完整藏文原文 · 德格版页 当前仅加载第 8 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་སྨྲས་པ། དེ་ལྟར་བྱའོ་ཞེས་དེ་དག་གིས་དེ་ལ་གླང་པོ་ཆེ་ལྔ་བརྒྱ་དང་། བལ་གླང་མོ་ལྔ་བརྒྱ་དང་། རྟ་ལྔ་བརྒྱ་དང་། རྒོད་མ་ལྔ་བརྒྱ་དང་། གཞོན་ནུ་ལྔ་བརྒྱ་དང་། གཞོན་ནུ་མ་ལྔ་བརྒྱ་དང་། གསེར་འབུམ་དང་། རས་ལ་ཀཽ་ཤཱམྦཱིའི་གནས་དང་། ཁང་{བཟངས་,བཟང་}མེ་ཏོག་གི་
D3.008.0191b01.01སོ་དང་། ཇི་ལྟར་མ་དུས་གྲོ་བ་དང་། འབྲུ་མར་དང་། སྣག་ཚ་དང་། སྨྱུ་གུ་དང་། ཤིང་བལ་བསྐྱས་ཤིང་གྲོ་བའི་ཁུར་ཕྱི་མའི་ནང་དུ་མེ་བཅུག་པ་དང་། ཇི་ལྟར་སྒོ་ཁང་ལ་མེ་མཆེད་པ་དང་། ཇི་ལྟར་ཀཽ་ཤཱམྦཱི་ན་གནས་པའི་སྐྱེ་བོའི་ཚོགས་ཀྱིས་མེ་གསོད་དུ་བརྒྱུགས་པ་ན་མ་དུས་རལ་
D3.008.0191b02.01གྲི་ཤུབས་ནས་ཕྱུང་སྟེ་ཕྱིར་བཟློག་པ་དང་། ཇི་ལྟར་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་གྱིས་སྒོ་ཁང་ལ་མེ་མཆེད་པ་འཁྲུལ་འཁོར་གྱིས་གནས་གཞན་དུ་སྤོའོ་ཞེས་ཟེར་བ་ན་མ་དུས་དེ་བཞིན་དུ་ཕྱིར་བཟློག་པ་དང་། ཇི་ལྟར་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཕྱེ་མ་ལེབ་
D3.008.0191b03.01བཞིན་དུ་གྱེན་དུ་མཆོང་ཞིང་མཆོང་ཞིང་མེར་ལྷུང་བ་དག་རི་མོར་བྲིས་ཏེ་བྱིན་ནོ། །དེ་ནས་མི་སྙན་སྨྲས་བློན་པོ་རྣམས་ལ་ཡི་གེ་སྤྲིང་སྟེ། རྒྱལ་པོ་ལ་གནོད་པ་འདི་ལྟ་བུ་བྱུང་བ་ཁོ་བོས་ཐབས་འདིས་བརྗོད་པར་བྱས། ཁྱེད་ཀྱིས་གྲོགས་གྱིས་ཤིག་ཅེས་བྱས་སོ། །དེས་དེ་དག་ལ་
D3.008.0191b04.01ཡི་གེ་སྤྲིང་ནས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཕྱོགས་གཞན་ཞིག་ཏུ་སོང་ནས་དེར་བསྡད་དེ། རྒྱལ་པོ་ཤར་པ་ལ་ཕྲིན་ཡིག་འདི་སྐད་ཅེས་ལྷ་བདག་ནི་ཡུལ་ག་གེ་མོ་ཞིག་གི་རྒྱལ་པོ་སྟེ། བདག་གི་བུ་འཆི་བདག་གིས་ཕྲོགས་ནས་དེའི་ཕྱིར་བདག་དེ་དང་ལྷན་ཅིག་གཡུལ་
D3.008.0191b05.01སྤྲོད་པར་བྱེད་དེ། གལ་ཏེ་རེ་ཞིག་གཡུལ་སྤྲད་པས་དེ་ཕམ་པར་ནུས་ན་དེ་ལྟ་ན་ལེགས། གལ་ཏེ་མ་ནུས་ན་གླང་པོ་ཆེ་ལྔ་བརྒྱ་དང་། བལ་གླང་མོ་ལྔ་བརྒྱ་དང་། རྟ་ལྔ་བརྒྱ་དང་། རྒོད་མ་ལྔ་བརྒྱ་དང་། གཞོན་ནུ་ལྔ་བརྒྱ་དང་། གཞོན་ནུ་མ་ལྔ་བརྒྱ་དང་། གསེར་འབུམ་ཕུལ་ནས་
D3.008.0191b06.01བུ་བླངས་ཏེ་འོང་ངོ་ཞེས་བྲིས་ཏེ་བསྐུར་རོ། །རྒྱལ་པོ་ཤར་པའི་རི་བྲགས་པ་དེ་དཔུང་དང་ལྡན་པས་མ་ཕེབས་ནས། དེས་བློན་པོ་རྣམས་ལ་སྨྲས་པ་ཤེས་ལྡན་དག་རྒྱལ་པོ་དེ་འདི་ལྟར་བླུན་པ་ལ་ལྟོས། འཆི་བདག་གིས་བུ་ཕྲོགས་པ་ཕྱིར་འཁྲུག་པར་ནུས་པ་འགའ་ཡང་ཡོད་རེ་སྐན།
D3.008.0191b07.01