完整藏文原文 · 德格版页 当前仅加载第 8 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
མདོག་གིས་བུ་མོ་མངག་གཞུག་མ་དེ་ལ་སྨྲས་པ། བུ་མོ་སྤོས་འཚོང་གི་ཁྱེའུ་དེ་ལས་སྨན་བསྐ་བ་དང་། ཁ་བ་དང་། ཚ་བ་དག་ཉོ་བར་བྱའོ། །གལ་ཏེ་སུའི་གན་དུ་ཁྱེར་ཞེས་ཟེར་ན་རིགས་ཀྱི་བུ་དེ་ན་བས་དེའི་སྨན་གྱི་ཕྱིར་ཁྱེར་རོ་ཞེས་བརྗོད་པར་བྱའོ། །གལ་ཏེ་དབྱིག་སུའི་ཡིན་ཞེས་
D3.008.0219b01.01ཟེར་ན། ཨུཏྤ་ལའི་མདོག་གི་ཡིན་ནོ་ཞེས་བརྗོད་པར་བྱའོ། །བུ་མོ་མངག་གཞུག་མ་དེས་ཀཱཪྵཱ་པ་ཎ་དག་ཁྱེར་ཏེ་སྤོས་འཚོང་གི་ཁྱེའུ་དེའི་གན་དུ་སོང་ནས་སྨྲས་པ། སྨན་བསྐ་བ་དང་། ཁ་བ་དང་། ཚ་བ་དག་བྱིན་ཅིག །དེས་སྨྲས་པ། སུའི་གན་དུ་ཁྱེར། དེས་སྨྲས་པ། རིགས་
D3.008.0219b02.01ཀྱི་བུ་དེ་ན་བས་ན་དེའི་སྨན་གྱི་ཕྱིར་ཁྱེར་རོ། །དེས་སྨྲས་པ། དབྱིག་སུའི་ཡིན། དེས་སྨྲས་པ། ཨུཏྤ་ལའི་མདོག་གིའོ། །དེས་བསམས་པ། དེ་ནི་ན་ཅུང་ཆེན་མོ་ཞིག་སྟེ། རང་གི་སྨན་གྱིས་བསྙེན་བཀུར་བྱེད་དོ། །སྙམ་ནས་དེ་དེ་ལ་རྗེས་སུ་ཆགས་པ་སྐྱེས་ནས། དེས་བུ་མོ་
D3.008.0219b03.01དེ་ལ་སྨྲས་པ། བུ་མོ་ཨུཏྤ་ལའི་མདོག་ལ་སྤོས་འཚོང་གི་ཁྱེའུ་དེ་ཁྱོད་ལྟ་བར་འདོད་དོ་ཞེས་གྱིས་ཤིག །བུ་མོ་དེས་ཨུཏྤ་ལའི་མདོག་ལ་བརྗོད་པ་དང་། དེས་སྨྲས་པ། བུ་མོ་སོང་ལ་འདི་སྐད་ཅེས། ད་དུང་རིགས་ཀྱི་བུ་དེ་མ་སོས་སོ་ཞེས་གྱིས་ཤིག །དེ་སོང་སྟེ་དེ་ལ་དེ་སྐད་བརྗོད་
D3.008.0219b04.01པ་དང་། དེ་ཡང་དང་ཡང་དུ་བུ་མོ་དེ་ལ་ཉི་མ་གང་ལ་འོང་བར་བྱ་ཞེས་འདྲིའོ། །དེས་ཨུཏྤ་ལའི་མདོག་ལ་བརྗོད་པ་དང་། དེས་བསམས་པ། དེ་ལྷག་པར་ཆགས་པར་གྱུར་གྱིས་ཐབས་ཀྱི་རྣམ་པ་ལེགས་པ་ཞིག་བྱའོ་སྙམ་ནས་དེ་རྩ་མི་ཞིག་བྱས་ཏེ། ཁྲིའི་སྟེང་དུ་བཞག་ནས་དུར་
D3.008.0219b05.01ཁྲོད་དུ་ཁྱེར་ཏེ་བསྲེགས་ནས་དེའི་འོག་ཏུ་སྐྲ་བཤིག་ཅིང་ངུ་བའི་བཞིན་གྱིས་སྤོས་འཚོང་གི་ཁྱེའུ་དེའི་ཚོང་ཁང་དང་ཧ་ཅང་ཐག་མི་རིང་བ་ནས་འགྲོ་བར་བརྩམས་པ་དང་། སྤོས་འཚོང་གི་ཁྱེའུ་དེས་དེ་མཐོང་ངོ་། །བཅོམ་ལྡན་འདས་ཀྱིས་བུད་མེད་ཀྱིས་སྐྱེས་པ་རྣམ་པ་བརྒྱད་ཀྱིས་འཆིང་བར་བྱེད་དེ།
D3.008.0219b06.01གར་དང་། གླུ་དང་། རོལ་མོ་དང་། གད་མོ་དང་། ངུ་བ་དང་། ལྟ་བ་དང་། རེག་པ་དང་། རྨ་འབྱེད་པས་སོ་ཞེས་གསུངས་པས་སྤོས་འཚོང་གི་ཁྱེའུ་དེ་དེ་ལ་ཤིན་ཏུ་ཆགས་པར་གྱུར་ནས་བུ་མོ་དེ་ལ་ཡང་སྨྲས་པ། བུ་མོ་ད་འོང་ངོ་། །དེས་ཨུཏྤ་ལའི་མདོག་ལ་བརྗོད་པ་དང་།
D3.008.0219b07.01