བྱིན་གྱིས་བརླབས་ནས་སྨྲས་པ། བློ་གྲོས་བརྟན་པ་ཅི་མཐོང་། སྨྲས་པ། ལྷའི་བུ་ཁོ་བོས་ནི་ཐམས་
D132.055.0278a06.01ཅད་དང་ལྡན་པའི་འཁོར་འདི་ལྷའི་དབང་པོ་བརྒྱ་བྱིན་གྱི་ཁ་དོག་དང་། དབྱིབས་དང་། གཟུགས་སུ་གནས་པ་དང་། སུམ་ཅུ་རྩ་གསུམ་གྱི་ལྷའི་ཁང་པ་ན་གནས་ཤིང་ལྷའི་བུ་མོ་བརྒྱ་སྟོང་གིས་ཡོངས་སུ་བསྐོར་ཏེ། སིལ་སྙན་དང་། ཕེག་རྡོབ་པ་དང་། རོལ་མོའི་སྒྲ་
D132.055.0278a07.01