完整藏文原文 · 德格版页 当前仅加载第 55 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
སྒོར་འཇུག་པ་བསམ་གྱིས་མི་ཁྱབ་པ་དང་། དྲན་པ་དང་། བློ་གྲོས་དང་། རྟོགས་པའི་སྣོད་བསམ་གྱིས་མི་ཁྱབ་པ་དང་། མངོན་པར་ཤེས་པ་བསྒྲུབ་པ་བསམ་གྱིས་མི་ཁྱབ་པ་དང་། སེམས་ཅན་ཐམས་ཅད་ཀྱི་སྐད་ལ་འཇུག་པ་བསམ་གྱིས་མི་ཁྱབ་པ་དང་། སེམས་ཅན་གྱི་སྤྱོད་པ་དང་།
D132.055.0310b01.01བསམ་པ་ལ་འཇུག་པ་བསམ་གྱིས་མི་ཁྱབ་པ་དང་། སངས་རྒྱས་མཐོང་བ་བསམ་གྱིས་མི་ཁྱབ་པ་དང་། ཆོས་ཐོས་པ་བསམ་གྱིས་མི་ཁྱབ་པ་དང་། སེམས་ཅན་ཡོངས་སུ་སྨིན་པར་བྱེད་པ་བསམ་གྱིས་མི་ཁྱབ་པ་དང་། ཏིང་ངེ་འཛིན་གྱི་རྣམ་པར་འཕྲུལ་པ་བསམ་གྱིས་མི་ཁྱབ་པ་དང་། ཞིང་གི་
D132.055.0310b02.01ཡོན་ཏན་བཀོད་པའི་ཡོན་ཏན་བསྒྲུབ་པ་བསམ་གྱིས་མི་ཁྱབ་པ་དང་། གཟུགས་དང་། མཚན་མཛེས་པ་བསམ་གྱིས་མི་ཁྱབ་པ་དང་། བསྔགས་པ་དང་། ཡོན་ཏན་དང་། སྙན་པ་དང་། བརྗོད་པ་བསམ་གྱིས་མི་ཁྱབ་པ་དང་། ཕ་རོལ་ཏུ་ཕྱིན་པ་སྦྱངས་པ་བསམ་གྱིས་མི་ཁྱབ་པ་དང་།
D132.055.0310b03.01ཆོས་རྟོགས་པ་བསམ་གྱིས་མི་ཁྱབ་པ་སྟེ། བློ་གྲོས་བརྟན་པ་ཆོས་སྨྲ་བ་དཔའ་བར་འགྲོ་བའི་ཏིང་ངེ་འཛིན་འདི་ལ་བརྩོན་པ་ཡི་གེར་འདྲིའམ། ཀློག་གམ། ལུང་ནོད་དམ། ཁ་ཏོན་བྱེད་དམ། སྟོན་ན་ཡོན་ཏན་གྱི་བྱེ་བྲག་བསམ་གྱིས་མི་ཁྱབ་པ་ཉི་ཤུ་པོ་དེ་དག་ཡོངས་སུ་འཛིན་ཏོ། །བློ་གྲོས་
D132.055.0310b04.01བརྟན་པ་དེ་ལྟ་བས་ན་རིགས་ཀྱི་བུའམ། རིགས་ཀྱི་བུ་མོ་ཚེ་འདིའམ་ཚེ་རབས་གཞན་ལ་ཡོན་ཏན་ཡོངས་སུ་འཛིན་པར་འདོད་པས་དཔའ་བར་འགྲོ་བའི་ཏིང་ངེ་འཛིན་འདི་ཡི་གེར་འདྲི་བ་དང་། བཀླག་པ་དང་། ལུང་ནོད་པ་དང་། ཁ་ཏོན་བྱ་བ་དང་། བཤད་པ་ལ་བརྩོན་པར་བྱའོ། །བློ་གྲོས་
D132.055.0310b05.01བརྟན་པ་ཡང་རིགས་ཀྱི་བུའམ། རིགས་ཀྱི་བུ་མོ་བྱང་ཆུབ་འདོད་པས་བསྐལ་པ་བརྒྱ་ཕྲག་སྟོང་དུ་ཕ་རོལ་ཏུ་ཕྱིན་པ་དྲུག་སྤྱོད་པ་བས། གང་གིས་དཔའ་བར་འགྲོ་བའི་ཏིང་ངེ་འཛིན་འདི་ཐོས་མ་ཐག་ཏུ་སེམས་མ་ཞུམ་ལ་མི་སྐྲག་མི་དངང་། དངང་བར་མི་འགྱུར་ཞིང་མོས་པར་བྱེད་ན། དེ་ནི་ཆེས་
D132.055.0310b06.01མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འགྱུར་ན་གང་གིས་ཐོས་ནས་ལུང་འབོག་པའམ་གཞན་ལ་འཆད་པར་འགྱུར་བ་ལྟ་ཅི་སྨོས། དེ་བཞིན་གཤེགས་པའི་བསམ་གྱིས་མི་ཁྱབ་པ་ཐོས་ནས་མི་འཇིགས་པར་འདོད་པས་དཔའ་བར་འགྲོ་བའི་ཏིང་ངེ་འཛིན་
D132.055.0310b07.01