完整藏文原文 · 德格版页 当前仅加载第 55 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
ཆད་ཀྱང་མི་བགྱིད་དོ། །བདག་ཅག་བཅིང་མི་འཚལ་ཏེ། བཅོམ་ལྡན་འདས་བདག་ཅག་ནི་ཏིང་ངེ་འཛིན་འདི་ཡོངས་སུ་གཟུང་བའི་སླད་དུ་ཆོས་སྨྲ་བ་དེའང་བསྲུང་བར་བགྱིད་དོ། །དཔའ་བར་འགྲོ་བའི་ཏིང་ངེ་འཛིན་འདི་ལ་ཡང་སྟོན་པར་འདུ་ཤེས་བསྐྱེད་པར་བགྱིའོ། །དེ་
D132.055.0285a01.01སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དེ་དག་ལ་འདི་སྐད་ཅེས་བཀའ་སྩལ་ཏོ། །ཀྱེ་གྲོགས་པོ་དག་དེའི་ཕྱིར་
D132.055.0285a02.01ཁྱེད་ལྟ་བར་གྱུར་པའི་འཆིང་བ་བཅུ་གཉིས་ལས་ཡོངས་སུ་ཐར་བར་གྱིས་ཤིག་བཅུ་གཉིས་གང་ཞེ་ན། འདི་ལྟ་སྟེ། བདག་ཏུ་ལྟ་བའི་འཆིང་བ་དང་། སེམས་ཅན་དུ་ལྟ་བའི་འཆིང་བ་དང་། སྲོག་ཏུ་ལྟ་བའི་འཆིང་བ་དང་། གང་ཟག་ཏུ་ལྟ་བའི་འཆིང་བ་དང་། ཆད་པར་ལྟ་བའི་འཆིང་
D132.055.0285a03.01བ་དང་། རྟག་པར་ལྟ་བའི་འཆིང་བ་དང་། ངར་འཛིན་པར་ལྟ་བའི་འཆིང་བ་དང་། ང་ཡིར་འཛིན་པར་ལྟ་བའི་འཆིང་བ་དང་། འབྱུང་བར་ལྟ་བའི་འཆིང་བ་དང་། འཇིག་པར་ལྟ་བའི་འཆིང་བ་དང་། འཇིག་ཚོགས་ལ་ལྟ་བའི་འཆིང་བ་དང་། ཆོས་ཐམས་ཅད་ལ་མངོན་པར་ཞེན་
D132.055.0285a04.01པར་ལྟ་བའི་འཆིང་བ་ལས་སོ། །ཀྱེ་གྲོགས་པོ་དག་དེ་བཞིན་གཤེགས་པའམ། དེ་བཞིན་གཤེགས་པས་གསུངས་པའི་ཆོས་འདུལ་བ་ལ་གང་ལ་ལ་དག་གཤེ་བའམ། སྤོང་བའམ། ཟློག་པར་བྱེད་པ་དེ་དག་ཐམས་ཅད་ནི་བཅིང་བ་འདི་བཅུ་གཉིས་ཀྱིས་བཅིངས་ནས། ཟློག་
D132.055.0285a05.01པར་བྱེད། སྤོང་བར་བྱེད། གཤེ་བར་བྱེད་དོ། །ཀྱེ་གྲོགས་པོ་དག་གང་དག་དེ་བཞིན་གཤེགས་པས་གསུངས་པའི་ཆོས་འདུལ་བ་འདི་ཐོས་ནས་མོས་པར་བྱེད། ཡིད་ཆེས་པར་བྱེད་དེ། སྤོང་བར་མི་བྱེད་པ་དེ་དག་ཐམས་ཅད་ནི་ལྟ་བར་གྱུར་པའི་འཆིང་བ་བཅུ་གཉིས་ཀྱི་བཅིང་བ་
D132.055.0285a06.01འདི་དག་ལས་ཡོངས་སུ་གྲོལ་བར་འགྱུར་རོ། །དེ་ནས་བཅོམ་ལྡན་འདས་ལ་གནས་བརྟན་ཤཱ་རིའི་བུས་འདི་སྐད་ཅེས་གསོལ་ཏོ། །ཅི་བཅོམ་ལྡན་འདས་བདུད་སྡིག་ཅན་གྱིས་དཔའ་བར་འགྲོ་བའི་ཏིང་ངེ་འཛིན་འདིའི་མིང་ཐོས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ།
D132.055.0285a07.01