完整藏文原文 · 德格版页 当前仅加载第 55 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་སེམས་དཔའི་སྟོབས་བཅུ་པོ་དེ་དག་ཐོབ་པར་གྱུར་ཅིག །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་ད་ལྟར་རམ། ང་འདས་ནས་ཀྱང་རུང་སྟེ། གང་ལ་ལ་ཞིག་གིས་དཔའ་བར་འགྲོ་བའི་ཏིང་ངེ་
D132.055.0304a01.01འཛིན་འདི་མཉན་ཏེ་ཐོས་ནས་མོས་པར་བྱེད་ན། དེ་དག་ཐམས་ཅད་ནི་བྱང་ཆུབ་སེམས་དཔའི་སྟོབས་བཅུ་པོ་འདི་དག་དང་ལྡན་པར་འགྱུར་རོ། །ཡང་དེའི་ཚེ་ན་འཁོར་དེར་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་བློ་གྲོས་ཞེས་བྱ་བ་འདུས་པར་གྱུར་ཏེ་འདུག་གོ། །དེ་ནས་བྱང་ཆུབ་སེམས་དཔའ་
D132.055.0304a02.01སེམས་དཔའ་ཆེན་པོ་རྒྱལ་བའི་བློ་གྲོས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D132.055.0304a03.01རིགས་ཀྱི་བུའམ། རིགས་ཀྱི་བུ་མོ་བསོད་ནམས་འཚལ་བས་དེ་བཞིན་གཤེགས་པ་ལ་མཆོད་པར་བགྱིའོ། །ཤེས་རབ་འཚལ་བས་ཐོས་པ་ལ་བརྩོན་པར་བགྱིའོ། །མཐོ་རིས་འཚལ་བས་ཚུལ་ཁྲིམས་བསྲུང་བར་བགྱིའོ། །ལོངས་སྤྱོད་འཚལ་བས་སྦྱིན་པ་སྤེལ་བར་བགྱིའོ། །གཟུགས་
D132.055.0304a04.01འཚལ་བས་བཟོད་པ་བསྒོམ་པར་བགྱིའོ། །སྤོབས་པ་འཚལ་བས་བླ་མ་ལ་གུས་པར་བགྱིའོ། །གཟུངས་འཚལ་བས་ང་རྒྱལ་མ་མཆིས་པར་བགྱིའོ། །ཡེ་ཤེས་འཚལ་བས་ཚུལ་བཞིན་ཡིད་ལ་བགྱིད་པ་དང་ལྡན་པར་བགྱིའོ། །བདེ་བ་འཚལ་བས་སྡིག་པ་ཐམས་ཅད་མི་བགྱིའོ། །
D132.055.0304a05.01སེམས་ཅན་གྱི་དོན་བགྱིད་པར་འཚལ་བས་བྱང་ཆུབ་ཏུ་སེམས་བསྐྱེད་པར་བགྱིའོ། །སྒྲ་སྙན་པར་འཚལ་བས་བདེན་པ་སྨྲ་བར་བགྱིའོ། །ཡོན་ཏན་འཚལ་བས་རབ་ཏུ་དབེན་པ་ལ་དགའ་བར་བགྱིའོ། །ཆོས་འཚལ་བས་དགེ་བའི་བཤེས་གཉེན་ལ་བསྟེན་པར་བགྱིའོ། །ཞི་གནས་
D132.055.0304a06.01འཚལ་བས་འདུ་འཛི་མང་པོ་མ་མཆིས་པར་བགྱིའོ། །ལྷག་མཐོང་འཚལ་བས་ཆོས་ལ་སྟོང་པར་སོ་སོར་བརྟག་པ་མང་བར་བགྱིའོ། །ཚངས་པའི་འཇིག་རྟེན་འཚལ་བས་ཚད་མེད་པ་བཞི་ལ་བསྒོམ་པར་བགྱིའོ། །ལྷའི་དང་མིའི་ཕུན་སུམ་ཚོགས་པ་འཚལ་བས་དགེ་བ་བཅུའི་
D132.055.0304a07.01