完整藏文原文 · 德格版页 当前仅加载第 55 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ལྔ་བརྒྱ་ལ་དགེ་བའི་རྩ་བ་བསྐྱེད་དེ། ཕྱིས་དེ་བཞིན་གཤེགས་པ་གྲངས་ལས་འདས་པ་ལ་བཀུར་སྟི་བྱེད་པར་འགྱུར། རིམ་གྲོ་བྱེད་པར་འགྱུར། བསྟི་སྟང་བྱེད་པར་འགྱུར། མཆོད་པ་བྱེད་པར་འགྱུར་ཏེ། བསྐལ་པ་གྲངས་མེད་པ་བདུན་བརྒྱ་ན་དེ་བཞིན་གཤེགས་པ་དགྲ་བཅོམ་པ་
D132.055.0292b01.01ཡང་དག་པར་རྫོགས་པའི་སངས་རྒྱས་ཆོས་བཀོད་པའི་རྒྱལ་པོ་ཞེས་བྱ་བར་འགྱུར་ཏེ། ཀུན་དགའ་བོ་ལྷའི་བུ་མོ་དེ་དག་ནི་འདི་ནས་ཤི་འཕོས་ཏེ། འཆི་བའི་དུས་བྱས་མ་ཐག་ཏུ་བུད་མེད་ཀྱི་ལུས་ལས་བསྒྱུར་ཏེ། དགའ་ལྡན་གྱི་གནས་ན་བྱང་ཆུབ་སེམས་དཔའ་བྱམས་པ་དང་ལྷན་ཅིག་འགྲོགས་
D132.055.0292b02.01ཤིང་མཉེས་པར་བྱེད་པར་འགྱུར་ལ། རིམ་གྱིས་བསྐལ་པ་བཟང་པོའི་དེ་བཞིན་གཤེགས་པ་ཐམས་ཅད་མཉེས་པར་བྱེད་དོ། །མཉེས་པར་བྱས་ནས་མི་མཉེས་པར་མི་བྱེད་དེ། རིམ་གྲོ་བྱེད། བཀུར་སྟི་བྱེད། བསྟི་སྟང་བྱེད། མཆོད་པ་བྱེད་པར་འགྱུར་རོ། །དེ་ནས་བདུད་སྡིག་ཅན་
D132.055.0292b03.01གྱིས་ལྷའི་བུ་མོ་དེ་དག་ལུང་བསྟན་པར་རིགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་གཡོག་འཁོར་གང་གིས་དཔའ་བར་འགྲོ་བའི་ཏིང་ངེ་འཛིན་འདི་ཐོས་པ་དེ་དག་བདག་གི་དབང་དུ་མི་འགྱུར་ན། དེ་དག་བདག་གི་སླད་བཞིན་དུ་འབྲང་བ་
D132.055.0292b04.01ལྟ་ཅི་སྨོས། དེ་ནི་དཔའ་བར་འགྲོ་བའི་ཏིང་ངེ་འཛིན་འདི་ཐོས་པ་ནི་བཅོམ་ལྡན་འདས་སངས་རྒྱས་ཀྱི་ཆོས་ལ་ངེས་པར་རིག་པར་བགྱིའོ། །དེ་ནས་ལྷའི་བུ་མོ་དེ་དག་སེམས་ཞུམ་པར་མ་གྱུར་ནས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྡིག་ཅན་དེ་སྐད་མ་ཟེར། ཡི་ཆད་
D132.055.0292b05.01པར་མ་བྱེད་ཅིག །བདག་ཅག་ནི་ཁྱོད་ཀྱི་ཡུལ་ལས་མི་འདའ་ཞིང་མི་ལྡོག་གོ། །དེ་ཅིའི་ཕྱིར་ཞེ་ན། བདུད་ཀྱི་ཡུལ་དུ་འགྲོ་བའི་དེ་བཞིན་ཉིད་གང་ཡིན་པ་དེ་ནི་སངས་རྒྱས་ཀྱི་ཡུལ་དུ་འགྲོ་བའི་དེ་བཞིན་ཉིད་ཡིན་ཏེ། དེ་ལྟར་ན་བདུད་ཀྱི་ཡུལ་དུ་འགྲོ་བའི་དེ་བཞིན་ཉིད་དང་།
D132.055.0292b06.01སངས་རྒྱས་ཀྱི་ཡུལ་དུ་འགྲོ་བའི་དེ་བཞིན་ཉིད་དེ་ནི་གཉིས་སུ་མེད་དེ་གཉིས་སུ་དབྱེར་མེད་དོ། །སྡིག་ཅན་དེ་ལྟ་བས་ན་བདག་ཅག་ནི་དེ་བཞིན་ཉིད་ལས་མི་འདའོ། །བདུད་ཀྱི་ཡུལ་གྱི་ཆོས་ཉིད་གང་ཡིན་པ་སངས་རྒྱས་ཀྱི་ཡུལ་གྱི་ཆོས་ཉིད་ཀྱང་དེ་ཡིན་ཏེ། དེ་ལྟར་ན་བདུད་ཀྱི་
D132.055.0292b07.01