完整藏文原文 · 德格版页 当前仅加载第 55 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་བརྒྱ་བྱིན་གཉིས་པ་ལ་ཀྱེ་གྲོགས་པོ་དེ་བཞིན་གཤེགས་པ་ཁོ་བོའི་སེང་གེའི་ཁྲི་ལ་བཞུགས་ཀྱིས་ལྟོས་ཤིག་ཅེས་སྟོན་ཏོ། །གཉིས་པ་ཡང་གསུམ་པ་ལ་ཀྱེ་གྲོགས་པོ་དེ་བཞིན་གཤེགས་པ་ཁོ་བོའི་སེང་གེའི་ཁྲི་ལ་བཞུགས་ཀྱིས་ལྟོས་ཤིག་ཅེས་སྨྲའོ། །དེ་བཞིན་དུ་བརྒྱ་བྱིན་དང་། ཚངས་པ་དང་།
D132.055.0258b01.01འཇིག་རྟེན་སྐྱོང་བ་དེ་དག་ཐམས་ཅད་དང་། ལྷ་དེ་དག་ཐམས་ཅད་ཀྱང་ཕན་ཚུན་གཅིག་ལ་གཅིག་ཀྱེ་གྲོགས་པོ་དག་དེ་བཞིན་གཤེགས་པ་ཁོ་བོའི་སེང་གེའི་ཁྲི་ལ་བཞུགས་ཀྱིས་ལྟོས་ཤིག་ཅེས་སྟོན་ཏོ། །དེ་ན་རེ་རེ་ཞིང་ཡང་རེ་རེ་དག་ལ་དེ་བཞིན་གཤེགས་པ་དཔའ་བར་འགྲོ་བའི་ཏིང་ངེ་འཛིན་འཆད་པ་
D132.055.0258b02.01ཁོ་བོའི་སེང་གེའི་ཁྲི་ལ་བཞུགས་ཀྱི་ཁྱོད་ཀྱི་ལ་ནི་མ་ཡིན་ནོ་ཞེས་དེ་སྐད་ཅེས་སྨྲའོ། །དེ་ནས་བཅོམ་ལྡན་འདས་ཀྱིས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་དང་། ལྷའི་བུ་དེ་དག་གདུལ་བའི་དབང་དང་དཔའ་བར་འགྲོ་བའི་ཏིང་ངེ་འཛིན་འདི་ཡང་བརྩམ་པ་ཙམ་བསྟན་པ་དང་། ཐེག་
D132.055.0258b03.01པ་ཆེན་པོ་ཡང་ཡོངས་སུ་བསྡུ་བ་བསྟན་པའི་ཕྱིར་དེའི་ཚེ་ཅི་ནས་ཀྱང་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་དང་། ལྷའི་བུ་དེ་དག་གིས་སེང་གེའི་ཁྲི་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་པོ་དེ་དག་ལ་སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་བཞུགས་
D132.055.0258b04.01པར་མཐོང་བ་དེ་ལྟ་བུའི་ལྟས་བསྟན་ཏོ། །དེ་ན་འཁོར་དེ་དག་ཐམས་ཅད་ངོ་མཚར་དུ་གྱུར་ནས་བདག་བདག་གི་སྟན་དེ་དག་ལས་ལངས་ཏེ། ཐམས་ཅད་ཀྱིས་ཐལ་མོ་སྦྱར་ནས་དེ་བཞིན་གཤེགས་པ་ལ་ཕྱག་འཚལ་ཏེ། ཚིག་འདི་སྐད་ཅེས་ལེགས་སོ་ལེགས་སོ། །འདི་ལྟར་དེ་བཞིན་གཤེགས་
D132.055.0258b05.01པས་ལྷའི་བུ་འདི་དག་གི་བསམ་པ་ཡོངས་སུ་རྫོགས་པར་མཛད་པ་ནི་ངོ་མཚར་ཏེ། སངས་རྒྱས་བཅོམ་ལྡན་འདས་རྣམས་ཀྱི་ཡུལ་བསམ་གྱིས་མི་ཁྱབ་བོ་ཞེས་སྨྲས་སོ། །དེ་ལྟར་ལྷའི་བུ་ཇི་སྙེད་ཀྱིས་སངས་རྒྱས་ཀྱི་སེང་གེའི་ཁྲི་བཤམས་པ་དེ་དག་ཐམས་ཅད་ཀྱིས་དེ་བཞིན་གཤེགས་པའི་
D132.055.0258b06.01རྣམ་པར་འཕྲུལ་པའི་ཆོ་འཕྲུལ་འདི་ལྟ་བུ་འདི་མཐོང་ནས། ཐམས་ཅད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་ཚིག་འདི་སྐད་ཅེས། བཅོམ་ལྡན་འདས་བདག་ཅག་ནི་དེ་བཞིན་གཤེགས་པ་ལ་མཆོད་པ་བགྱི་བ་དང་། སེམས་ཅན་ཐམས་ཅད་ཀྱི་སྡུག་
D132.055.0258b07.01