完整藏文原文 · 德格版页 当前仅加载第 55 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མེད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ་ཆོས་ཐམས་ཅད་ནི་མི་སྐྱེ་བའི་དེ་བཞིན་ཉིད་དང་ལྡན་ནོ། །ཆོས་ཐམས་ཅད་ནི་མི་འགོག་པའི་དེ་བཞིན་ཉིད་དང་ལྡན་ནོ། །ཆོས་ཐམས་ཅད་ནི་མི་འཁྲུགས་པའི་དེ་བཞིན་ཉིད་དང་ལྡན་ནོ། །ཆོས་ཐམས་ཅད་ནི་འདུ་བ་མེད་པའི་དེ་བཞིན་ཉིད་དང་
D132.055.0280b01.01ལྡན་ནོ། །ཆོས་ཐམས་ཅད་ནི་འབྲལ་བ་མེད་པའི་དེ་བཞིན་ཉིད་དང་ལྡན་ནོ། །ཆོས་ཐམས་ཅད་ནི་ནམ་མཁའ་བཞིན་དུ་དབེན་པ་དང་ལྡན་ནོ། །ཆོས་ཐམས་ཅད་ནི་སྟོང་པ་ཉིད་ཀྱི་མཉམ་པ་ཉིད་དང་ལྡན་ནོ། །ཆོས་ཐམས་ཅད་ནི་མ་སྐྱེས་པའི་ཆོས་ཉིད་དང་ལྡན་ཏེ་ཤི་འཕོ་མེད་དོ། །སྨྲས་པ།
D132.055.0280b02.01ལྷའི་བུ་དཔའ་བར་འགྲོ་བའི་ཏིང་ངེ་འཛིན་གང་དུ་འགྲོ་བ་ཡིན། སྨྲས་པ། རིགས་ཀྱི་བུ་དཔའ་བར་འགྲོ་བའི་ཏིང་ངེ་འཛིན་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་འགྲོ་བ་ཡང་ཡིན་ལ། སེམས་དང་ལྟ་བ་དང་། དམིགས་པར་འདུ་ཤེས་པ་ལ་འགྲོ་བ་ནི་མ་ཡིན་ནོ། །སྲིད་པར་
D132.055.0280b03.01འགྲོ་བའི་འཆི་འཕོ་དང་། སྐྱེ་བ་ཐམས་ཅད་དུ་འགྲོ་བ་ཡང་ཡིན་ལ། སྲིད་པར་འགྲོ་བའི་ཉོན་མོངས་པར་འགྲོ་བ་ནི་མ་ཡིན་ནོ། །རིགས་ཀྱི་བུ་དཔའ་བར་འགྲོ་བའི་ཏིང་ངེ་འཛིན་ནི་ཏིང་ངེ་འཛིན་ཐམས་ཅད་སྟོན་པར་འགྲོ་བ་ཡང་ཡིན་ལ་མཉམ་པ་ཉིད་འཁྲུགས་པར་འགྲོ་བ་ནི་མ་ཡིན་ནོ། །སངས་
D132.055.0280b04.01རྒྱས་ཀྱི་ཞིང་ཐམས་ཅད་དུ་འཇུག་པར་འགྲོ་བ་ཡང་ཡིན་ལ་ཞིང་སྣ་ཚོགས་སུ་འདུ་ཤེས་པར་འགྲོ་བ་ནི་མ་ཡིན་ནོ། །སངས་རྒྱས་ཐམས་ཅད་སྟོན་པར་འགྲོ་བ་ཡང་ཡིན་ལ་སངས་རྒྱས་ཀྱི་གཟུགས་དང་། མཚན་ལ་རྣམ་པར་རྟོག་ཅིང་སྟོན་པར་འགྲོ་བ་ནི་མ་ཡིན་ནོ། །སྒྲ་དང་། སྐད་
D132.055.0280b05.01ཐམས་ཅད་སྟོན་པར་འགྲོ་བ་ཡང་ཡིན་ལ་ཡི་གེའི་འདུ་ཤེས་ཡོངས་སུ་རྟོག་པར་འགྲོ་བ་ནི་མ་ཡིན་ནོ། །རིགས་ཀྱི་བུ་དཔའ་བར་འགྲོ་བའི་ཏིང་ངེ་འཛིན་ནི་སངས་རྒྱས་ཐམས་ཅད་མཐོང་བར་འགྲོ་བ་ཡང་ཡིན་ལ་ཤིན་ཏུ་མཐོང་བར་འགྲོ་བ་ནི་མ་ཡིན་ནོ། །རིགས་ཀྱི་བུ་དེ་ལྟ་བས་ན་དཔའ་བར་
D132.055.0280b06.01འགྲོ་བའི་ཏིང་ངེ་འཛིན་ཇི་ལྟ་བུར་འགྲོ་བ་ཡིན་ཞེས་གང་དེ་སྐད་སྨྲས་པ་ནི་དེ་བཞིན་གཤེགས་པའི་འགྲོ་བ་གང་ཡིན་པ་ཏིང་ངེ་འཛིན་འདིའི་འགྲོ་བ་ཡང་དེ་ཡིན་ནོ། །སྨྲས་པ། ལྷའི་བུ་དེ་བཞིན་གཤེགས་པ་ཇི་ལྟ་བུར་གཤེགས། སྨྲས་པ། དེ་བཞིན་གཤེགས་པ་ནི་དེ་བཞིན་
D132.055.0280b07.01